Gaitasun gehigarriak Itzultzailea.eus-en: ofimatikako formatuak eta beste
Berrikuntza interesgarriak ezarri ditu Elhuyarrek bere itzultzaile neuronalean, bai aplikazio mugikorrean eta baita web zerbitzuan ere (itzultzailea.eus). Bereziki, testu hutsarekin baino gehiago jokatzeko aukerak: kamerarekin irudietara zuzenduz aplikazio mugkorrean; eta web bertsioan formatu ofimatikoetarako aukera emanez.
Berrikuntzak interesgarriak ezarri dituzte Itzultzailea.eus webgunean:
- Aldiko 500 hitz itzul daitezke webguneko testu-kutxan. Erregistratu beharra dago, baina doan da, eta lehengo muha 100 hitz ziren.
- Dokumentu formatudunak osorik itzul daitezke bere horretan: 1.000 hitzeko 3 dokumentu doan. Microsoft Office eta Libre Office ofimatika paketeetakoak adibidez.
- Ordainpeko zerbitzuak zuzenean ordaindu daitezke webgunetik.
Formatu zehatzei dagokienez, hauexek dira:
- Microsoft Office (.docx, .xlsx, .pptx)
- LibreOffice (.odt, .ods, .odp)
- Adobe InDesign (.idml)
- Testu hutsa (.txt)
- Formatudun textua (.html, .xml)
- Datu-taulak (.csv, .tsv)
- Testu-edizioa (.tex)
- Software lokalizazioak (.po)
- OLI tresnak (.xliff, .sdlxliff)
Eta itzultzaileraren mugikorreko aplikazioak irudietako testua ere itzultzen du orain. Aplikaziotik bertatik kamera deitu, eta zuzendu telefonoa testu jakin batera, horrela itzultzen du. Ilustrazioak halako adibide bat erakusten du. Android eta iOS bertsioetan instalatu daiteke.
Azken hilabeteetan garatutako itzultzaile neuronalen artean, Elhuyarren hau da, gainera, euskara <> gaztelania bikotetik aparte oraingoz beste hizkuntza batzuk eskaintzen dituena: jatorizko hizkuntza bezala, galegoa, katalana eta frantsesa ere bai, eta helburu hizkuntza bezala horiek eta ingelesa ere bai.
Akats bat dago azken paragrafoan. Itzultzailea.eus-ek sei hizkuntza dakizki, eta seien arteko itzulpenak egin ditzake. Hizkuntza hauetako edozein izan daiteke jatorrizkoa edo helburukoa: euskara, gaztelania, frantsesa, ingelesa, katalana eta galegoa.