Sustatu

Ikusentzunezkoan alorrean aldaketa sakonak izan dira azken urteotan. Transmedia narratiben gorakadak errotik aldatu ditu edukien ekoizpen eta banaketa prozesuak. Istorioak kontatzeko arkitektura berri horien inguruko jardunaldia antolatu dute heldu den irailaren 22an Donostiako Zinemaldia eta Tabakalerak. Bertan parte hartuko dute Lance Weiler, transmedia ekoizpenetan aitzindari eztabaidaezina denak, Ian Ginnek hartuko dute parte, biak ala biak Transmedia alorrean nazioartean ezagunak diren profesionalak, eta baita Robert Figuerasek ere, Estatuan egin den lehenengo transmedia proiektuetariko baten ekoizleak. Saioa irekia da.

Ibaien izenak arautzeko lanetan, Euskaltzaindiak ebatzi du Bidasoak -a artikulua duela. Hori dela eta, Bidasoa izena deklinatzean honela egin behar da: Bidasoa, Bidasoan, Bidasoarekin..., baina Bidasoko, Bidasotik, Bidasora...

Biladi-k nire herria/nire lurra esan nahi du, palestinarren ereserkiaren izenburua ere bada biladi biladi. Biladi Hadi, berriz, Euskal Herritik Palestinarako antolatutako elkartasun ekimena. Nekez irudika genezakeen Biladi Hadiren bigarren txanda hau horren emankor hain egun gutxitan: kolonoen aurkako protesta eta musika, senidetza bat, preso baten amaren mezua...

Elhuyar Fundazioak ekoitzita, zientzia eta teknologiari buruzko saio hau asteartero emango da, 21:00etan. Lehen saioan jorratuko den gaia plazebo-efektua izango da

Gaurtik aurrera Stefaan Engels Marathonman flandriarra Bilbon izango da maratoiak egiten. Stefaan Engelsek 365 egunean 365 maratoi egin nahi ditu, maratoi bana egunero. Astelehenera arte, egunero egingo ditu maratoiak Bilbon, gero Asturiasera joan eta handik Gantera itzultzeko.

Amaitu da udako merkealdia, oraindik azken eskaintzak geratzen badira ere. Udan dena izan da kolorea, lorea, argia, arina, estanpatua...... Bat-batean, baina, neguko moda etorri zaigu: hogeita hamabost gradu kalean eta artilezko jertsea eta larruzko beroki beltzak eskaparateetan! Nola liteke? Ikusteak ere beroa ematen du barren!

Argazkiak.org | Neguko arropak © cc-by-sa: goioarana

Gaur urteko egunik tristeena da nire tribukoentzat. Iraileko bigarren igandearen biharamuna izanik, atzo ere galdu egin genuen, ez baikenuen irabazi. Izan ere, iritziak iritzi eta zoriontzeak zoriontze, ez genuen irabazi eta horrek triste jartzen gaitu. Barkatu ez badakizue zertaz ari naizen. Atzo Kontxako estropadaren bigarren igandea izan zen, eta aurten ere nire tribukoak, horiak, banderarik gabe geratu gara.

Tokitan.tv-ren Odisea txikiko unerik mitikoena biziko dugu kapitulu honetan, Itaka uhartera iritsiko baita “Perseas” belaontzia. Homeroren Odiseako Ulises heroiaren aberria ei zen Itaka.

Elhuyar Sinonimoen Kutxa hiztegiaren hirugarren edizioa argitaratu berri du Elhuyar Fundazioak. 18.573 sarrera eta 1.473 azpisarrera, 24.537 adiera, 63.810 sinonimo eta 22.983 antonimo jasotzen ditu. Ikasle, irakasle, kazetari, eta, oro har, lexikoa aberasten eta hizkuntzaren ezagutzan sakondu nahi duen edonorentzat da egokia obra hau.

Adierazi EH manifestazioa debekatu zuen bezala, Ismael Moreno Audientzia Nazionaleko epaileak debekatu egin du Bilbon gaur arratsalderako herenegun urjentziaz deitu zuten bigarren manifestazioa, Euskadi Irratiak jakinarazi duenez.

Urriaren 1ean Bloglines jario irakurgailua itxi egingo da. Hala iragarri du IAC enpresak, Ask.com bilatzailearen (eta Bloglines-en jabeak). Eman duten motiboa, RSS jarioak jarraitzen dituzten pertsonen merkatua ez da handitu. Aitzitik, azken urteetan %20 jaitsi da.

Irabazi asmorik gabeko elkarte bat gara. Gure helburu nagusia Txernobileko zentral nuklearraren istripuaren ondorioz kaltetutako adintxikikoei laguntza eskaintzea da. Eta zera antolatu dugu, Pirritx, Porrotx eta Marimototsen ekitaldia Txernobileko haurrei laguntzeko.

Ekainaren 29an Greba Orokorra egin genuen euskal herritarrek sortutako ekimena da hau. Mobilizazio horren bidez bilatzen ari ginena oraindik lortu ez denez, borrokan jarraitu behar dela uste dugu. Irailaren 29an ere Greba Orokorra egin behar dela uste dugu eta euskal sindikatu guztiek bere greba deialdiak egin behar dituztela uste dugu.

Hiznet Hizkuntza Plangintza ikastaroaren ibilbide luzean 400dik gora kidek parte hartu dute; euskararen normalizazioaren alde lanean ari direnak, gehienak. 2010/2011 ikasturtea izango da ikastaroaren hamargarren edizioa; azaroan hasi, eta datorren urteko uztailean amaituko da. Euskal Herriko Unibertsitateko Berezko Titulua da berau eta Hizkuntza Politika Sailburuordetzaren babesa du. Soziolinguistika Klusterra eta Udako Euskal Unibertsitatea ere ikastaroaren laguntzaile dira

Sagar edo sagardoarekin egindako errezeten lehiaketa antolatu du Igartubeiti Baserri Museoak. Sagardo Asteko ekitaldien barne antolatutako lehiaketa honetan, errezetarik originalena sarituko da astero, 2 pertsonentzako sagardotegi menuaz osatutako afariarekin. Parte hartu eta lortu afaria 2 lagunentzat!

Goio Arana laguna Londresera joan zen oporretara, eta etxean bezala sentitu zen  hainbeste izen eta aipamen euskaldun topatu zituen. Guk ez genekien Parisera joan oporretara, eta beste horren beste gertatuko zitzaigunik.

Jakina da Google etengabe ari dela aldaketak egiten bere bilatzailean, sarri antzeman ere egiten ez baditugu ere. Aldaketen helburua erabiltzaileari erreminta hobea eskaintzea da. Horixe du helburu Google Instant-ek, bilaketa azkarrago egitea. Bilatzailearen interfazea bera ez da ezer aldatzen.

Albistearen lerroburuak Stieg Larssonen eleberri baten izenburua dirudien arren, Japoniatik datorkigun albistea da, eta ibilgailu hibridoen ekoizpenarekin zerikusi zuzena dauka.

Atzeratuta samar dabiltza EHUn ziurtagirien inprimakiekin. Bukatutako ikasketen ziurtagiria eskatzerakoan, beste batzuen artean, aukeran eskaintzen dute Soldadutza-luzapenerako eta Ordezko Gizarte-Zerbitzurako ziurtagiriak eskuratzea.

Argazkiak.org | Ziurtagiria © cc-by-sa: goioarana

Dena ez da izan analisi sakona eta hausnarketa burutsua ETAk iragarri ondoren ekintza armatuak etenak zituela. Izan da bestelako haritik tiraka ibili dena, batez ere Interneten. Hemen bildu ditugu zenbait adibide, ironia, umorea eta irakurketa bitxia eskaintzen dutenak.

Eguneraketa, 11.45. Gaurko Frankfurter Allgemeine egunkarian, portada hau gaur, euskal genea aurkitua. Bai, ETAren su-etena aipatzeko da, baina ez hori bakarrik; horra azalpena.