XV. CAF-Elhuyar sariak: Zahartzeari buruzko artikulu batek jaso du lehenengo saria
Xabier Artaetxebarria Artieda donostiarra izan da artikulu irabazlearen egilea, eta 1.200 jaso ditu . XV. urteurrena ospatzeko ekitaldi berezi bat egin zen, eta Miren Gaztañaga eta Gabriel Ocina aktoreek girotu zuten.
CAF-Elhuyar zientzia-dibulgazioko XV. sariak banatu ziren joan den astean Miren Gaztañaga eta Gabriel Ocina aktoreek girotuta hamabost urte hauek ospatzeko egin den ekitaldi berezi batean. Edizio honetako sariketara 16 dibulgazio-artikulu aurkeztu dira, eta hauek izan dira aurtengo sarituak:
1) Lehenengo saria: Xixareak, dortoka erraldoiak eta hidra hilezkorra izenburua duen lanarentzat izan da. Egilea Xabier Artaetxebarria Artieda donostiarra izan da. Saria: 1.200 eta Imanol Andonegiren eskultura.
2) Bigarren saria: Ardagaiak, basoak pizten dituzten txinpartak lanarentzat izan da. Egileak Ostaizka Aizpurua Arrieta zarauztarra eta Antton Alberdi Estibaritz elgoibartarra dira. Saria: 800 eta Imanol Andonegiren eskultura.
3) Hirugarren saria: Polimeroak, minbiziaren aurkako terapiako Troiako Zaldiak izenburupean aurkeztutako lanarentzat izan da. Egileak Leire Perez Alvarez bilbotarra eta Maite Artetxe Pujana zeanuritarra dira. Saria: 600 eta Imanol Andonegiren eskultura.
4) Gazteentzako sari berezia: Haptika edo ukimenaren ustiapena izeneko artikuluarentzat izan da. Egilea Xabier Zabala Larrañaga errenteriarra izan da. Saria: 400 eta Imanol Andonegiren eskultura.
Artikulu irabazleei buruzko eta sari-banaketari buruzko informazio gehiago www.zientzia.net web gunean dago. Bestalde, artikulu irabazleak apirileko Elhuyar Zientzia eta Teknika aldizkarian argitaratuko dira.
Erantzun
Sartu