Teknologia albisteak
3

Berako Udalak webgunea aurkeztu du, Zoperen gainean egina

Erabiltzailearen aurpegia
Berako Udala - Berako Udala
2006-11-30 : 12:11

www.berakoudala.net webgunea aurkeztu du Berako Udalak, Eibarko Code&Syntax enpresak egina, Udalerria plataformaren gainean, Zope software librea erabiliz.

Webgune dinamikoa eta berritzeko erraza egitea zen Berako Udalaren asmoa.

Webgune elebiduna da atal guztietan (euskaraz eta gaztelaniaz), eta turismoko atalak frantsesera eta ingelesera itzuli dira.

Bortz atal nagusi

Bera: herriaren gaineko informazio guztia biltzen da bertan (historia, urteko ospakizunak, herriko elkarteak, ikastetxeak, telefono gida...).

Udala: Udalaren gaineko informazio zehatza, eta eguneratua dago atal honetan (udal ordezkaritza, udalaren eta gainerako mankomunitateen zerbitzuak, ordenantzak, tramiteak, aktak, batzordeak, eta bertzelako egitasmo eta proiektuen gaineko informazioa).

Turismoa: Herria bisitatuko dutenentzat informazio zehatza: turismo bulegoa, bisitak, lotarako tokiak, jatetxeak...

Albisteak: Azken albisteak agertzen dira bertan. Nahi duenak, gainera, bere e-posta utz dezake albiste hauek sortu ahala etxean jasotzeko.

Egutegia: Deialdi, bilera, agenda eta bertzelako ekitaldi eta emanaldien egutegia.

Erantzunak

Jabi
2006-11-30 : 22:28

...diot, ezen aurki.com aspaldisko dago jausita eta ez du bizi seinalerik ematen... Eta gauza bera dio gaur eibar.org-ek: "502 Proxy Error". Zer gertatzen da? Zoperen arazoa da ala?

eneko
2006-11-30 : 23:40

Berako Udalaren webgunea Zoperekin egina da eta ondo dabil, Zope aplikazioarekin egindako beste askok bezala, Jabi.


Eibar.org eta Aurki.com-en arazoa beste bat da, ez Zoperena.


Dakizun bezala, Eibar.org eta Aurki.com irabazi asmorik gabeko elkarte baten ekimenak dira, eibar.org izena duen elkartea, eta webgune horien arazoa ez da Zope-rena. Arazoa elkarteak bi webgune hauek hosting edo zerbitzari merke samar baten ipini zituela da, eta zoritxarrez luzera hosting merkeak pot egin du hain bisitatuak diren bi webgune hauekin. Zope ondo dabil, baina aukeratu genuen hosting-a, momentu honetan ez.


Elkartearen barruan gauza tekniko horietaz arduratzen direnak badabiltza aurki eta eibar.org berreskuratzeko ahaleginak egiten. Baina esan bezala, hosting-aren arazoa da, ez Zope aplikazioarena eta ezin dute gauza handirik egin. Dena den, uste dugu laster bi webguneak beste hosting zerbitzu sendoago batera pasatuko dituztela, eta denon mesederako (nere bloga ere han dago) bai Aurki, bai eibar.org-eko blogetan sartzea izango dugula.


Gari
2006-12-01 : 09:32

Hemen azalpena


Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago