UMP garaile Legebiltzarrerako hauteskundeetan

Frantzian aise irabazi du Sarkozy-ren UMP alderdiak eta gehiengoa lortuko du Frantziako Legebiltzarrerako.

Iparraldeko Barrutiak

Iparraldeko barrutiei dagokionez:

• Laugarren hauteskunde barrutian nahiko gertu dabiltza UMP-ko Hervé LUCBEREILH ( 17.009 boto eta %31,36) eta bigarren barrutian aurkezten zen Bayru-ren UDF -ko Jean LASSALLE ( 16.020 boto eta %29,54), baina beste bietan erraz irabazi dute UMPkoek. Hirugarrena Jean-Pierre DOMECQ hautagai sozialista izan da, %19,86arekin, beraz hau ere bigarren tour edo bueltan izango da datorren igandean.
• Bostgarren barrutian UMP-ko Jean GRENET-ek irabazi du %43,21a lortuz, bigarren Jean ESPILONDO sozialistak %27,65a eskuratuz eta hirugarren UDF-ko Marie-Hélène CHABAUD-NADIN botoen 9,85a lortuz, bigarren tourretik kanpo.
• Seigarren barrutian UMP-ko Michèle ALLIOT-MARIE Barne Ministroak ia gehiengo osoa lortu du igande honetan bertan %48,88arekin , bigarrena Sylviane ALAUX hautagai sozialista izan da, %20,6arekin, eta hirugarrena baina bigarren bueltatik kanpo UDF-ko Roland MACHENAUD, %9,56arekin.

Euskal Herria Bai koalizioa

Euskal herria Bai koalizioko hautagaiek (Marie-Leonie AGERGARAY, %6,32, Migel TORRE, %4,50, eta Beñat ELIZONDO, %9,09) laugarren postua eskuratu dute hiru barrutietan, baina ez dute lortu bigarren bueltan izateko gutxienez beharrezkoa den botoen %12,5a.

Hala ere, zenbait herri edo kantonamendu txikietan portzentaia eta postu hobeak lortu dituzte.

Horrela, hirugarren postua lortu dute Euskal Herria bai koalizioaren hautagaiek Biriatu , Baigorri , Ziburu , Ezpeleta , Heleta , Larresoro , Lekunberri , Urruna , Senpere , Zudaire edo beste askotan.

Izturitz , Sara , Suhuskune edo Luhuso bezalako tokietan bigarren indarra izan da.

Eta gutxienez Muskildi herrian lehen indarra izan da, bozken %49,40arekin.

Iparraldeari buruzko webgune berezia Berrian

Iparraldeko emaitza osoak herriz-herri emanda, elkarrizketak digitalak eta gaiari lotutako albisteak Berria egunkariak Frantziako Legebiltzarrerako hauteskundetarako kaleratutako webgune berezian