Batasunako atxilotuak 22 omen dira
Batasunako Mahai Nazionalaren kontrako operazioa agindu zuen bart gauean Garzon epaileak. 22 atxilotu izan direla esan dute, baina izen gutxi batzuk zabaldu dira oraingoz; horietarik batzuk gero libre daudela jakin delarik. Eguneraketak eta zuzenketak behean.
Seguran egitekoa omen zen bilera batean gertatu omen ziren atxiloketa gehienak.
(Jarraian datorrena goizeko 8etan idatzi dugu. Lehen zerrenda horrek ez du asko balio. Erantzunetan izen gehiago).
Medioek dioete gaur 22 direla atxilotuak, baina oraingoz, 12 izen bakarrik zabaldu dira:
- Joseba Permach,
- Juan Joxe Petrikorena,
- Rufi Etxeberria,
- Juan Kruz Aldasoro,
- Ibon Arbulu,
- Ainara Armendariz,
- Patxi Urrutia,
- Jon Garai,
- Marije Fullaondo,
- Imanol Iparragirre,
- Anjel Mari Elkano
- Jean-Claude Agerre
Euskadi Irratian esan omen dute Ainara Armendariz ez dagoela atxilotua.
Batasunaren Mahai nazionalaren izen-osaketa iaz eratu zen azkenengoz, eta hartan 38 lagun zeuden. Horietarik, Arnaldo Otegi eta Joseba Alvarez espetxean daude (Alvarez aste honetan atxilotua). Aiora Epelde eta Olatz Dañobeitia mahai nazionaleko bokalak Segi auziagatik daude espetxean otsailetik.
Beste pertsona hauek ere Mahai nazionalekoak dira, baina ez dakigu atxilotu artean dauden edo ez: Jon Gorrotxategi, Joana Regueiro, Asier Imaz, Karmele Aierbe, Aner Petralanda, Aitor Aranzabal, Asier Arraiz, Ane Lizarralde, Lourdes Uribarri, Iñaki Olalde, Maite Díaz de Heredia, Mikel Zubimendi, Mikel Etxaburu, Karmelo Landa, Jone Goirizelaia, Mikel Torre, Haizpea Abrisketa, Maite Goienetxe, eta Eusebio Lasa.
Mahai nazionaleko Ipar Euskal Herriko lurralde-ordezkariak ere ez dira ageri orain arte zabaldutako atxilotuen zerrendetan: Xabi Larralde, Aintzina Mazusta eta Aurore Martín
Medio batzuek Tomas Alejandro bat aipatzen dute atxilotuen artean, baina zalantzazkoa dirudi: agertu ostean, gero borratu ere egin dute zenbait agerkari digitalen edizioetatik. Batasunako mahai nazionalean ez dago izen hori duen inor.
Erantzunak
Segurako alkatesak Marixabel Telleriak dioenez Garan, hiru Segurar daude atxilotuen artean: Xabier Albisu, Iban Berasategi eta Egoitz Apaolaza.
Bestalde, gaur goizean Belartza Poligonoan EHAK-k duen egoitza hartu du poliziak.
Garako artikulu horretan bertan, honako atxilotu zerrenda ematen da, hasierakotik desberdina zenbait izenetan:
Joseba Permach, Juan Kruz Aldasoro, Rufi Etxeberria, Juan Joxe Petrikorena, Ibon Arbulu, Imanol Iparragirre, Jon Garai, Patxi Urrutia, Aner Petralanda, Ana Lizarralde, Arantza Santesteban eta Mikel Zubimendi. Eta Segurako hiru lagun horiek gehitu behar.
Marije Fullaondo asko omen dago.
Atzo Free Burma kanpainaren eguna zen blogosferan. Deialdi globala omen zen, Birmaniako egoera salatzeko. Atzokoarekin kontraste eginez, euskal blogari batzuek gaur Free Batasuna esateko eguna dela uste dute, meme hori zabaltzekoa.
Ainara Armendariz berak Euskadi Irratira deitu du eta bera ez dagoela atxilotuta esan du.
Goierrin presentzia poliziala izugarria, helikopteroak, kontrolak, miaketak, kaleak itxita...