Sustatu

Idoia Mendiak bere blogean dioenez , PSE-EE gobernura heldu ezkero, hezkuntza sarean Microsoft Office OpenOffice-gatik ordeztuko luke. Ondooooo !! Hauteskunde garaian gaude, gari ona politikoei konpromisoak ateratzeko. Gu 2.0 biztanleak gera, sarea erabiltzen dugu komunikatzeko, gure iritsia plazaratzeko, egoerak salatzeko, eskaerak egiteko. Gure politikoek 2.0 izateko kapaz dira? Gure galderei erantzuteko sarea erabiltzeko kapaz izango dira?

1989ko otsailaren 20ean aurkeztu ziren lehen 57 intsumisoak Gobernu Militarretan. Azaroa eta urtarriletik koartelean beharko lukete, aurrez jakinarazi zieten militarrei Derrigorrezko Soldaduskari uko egiteko erabakia: hala ere soilik 5 gazte izan ziren atxilotuak hasieran. Partaidetzan oinarritutako mugimendua izan zen intsumisoa, eta orain www.intsumisioa.com ataria zabaldu dugu denon artean gertatutakoa kontatu dezagun.

Prentsaurrekoa gaur Donostian: EGA azterketa prestatzeko baliabideen doaneko web-gune berri bat jarriko da martxan Interneten. Horixe aurkeztuko digute 11.00etatik aurrera AEK-k, Ordiziako Jakintza Ikastolako irakasle Maite Goñik eta EHUko iKide ekimenak. Duela gutxiko aurrekariak hor direlarik, agian interesgarria izango da. Sustatun zuzenean jarraituko dugu, agian zuen laguntzarekin.

Aurreko astean CISek argitaratutako hauteskunde inkestan ez dira emaitzak datu jakingarri bakarrak. Ama hizkuntzari eta hizkuntza gaitasunari buruzko datuak ere bazeuden; aukera politikoaren araberakoak gainera! Alegia, zer bozkatzen dugun euskaldunok, elebakar erdaldunekin alderatuta, adibidez. Betiri izeneko sustatuzale batek eman digu pista interesgarri hau, agian sekula aurretik egin gabeko azterketa.

UEU eta Hendaiako AKELARRE elkarteek beraien indarrak batu eta Ipar Euskal Herriko elkarteei zuzendutako ikastaro zikloa antolatu dute bigarren urtez. Ziklo honen helburua Ipar Euskal Herriko errealitatetik abiatuta, elkarteei eguneroko lana modu eraginkorragoan burutzeko tresna teoriko eta praktikoak eman, elkarteen arteko harremana sustatu eta beraientzat elkargune izateko ekitaldia antolatzea da.

Osakidetzaren Enplegu Publikoaren Eskaintzaren azterketa prestatzeko tresnak kaixo.com-en jarri ditugu. Hementxe joango dira argitaratzen.

Baltasar Garzon epaileak debekatu egin ditu Askatasuna alderdiaren eta Demokrazia 3 Milioi taldeen webguneak. Hartutako gainerako neurrien artean (espetxeratzeak, hauteskundeetatik kanpo uztea eta abar), txikikeria izango da Interneteko kontu hau, baina adi egongo gara, oraingoz, egon, sarean dagoelako D3M-ren webgunea, debekatu dizkioten papeletak PDF formatuan edonorentzat inprimagarri jartzen.

Microsoftek "Microsoft Local Language Program Award" saria emango dio gaur Eusko Jaurlaritzari, Vista sistema eragilearen eta Office paketearen azken euskarazko lokalizazioak babesteagatik. Euskaratze lan hori Microsoftek ordaindu eta enkargatu zituen, baina promozioan Eusko Jaurlaritzak lagundu zuen.

Soziolinguistika Klusterrak antolatuta datorren otsailaren 20an burutuko da II. Euskal Soziolinguistika Jardunaldia Donostiako Miramon Zientziaren Kutxagunean. Jardunaldia hausnarketa teorikoan eta maila aplikatuan euskalgintzan ari direnei zuzentzen zaie, eta, beraz, ikerlarien, unibertsitateko irakasleen, eta ikastetxeetan, lan munduan eta administrazioan euskararen normalkuntzan ari direnen topagune izan nahi du. Horretarako, hitzaldi eta tailerrak izango dira eskura dauden datuak partekatzeko eta horien inguruan hausnartu eta eztabaidatzeko.

Gipuzkoako Foru Aldundiak Topagunea Euskara Elkarteen Federazioa eta Kultur Errota babesteko zuen lankidetza hitzarmena bertan behera utzi du. Erabaki horren aurrean, Topagunea eta Kultur Errotaren aldeko adierazpen publiko egin du Topaguneak gaur Donostian emandako prentsaurrekoan, eta adierazpen horrekin bat egiteko kanpaina hasi du bere webgunean.

EITBk, Pausoka ekoiztetxeak, Eusko Jauirlaritzako Hezkuntza Sailak eta SPRIk antolatuta, eta Bizkaia Enpresa Digitalak koordinatuta, Revolución Online Gazte Logelan jardunaldia izango da bihar (otsailak 18) EITBren Bilboko egoitzan, goizeko 9.30etatik 19.30etara.

Bideojokoak euskaratzea, teknikoki ea posible zen eta nola egin zitekeen ikertu gura nuen. Horrela joko bati eskua sartu nion moldagarria dela erakusteko. Orain gakoa, gaur egun arte euskaratik at egondako mundu hau Eusko Jaurlaritzak serio hartzea da kontua eta berarekin lanean has daitezela.

Proiektu berritzailea jarriko du martxan laster Behe Bidasoako Komunikabideak enpresak: Behe Bidasoako Hitza. Egunero hainbatetan berritzen den webguneak, egunero interneten flash edo pdf formatuetan eskuragarri izango den e-gunkari batek eta astero banatuko den papereko edizioak osatzen dute proiektua.

Eusko Jaurlaritzako Informatika Elkarteak, EJIEk, lehiaketa publikora atera du SAP enpresa softwarea euskarara itzultzeko estrategia definitzeko kontratu bat.

Juan Martin Elexpuru idazle bergararrak iritzi-artikulua idatzi du Iruña Veleiako aurkikuntzen inguruan. Horrez gainera, ostraketako euskarazko testuen azterketa ere egin du eta PDF honetan dago irakurgai.

Berria egunkariak martxoaren 1eko Eusko Legebiltzarrerako hauteskundeetara begirako atal berezia ireki du bere webgunean. Berria.info-ren ohiko azalean ere toki deigarri hartu dute atal horretako edukiek. Horien artean, jarraipeneko blog berezi bat, Haritz Rodriguez Xuriken idazten hasi dena.

Maite Goñi Sei IKTeroak sekulako lana egin zuen duela gutxi: EGA mailarako paperean argitaraturiko azterketak informatizatu, eta sarean jarri, paperekoak jarraitu barik, galde-erantzunak sarean testeatu ahal izateko. Euskal administrazioarentzat, eta euskara maila hobetu eta zertifikatu nahi duten guztientzat, sekulako mesedea. Eta etorri da ordaina: Administrazioak esan dio azterketok saretik kentzeko. Agur, EGA ariketak online! Eguneraketa, 10.45: Irakurri, Teketenek bidalitako loturan, digitalizazio lana nola egin zen: zaila da ulertzen herri-administrazioaren jarrera hau.

Interviu aldizkari espainiarrak ETAren "informatika sekretuari" buruzko erreportaia dauka aste honetan. Atxilotutako informatikari batek ustez idatzi duen PGP enkriptazio programa bati buruzko euskarazko instrukzioak, eta fotokopiaturiko Google Maps pantallazo batzuk dira froga harrigarriak.

Huhezin galdeketa xume bat egin da Ikus-entzunezko Komunikazioa ikasten ari diren 1. mailako ikasleen artean, ikusteko zer harreman duten teknologia digitalekin. Emaitzek baieztatu egin dute bertako ikasleak natibo digital peto-petoak direla.

Irakurle batek galdetu zion Sustaturi duela egun batzuk, formularioa erabilita. Hurrengo hauteskundeetarako, "halako kalkulagailurik prestatu behar al duzue?". Zera erantzun genion: "Balizko debekatutako zerrendentzako boto eskaera eta mugimendua antolatzen bada, bai." D3M eta Askatasuna zerrenden debekua ziurtzat eman daiteke, eta gaur gauerdirako emango da azken erabakia. Baina, hortik aurrera, baliogabeko botoen alde egingo ote du legez kanporatutako ezker abertzaleak?