CodeSyntax

Gaurdanik, Mugikaria hedabide bat ere bada. Aurtengo otsailean kaleratu genuenetik, gailu mugikorrretarako albiste-aplikazio soila izan da, baina zerbait gehiago da. Bere xumean, mugikorrerako lehen euskal "hedabide natiboa" da (ez erdaraz ez euskaraz, ez dugu uste aurrekaririk dagoenik). Sarean komentatu den aktualitatearen laburpenaz gain, bi atal berri ditugu menuan: Saretik jasoko ditugun artikulu osoak (eduki libreak, jakina), eta Eduki Esklusiboak. Hauetan Etzi.pm eta Gananzia agerkariek kolaboratuko dute.

Trivial estiloko galdera-erantzunen jokoa da Tribual, Android plataforman garatua eta gailu mugikorretan erabiltzeko aproposa. Dagoeneko badira hilabete batzuk Tribual jokoaren lehenengo bertsioa sareratu genuena. Harrezkero 2000 lagunek jaitsi dute, eta ia-ia 300.000 partida jokatu dira. Jokoak, gainera, GipuzkoaApps saria ere irabazi zuen. Oraingo honetan, jokoaren bigarren bertsioa aurkezten dugu: teknikoki hobetua, galdera gehiagorekin aberastuta, eta eleanitz bihurtuta. Izan ere, hemendik aurrera, euskaraz ez ezik, gaztelaniaz eta ingelesez ere jokatu ahal izango baita Tribualen.

Aukera berria duzue gaurdanik Sustatuko erabiltzaileek. Edukia gehitzeko aukeretan, fitxa berria duzue, Argazkia kargatzekoa, eta hortik irudiak igo daitezke. Aukera hau, Argazkiak.org webgunea Sustatun integratzearen ondorioa da.

Euskarazko albiste-aplikazio bat aurkezten dugu gaur: Mugikaria (Android / iOS). Mugikor eta tabletetarako egina, eguneroko bi ediziotan euskaraz sarean sortzen diren albisteez informatuko zaitu.

Euskarazko aplikazioen bilduma izango da webgune berri hau, App.eus. Dozenaka aplikazio aurkitu ahal izango dituzu bertan: gehienak Android sistemakoak, horixe baita zabalduena dagoena merkatuan.

Joan zen astean kongresu handia izan genuen Bilbon, Open Source sektorearen eta teknologia irekien inguruko gaiak landu zituen Librecon2014. ESLEk (Euskadiko Software Libreko Enpresen elkarteak) eta ASOLIFek (Españako software libreko enpresen federazioa) antolatuta, 1500 lagun bildu ziren bi egunez teknologia libreen inguruan solastu, hausnartu eta eztabaidatzeko. Hona hemen bertan jazotakoaren kronika.

Hiru egun baino ez dira falta azaroak 11an ESLE software libre eta ezaguera irekiaren enpresen elkarteak teknologia irekien inguruan antolatu duen LIBRECON bi eguneko ekitaldia abian jartzeko.

Wattio enpresako finantza arduradun Telmo Sexmilok eman zuen atzo Betor hitzaldia, Hernaniko Orona enpresaren eraikin ikusgarrian. Domotikaren inguruan Euskal Herrian sortutako enpresa berritzaile honen berri eman zigun Sexmilok, eta bere produktu interesgarrien funtzionamendu eta ezaugarriak azaldu zizkigun.

Euskadiko software libre eta ezaguera irekien enpresen ESLE elkarteak antolatuta, datorren azaroaren 11n eta 12an LibreCon 2014 ospatuko da Bilboko Euskalduna Jauregian. ESLEk antolatu duen bi eguneko ekitaldian 2.000 profesional, 500 enpresa eta erakunde, eta 120 ponente baino gehiagoren parte hartzea espero da.

Aspaldian geroz eta gehiago entzuten ari gara Gauzen Interneta (IoT, Internet of Things) kontzeptua. Sarera konekatuta dauden sentsore eta aparailuengan eragina eduki dezakegu distantziara gure telefonoa erabiliz. Negozio handia dago honen guzti honen atzean, Google-ek Nest erosteko erabilitako dirutzan ikus daitekeen moduan.

Azpeitiko Udalak urrats berri bat eman du transparentziarako bere bidean, Kontuak Garbi ataria publikatuta (azpeitia.net udal webgunetik ere atzigarri). CodeSyntax enpresarekin elkarlanean garatu du zerbitzu berria Azpeitiko Udalak.

Atzo arratsaldean BETORren ekitaldian Iurgi Arginzoniz izan genuen. Fon enpresako ingeniaria, bertan lanean 9 urtez (32 ditu), telekomunikazio ingeniaria, gernikarra... Gramofon proiektuan egindakoarekin, ingeniaritza lezio bat eman zigun.

Ekainaren 26an, Donostian (18:30), Iurgi Arginzoniz izango dugu Betor hitzaldi batean. Euskaraz, Interneteko negozio eta ingenieritza alorrean pistak ematen dituzten hizlariak bildu izan ditugu Betor hitzaldi sortan, eta kasu honetan,  FON enpresako Produktu eta Ingeniaritza burua izango dugu: Iurgi Arginzoniz. Gramofon proiektuari buruz mintzatuko da nagusiki.

Apirilaren 30ean, asteazken honetan, World Plone Day da, gure enpresa CodeSyntax-en erabiltzen dugun teknologietako baten zabalkunde eguna, eta jardunaldi/saio bat antolatu dugu gure bulegoan, bere gaitasunen berri emateko. Bereziki, enpresen nazioartekotzerako Plone zein baliagarri den azalduko dugu, eta horretarako, Ulma eta Larzep enpresen kasuak ikusiko ditugu, eta SPRIko ordezkariak ere bertan izango dira, Alexander Arriola zuzendariarekin.

Liveblog kontzeptuaren euskarazko bertsio bat sortu dugu Blogbizi atalarekin Sustatun. Duela aste batzuk jarri genituen sarean lehenengo bi adibideak, itsasoko ekaitza ilustratzeko bat, Topagunearen jardunaldi bat kontatzeko bestea, eta datorren astelehenean, hilak 28, beste bat aktibatuko dugu, Norabidea ekimenak antolatutako mahainguru baten berri emateko.

Gaur da Euskal Kantuen Gaua ETB1en, Gabon Gauean ohikoa den bezala. Ospetsu eta erdi-ospetsuak izango dira kantari, ohi bezala. Izpiritu alai honekin bat eginez, Ruper Detektagailuaren beste emaitza bat aurkeztu nahi dizuegu: hilabete oso bateko EITB Irratiaren kantuak zenbatu eta gorde ditugu. Horra emaitza. Bai, gure bulegoko sektore eusnob-enen susmoak egiaztatu dira: Ruper Ordorikanganako lerratzea argia da.

Euskal Herriko Bertsozale Elkartearen webgunea berritzeko enkargua jaso genuen CodeSyntax-en urte honen hasierarako, eta halaxe aurkeztu genuen otsail aldera bertsozale.com berritua. Orain, Bertsolari Txapelketa Nagusiaren webgunea ere bertatik kudeatzen da.

Sarri entzuten dugu ekoizle eta merkatari txikiek Interneten saldu beharra daukatela. Baina, badakizu nolako lana dagoen ecommerce baten atzean? Aukera paregabea daukazu Interneten saltzeak suposatzen duena ezagutzeko asteazken arratsaldean. Xabier de la Mazak Pantoriri buruz hitz egingo digu, tripontziaren despentsa. Nola sortu zuten, zer ikasi duten orain arte, zein pausu emango dituzten etorkizunean.