Alternatiben Herriaren gida, Mugikaria aplikazioan
Euskal Herriko Eskubide Sozialen Karta deritzon elkarte-multzoak Alternatiben Herria izeneko ekitaldi anitza antolatu du Bilbon datorren larunbatean, hilak 24. Hainbat eremutan banatuta, egitaraua oso zabala da. Horren kontsulta erraztu dezake Mugikaria aplikazioari gehitu diogun atal berezituak.
Edukien menuan, aukera berria gehitu dugu: Alternatiben Herria.
Hor klikatu, eta ingurune nagusietan dauden ekitaldien egitaraua topatuko duzu hurrenkeran. Horrez gain, Mugikariak (euskarazko hedabide mugikor natiboak) ohi bezala funtzionatuko du: eduki propioak eskainiz eta eguneroko bi ediziotan gaurkotasunaren berri ematen.
Testu-informazioa da Mugikariaren Alternatiben Herria atalekoa; ez geokatuta eta denboraren arabera informatuko dizun aplikazio konplexua, baina tira, hainbeste gauza gertatzen direlarik aldi berean, unean unean erabakitzeko balio diezazuke.
Gehikuntza hau egiteko, Mugikarian edukiaren alorrean kolaboratzen duen Talaios (Etzi.pm-ren sortzaileak) kooperatibako kideen laguntza izan dugu.
Diseinu egokiarekin ikusteko gehikuntza, berriztu Google Play bidez Mugikariaren Android bertsioa. iTunes bertsioan ere ikusiko da edukia, baina diseinu egokitzapena ez da hain biribila.
Bide batez, ekitaldian bertan jasotako kronikak ere agertuko dira larunbatetik aurrera Mugikariaren edukien artean.
Erantzun
Sartu