Teknologia albisteak

Herri-hizkeraren II. jardunaldia Ondarroan

maite rey - Ondarroako udaleko euskara saila

2007-11-01 : 15:11

Herri-hizkeraren II. jardunaldia antolatu dugu Ondarroan, azaroaren 30erako, planteamendu honetatik helduta: herri-hizkeraren ekarpenak eta praktika onak.

Labayrura jo dugu bizkaiera-batua hiztegian herri-hizkeraren ekarpenaren gaia azaltzeko (ahozko iturrietatik zer hartu duten). Ahozkotasuna lantzeko, berriz, Mendebalde elkartekoekin egon gara, hainbat arrazoirengatik, tartean hau: Ahozkotasuna nola landu. Eta Estepan Plazaola bergararrarekin "Gehixago eta hobeto Programa" dela eta, ahozko jarduna hobetzeko proposamenak
interesaturik. Eta amaitzeko, herri hizkerak Goienan nola lantzen ari diren jakin nahian, Iban Arantzabal etorriko da.

Hizlari bakoitzaren jardunaren ostean, galdera-erantzunetarako tarte bat izatea funtsezkoa dela uste dugunez, 20 bat minutu izango dugu horretarako. Hortaz, aprobetxatzeko moduko aukera izango dugu denok.

Goiz parteko jarduna izango da 9:00etan hasita 14:30ak aldera arte Ondarroako Kofradia Zaharrean (Erribera kalean). Jardunaldien ostean ere izango da zer kontatu, bazkaria izango dugu eta.

Parte hartzeko, aurrekoan bezala, matrikula egin behar da; 20 euroko diru-sarrera Udalak BBKn daukan k/k honetan: 3830434777, eta izena eman, Ondarroako Udaleko euskara sailean - 94 6833668 telefonoz-

Erantzunak

Ni neu

2007-11-02 : 00:01

Herri hizkeraren ganeko jardunaldia primeran erexten jata, ez dodana entendiduten zergatik azaroaren 31an, barikuan, izan behar dan. Nik ezin neike beharra laga egun horretan, eta nire letxe besteren bat be egongo da joan nahi eta beharra egin behar daualako ezin izango dana joan.

Zergatik ez da egiten jardunaldia abenduaren batean, edo beste zapaturen batean nahi dauan edozeinek parte hartu ahal izateko?

Jakingo baneu zeini preguntau joan eta galdetuko neuskio: zu primo, zergatik batzuk bai eta besteak ez? (seguru kontestazinorik barik geratuko nazena)

Igual Maite Reyek erantzungo deusta, ia egia dan!.

maite rey

2007-11-02 : 12:44

Bada, beharbada, jende gehiago hurreratuko litzateke zapatuan eginda. Nik neuk erantzun bakarra daukat: iaz bezala, aurten ere barikuan izango da (iaz Augustin Zubikarari idazlearen omenez bere egunean- egin zen). Zaila izaten da horretan asmatzen jakitea.

Edozelan ere, eskertzen dizut iradokizuna; iritziak jasotzeko orri bat banatu genuen pasa den urtean, baina ez genuen galdetu zapatuan ala barikuan nahiago zuten.

Hurrengo baterako kontuan izango dugu.Eta beste iradokizunik bazenu, hori ere estimatuko genuke.