Sustatu

PEN Kluba nazioarteko idazle elkarte bat da, eta duela gutxi, Ama Hizkuntzaren Egunaren harira, bideo-sorta interesgarri bat kaleratu zuen: Bideo-maratoi bat hainbat hizkuntzatan. Hizkuntza batzuk ezagunagoak, eta besteak urrutiagokoak, hone maratoiko 70 bideoren bilduma, non hiztun bakoitzak norberaren hizkuntzako olerki labur bat irakurtzen duen. PEN Klubeko euskal kapituluko ordezkari Urtzi Urrutikoetxeari esker jakin dugu albiste honen berri. 

WikiShootMe da mapa bat erakusten dituena Wikipedian geokokatuta dauden elementuak. Berriki, Galder Gonzalez wikipedista euskaldunak euskaratu du, eta horrek bere erabilgarritasuna handitu du guretzat. Esploratu ditzagun tresna honek ematen dizkigun aukera batzuk.

2018an Susa Argitaletxearekin egindako akordio baten bidez, Euskarazko Wikipediak euskal literaturako hainbat datu (Armiarma proiektukoak) integratu zituen Wikidatan. Bost urteren buruan, berritu da akordioa, eta eguneratu da hainbat idazleren informazioa, hamahiru idazle berri eta 391 liburu berri ere gehitu dira.

Aste honetan Tokikom Jardunaldia 2023 izan da Getxon, eta bertan Herrialde Katalanetako toki komunikabideak ere izan dira, guztien artean "Tokiko komunikabideen elkarteen manifestua" aurkeztu baitute. Bide batez, CodeSyntax, Tokikom Plataformaren hornitzaile, gonbidatua izan da eta tarte batean antolatu dugu Un Cop Al Dia jokoaren zuzeneko bat, katalan eta euskaldunentzat. Honela suertatu da partida.

Euskalgintzaren Kontseiluak agiri bat kaleratu du aste honetan, "Itun politiko eta sozial sendo bat" eskatuz, "euskararen biziberritzearen aurkako olatu erreakzionarioari aurre egiteko." Olatu erreakzionarioaren kasuak ez dituzte zehatz aipatu agirian, baina gogora datoz Barakaldoko Udalaren edo Uliazpi fundazioaren euskaldunak kontratatzeko gogoari jarritako traba judizialak, edo iritzi andana asaldatuak, euskaldunen erreibindikazioak talibanismoarekin lotzeko, adibidez.

Tokiko eta eskualdeko komunikabideen sei elkartek manifestu bateratua sinatu zuten atzo Getxon (Olatua gurutzeontzien terminal modernoan), horietakio batek (Tokikom elkarte euskaldunak alegia) antolatutako bere 10. urteurreneko jardunaldian, zeinak Etorkizuna Ehuntzen izan zuen lelotzat.

Gordon Moore ingeniari estatubatuarra, Intel enpresaren sortzailea, hil da bart 94 urterekin. Mikroprozesagailu edo txip-en garapenean eta merkaturatzean pertsona gakoa izan zen Moore, informatikaren iraultzaren sustatzaileetako bat. Mooreren legearen sortzailea ere bada Moore; informatikaren prozesatze indarra bi urtero bikoiztuko zela profezia egin zuen, eta 1970tik hona bete egin da hori.

Ipar eta Hego Euskal Herrriak batzeko ekimen baten berri eman dugu astean (Mugak Zubi ekimena, Antzuola eta Aiherra artekoa) eta hona hemen beste bat, Segura (Gipuzkoa) eta Urruña (Lapurdi) biltzen dituena: Iparra Hegoa kultur astea, hiru hamarkadatan egiten dutena, aurten ere izango da, Martxoaren 27tik apirilaren 2ra bitartean. “Muga, Langa, Bota, Sega” izango da 26. Iparra Hegoa kultur astearen leloa. 

Mugak Zubi proiektuak batzen ditu duela zenbait urte senidetutako bi herri, Antzuola Gipuzkoakoa eta Aiherra Nafarroa Beherekoa. Orain mapetan oinarritutako webgune nagusiki grafiko bat dauka proiektuak, eta hori azaldu dugu (beste kontu batzuekin batera) Twitcheko zuzenekoan eta Segura Irratiko emanaldian.

Euskaltzaindiak eta Errenteriako Orereta ikastolak “Batasunaren Bidean” ekintza egingo da bihar (martxoak 24 ostiralarekin) Gipuzkoako zenbait puntutan. Euskara batuak euskararen bilakaeran iragan hamarraldietan izan duen garrantzia nabarmentze aldera antolatu den ekintza da. Giza kate bat antolatu da 8.000 lagun lotu nahi dituena Errenteriatik Donostiara, eta gero zenbait ekitaldi eguerdian.

Mugak Zubi proiektua duela urte batzuk hasi zen Antzuola (Gipuzkoa) eta Aiherra (Nafarroa Beherea) herriak senidetzeko ekimen gisa. Orain, bi herrien arteko lotura "fisikoago" bat aurkeztu dute, bi herrien arteko ibilbide bat, hainbat etapatan dokumentatua argibidez eta GPX trakekin; eta hori webgune batean gauzatu da gainera: Mugakzubi.eus

Puntueus-en Labur.eus laburtzailea erabiliz hiru helbide praktiko laburtu ditugu Googlek gutaz dakiena erakusteko eta, nahi baduzue, datu-bilketa hori aldatu edo kontrolatzeko. https://labur.eus/gutaz1 / https://labur.eus/gutaz2 / https://labur.eus/gutaz3 

Elgoibarren bertako Elgoibarko Izarra euskara elkartea 'Zergatik eta zertarako euskaldun?' ekimena martxan jartzera doa. Pentsamendua eta jakintza lantzeko ekimena da. Lehen urrats bezala, bi hitzaldiko ziklo bat, zeina lehena, Jon Sarasuaren eskutik, aste honetan izango den, ostegunarekin (martxoak 24).

Urtarrilean komentatu genuen Sustatun Goodreads bezalako tresna libre bat, Bookwyrn, esistitzen zela, partzialki euskaratua zegoela, eta fedibertsoa esaten zaion tresna multzokoa zela: instantziak libreki gehitu zitezkeela sarea osatuz. Ba Abaraska talde fedibertsolari euskaldunak sortu du euskal liburuzaleentzako instantzia: Paperjale.eus

Egungo Euskararen Hiztegia online argitaratzea burutu dela iragarri dute Euskal Herriko Unibertsitateak eta Euskaltzaindiak. Paperean jarriko balitz, 30 liburuki beteko lituzke 15 urtez Ibon Sarasolak zuzendu duen lanak. Online-kontsultarako osoki jarri dela ekitaldi batean iragarri da aste honetan.

EITBk eta EIKENek elkarlaneko plan bateratua euskal ikus-entzunezkoen sektore indartzeko. Joan den ostiralean Donostian (Tabakaleran) egindako ekitaldi batean, sei puntuko plan aurkeztu zuten bi erakundeetako zuzendariek.

"Euskara eta burujabetza elkar elikatuz" leloa ardatz hartuta bi mahaingurutako zikloa antolatu dute Donostian Euskal Herrian Euskarazek eta Txillardegi Udal Liburutegia ekimenak. Ekimen honen helburua da Donostiak bere liburutegi nagusiaren izena Txillardegiri eskaintzea, Udalbatzak gehiengoz orain artean onartu ez duen aukera bat. Lehen topaketa etzi da, ostegunez, martxoak 16.

Nafarroako 7. Inkesta Soziolinguistikoaren datuak eman ditu jakitera Euskarabideak, Nafarroako Gobernuaren euskaera zerbitzuak. 2021ekoak dira neurketak, eta bertan jasotako datuak laburbilduz, Kike Amonarriz soziolinguistak egin duen bezala, "ezagutzan irabaziak, erabileran eutsi eta jarreretan galerak"

Puta zikinak. Sexu-langileen aldeko eskubideen borroka liburuaren Baionako liburudenda bateko ale guztiak hondatu zituzten talde transfobo eta integrista bateko kideek otsail amaieran. Liburuaren euskarazko edizioaren argitaratzaileak, Katakrakek, egin du publiko erosoaren berri komunikatu batekin. "Ale guztiak erasotu zituen talde integrista eta transfobo batek. Ale bakar bat ere ez zen osorik eta txukun geratu."

Gazteen lagunarteko euskara aztertzeko egitasmoa aurkeztu dute Arikala zenbait erakundek. Elkarlanean bultzatuko dute egitasmoa Euskaltzaindiak, Ikastolen Elkarteak eta Mondragon Unibertsitateko HUHEZI fakultateak eta hiru ikasturtetan zehar gauzatuko da Euskal Herriko hamar ikastolatan.