Teknologia albisteak
3

WSJko kazetaria: "Izenburua ez da neurea"

Erabiltzailearen aurpegia
Keith Johnson - Sustatuzale baten bidez
2007-11-08 : 19:11

Jasotako kritikei erantzun nahi izan die e-postaz Keith Johnson Wall Street Journal-eko kazetariak. Badakizue zein den kontua. Sustatuzale bat izan da erantzun hori jaso duenetako bat eta ingelesezko testua bidali digu. Itzuli egin dugu guk (ez da zinpeko itzulpengintza zertifikatua, bale?)

Lagun estimatuak guztiak:

Lehenik eta behin, niri idazten hartu duzuen denbora eta nekeagatik eskerrak eman nahi dizkizuet. Eta barkatu denoi aldi berean erantzuten badizuet, baina hainbeste izan dira jasotako mezuak, ezen banan bana erantzutea fisikoki ezinezkoa zaidan.

Bigarrenik, ingelesez mintzo ez zareteneoi bereziki, estimatzen dut ingelesez niri idazten hartu duzuen lana. Artikuluari buruzko iritziak denetarikoak izan diren arren, bat zetozen kexu batean, euskara gutxiesten zuela. Uste dut pertsona batzuek prentsa lokalaren laburpenak bakarrik ikusi dituztela, eta horiek, nire ustez, neuk idatzitakoaren ikuspegi okertua ematen zuten. Baina bertsio originala ikusi zuten irakurle batzuek ere irainduak sentitu dira zenbait puntutan.

Azpimarratu nahi dut ez dela inolaz nire helburua izan euskara gutxiestea, eta sentitzen dut euskal hiztunei artikuluak euskal hiztunei min eman badie. Edozein artikulurekin bezala, ahots desberdinak biltzen saiatu nintzen eta horien iritziak agertzen, neureak baino gehiago.

Horrek bi puntu txikiagotara narama, bien inguruan kexatu baitzaizkit irakurleak. Batetik, izenburua, "Inkisizioa". Zoritxarreko hitz aukera izan da hori; baina AEBetako egunkarietan, kazetariek ez dituzten beren izenburuak idazten.

Bigarrenik, irakurle asko kexu dira artikulua lotuta egon daitekeela News Corp konpainiaren asmo editorialekin, eta lotura egiten dute News Corp-eko administrazio kontseiluko kide baten izenarekin: Jose Mari Aznar. Horri buruz azpimarratu nahi dute zerbahi errore bada artikuluan, neureak direla horiek; ez dela goitikako interferentziarik izan batere, are gehiago jabetza aldaketako garai honetan, zeinean egunkariaren independentzia editoriala gai giltzarria bihurtu den.

Ondo izan
Keith Johnson

Erantzunak

Sustatu
2007-11-08 : 19:22

Eskerrik asko, Joseba (gure irakurle bat), ingelesezko testua bidaltzeagatik.


Funtsean, ondorio bi:


  • Ez omen zuen euskararen kontrako asmorik.

  • Izenburua ez, baina hortik beherakoa, berea da

Aznarren agerpenaz, azalpen batzuk:


  • Keith Johnson aspaldi dabil lanean Espainiatik Wall Street Journalentzat: Jose Maria Aznarrek egunkari horrekin duen lotura organikoa askoz berriagoa da, aurtengo udakoa.

  • Johnsonen lerrokatze editoriala polemika-gai izan da aurreko garai horietan, beste kasu batzuetan ere

  • Jose Maria Aznar administrazio kontseiluan dago News Corp.. enpresan, zeina munduko hedabide multimediatikoa handienetakoa den. News Corp.en jabe nagusia Rupert Murdoch australiarra da.

  • News Corp. aurtengo abuztutik da The Wall Street Journalen jabe, eta agintaritzaren egokitzapen edo trantsizio fase batean egongo direla oraindik pentsa daiteke, fase horri aipu egiten dio Johnsonek bere erantzunean, bederen.

Hasier
2007-11-08 : 19:23

Orduan, ez du atzera egiten. Berak idatzitakoak beregain hartzen ditu eta tituluarena editoreari leporatzen. Ez du artikuluan idatzitako ezer aldatuko.

hetzordua
2007-11-09 : 15:01

Niri ere bidali dit berdina. Hala ere berriro idatzi diot, titularrarena kritikagarria bada artikuluaren funtsa are eta gehiago dela esanez....

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago