Elhuyar

2020ko apirilaren 14, 15, 16, eta 17an, 10:00-13:00, Deustuko Udaltegian, zientzia eta teknologia tailerrak egiteko aukera izango da.

Gipuzkoako CIC nanoGUNE-k eta CFM-Materialen Fisikako Zentroak, eta EHUk eta Ikerbasquek sortutako Bizkaiko BCMaterials zentroak, Elhuyar Zientzia Azokarekin bat egin dute gazteen artean zientzia eta teknologia sustatzeko helburuarekin.

Gaur goizean sinatu dute hitzarmena Tolosaldea Garatzen-ek eta Elhuyar-ek, eskualdeko alkateekin batera, Tolosan egindako Bizilabe Tolosaldea-ren aurkezpenean. Tolosaldean, STEAM (Zientzia, teknologia, ingeniaritza, artea eta matematikak) alorrean eta horiei lotutako profesioetan parte-hartze handiagoa izateko, eskualdeko komunitatearekin hausnartzea eta sustapen lana egitea da proiektuaren helburua.

“Bizilabe STEAM Festibala”, gazteentzako zientzia eta teknologia jaialdia, ospatuko da larunbat honetan Basaurin. Nerbioi-Ibaizabaleko gazteek eta ikertzaile profesionalek gidatutako zientzia eta teknologia-tailerrek, ginkana-zientifikoak edota “Escape-room”-ak, osatuko dute egitaraua. Lorea Argaratek (Las Tea Party) emango dio amaiera jaialdiari.

Urtero moduan, aurten ere, Elhuyarrek Emakume eta Neska Zientzialarien Nazioarteko eguna, ospatuko du, hainbat ekintzarekin. Otsailaren 7tik 22ra bitartean ekintza ugari izango dira Donostian, Bilbon, Ermuan, Soraluzen eta Nerbioi-Ibaizabalen, Basaurin.

Zientzia.eus-ek, zientzia eta teknologiari buruzko Elhuyarren bilguneak itxura eta aukera berriak eskaintzen ditu. Lehen baino diseinu argiagoa izateaz gain, eduki gehiago ditu (22.000tik gora), formatu guztietan: artikuluak, audioak eta bideoak. Agenda eta argazki-galeria ere baditu

Otsailaren 7an, hau da, hilabete barru, amaituko da CAF-Elhuyar sarietara lanak aurkezteko epea. Zubiri-zubiri da aurtengo leloa; izan ere, eremu zientifiko-teknologikoa eta gizartearen artean zubigintzan dabiltzanen lana aitortzea, saritzea eta bultzatzea da sariketaren xedea.

Orain, azaroan, Zientzia Astearekin eta ‘Bilbao Bizkaia Design Week’ astearekin bat egin du BIZILABEk, Bilboko Udalak Elhuyarrekin batera 2017tik martxan duen proiektuak. Gaur, azaroak 15, 18.00etan, "Lightpainting" tailerra eskainiko da BIZILABEren egoitzan, Deustuko Bidarte eraikinean. Bertan zientziak eta diseinuak bat egingo dute argia eta argazki-kameren bidez irudi eta animazio ikusgarriak sortuz eta hauen atzean dagoen fisika ulertuz.

Bilboko Bizilabek bat egingo du datorren azaroaren 14tik 21era ospatuko den 'Bilbao Bizkaia D-week' diseinuaren astearekin. Hain zuzen, diseinuak eta zientzia eta teknologiak bat egingo dute “Argien marrazkilari Bilboko Bizilaben” izeneko lightpainting tailerrean. Diseinu astearekin bat eginez, azaroaren 15ean, ostirala, 18:00-20:00, “Argien marrazkilari”, lightpainting tailerra egingo da. Argazki-kamera eta argiaren bidez marrazki ikusgarriak egiteko tailerra.

Azaroaren 14tik abenduaren 19ra, ostegunetan, 18:00-19:30, Bilbon, Deustuko Udaltegian, Bizilabe gunean. Ginkana zientifiko bat prestatzeko tailerra. Tailer honetan ginkana zientifiko bat prestatuko da denon artean. Horretarako, sormenaren bidez, hainbat desafiori egin beharko zaie aurre eta oinarri zientifiko-teknologikoak barneratuko dira.

Ekimen honek Eusko Jaurlaritzaren, FECYT-en (Fundación Española para la Ciencia y la Tecnología, Ministerio de Ciencia e innovación), Bizkaiko Foru Aldundiaren eta Gipuzkoako Foru Aldundiaren laguntza du.

Euskal Wikilarien Kultur elkartearen eta Elhuyarren lankidetzari esker, Wikidatan dauden hizkuntza guztien artean, euskara seigarrena da hitz-erroen (lexemen) kopuruan, bigarrena hitz-formen kopuruan (hitz-erro bakoitza deklinatuta sortzen diren forma guztiak kontuan hartuta), eta hizkuntza nagusia da esanahi-kopuruari dagokionez, ingelesaren, gaztelaniaren eta frantsesaren aurretik, besteak beste.

Elhuyarrek haur eta gazteentzako 'STEAM esperimentuak haurrentzat' esperimentu-liburu berria kaleratu du. 52 esperimentu praktiko eta sortzaile biltzen dira liburuan zientzia, teknologia, ingeniaritza, artea eta matematika (STEAM) aplikatuz.

Bilboko Udalak 'Ikertzaileen Europako Gaua' ekimenean publiko guztientzako ekimenak prestatu ditu; familientzat osatutako ekintzen artean, bi tailer eskainiko ditu Bizilabek irailaren 27 eta 28an, arratsaldeko 18:00etatik aurrera Deustuko Udaltegian. https://bizilabe.elhuyar.eus/eu/bizilabe-bilbo/albisteak/2019-2020-ikasturterako-bizilabe-tailerren-eskaintza-osoa

Zientzia Azoka Elhuyarren ekimena da. Euskal Herriko gazteek garatutako proiektuen azoka da, eta ikerketa zientifikoa eta garapen teknologikoa barrutik bizitzeko da. Izena emateko epea zabalik da jada.

Ostiral honetan abiatuko da Norteko Ferrokarrillaren denboraldi berria. Astero, Guillermo Roa Zubia Elhuyarreko komunikatzailearen gidaritzapean, Euskadi Irratiko uhinetan egingo du geldialdia: ostiral gauetan, 22:00etan, eta laburunbat arratsaldetan, 15.00etan. 

Bilboko BIZILABEk eskolaz kanpo eta ikasturte osorako duen eskaintza zabala da hau. Zientzia eta teknologia alorreko aditu edo ikertzaileen laguntzaz, asmatzaile eta ikertzaile izateko eta esperimentatzeko aukera izango dute gazteek; puntako gaietan eta erronka errealekin egingo dute lan, eta enpresen ereduak bertatik bertara ezagutzeko aukera ere izango dute. Irailaren 17an eta 25ean doan izango dira tailerrak, Bizilaberen Deustuko egoitzan.

Elgoibarko Udalak 5 urte baino gehiago daramatza udalerriko neska-mutiko txikien aretan teknologia eta zientziarekin erlazionatutako ekimenak sustatzen. Alde batetik, jada ezagunak diren “Robotika dibertigarria” tailer teknologikoak daude eta bestetik, Elhuyarrekin batera, “Bizilabe” izeneko programa berria.

Elgoibarko Udalak urrian jarriko du martxan ekimena udalerriko industria-sektorea sustatzen laguntzeko. Ekintzailetza eta sormena sustatzeaz gain 11 eta 14 urte arteko gazteen artean, BIZILABE sortu du, teknologiaren eta teknikaren alorrean kualifikazio handiko profesionalak sortzeko apustua egiteko xedearekin, eta Elhuyar sortzen ari den Euskal Herriko gazteentzako ikerketa-zentroen sarean kokatu du.