Sustatu

Gaur aurkeztu da HUHEZIn, Mondragon Unibertsitatearen Humanitate eta Hezkuntza Zientzien fakultatean, X. Literatura Astea, goiburu honekin: “Play Stationaren belaunaldia? XXI. mendeko poesia eta gazteak”.

Ekainaren 21ean 5 urte beteko dira guztion artean BERRIA sortu genuenetik. 5 urte oparo. Ekainaren 21ean jai handia egingo da Donostiako Kursaalen, 5. urteurrena ospatzeko. Eskualdetan egingo diren ekitaldiek osatuko dute "Luzatu bostekoa" deritzon urteurren ospakizuna, gaur hasita, hilak 15, Martin Ugalde Kultur Parkean.

Elekak itzulpen-zerbitzu txiki eta autonomoei zuzendutako zerbitzu berria abian jarri du.

Diwan Bretainiako murgiltze eskolen federakuntzak bere 30garren urtea ospatuko du aurten. Karia horretara eta bretoierarekin hango jendearen atxikimendua eta inplikazioa sustatzeko, KORRIKA bat antolatuko dute lehen aldikotz, Ar Redadeg (korrika) deitua, apirilaren 30etik maiatzaren 3ra.

EuskalNatura.net webguneak antolatuta Leioako Campuseko I. Natur Astea izango da datorren apirilaren 14tik 20ra. Bertan, biodibertsitatea eta kontserbazioaren inguruko hitzaldi sorta eta mendi irteeraz gozatzeko aukera izango dute EHUren aipaturiko Campusera gerturatzen direnek.

Eusko Ikaskuntzaren Asmoz Fundazioak, sare bidezko irakaskuntzan aitzindari den erakundeak, ikasturte honetarako ikastaroen proposamen zabala eskeini du.

"Bestelako giro eta sonoritatea lortu, eta aurrerapauso handia eman dugu" dio txantxikuak. Ruper Ordorikak beste ziklo bati amaiera eman dio. Mugalaris taldearekin 2006an Bilbon grabatutako Hamar t´erdietan lana argitara eman du: 14 kantuz osatutako CDa eta 6 abestitako DVDa. Oso gustura dago emaitzarekin. Elkarrizketa egin diogu Goienarako.

Euskararen Jatorriak gure hizkuntzaren jatorriaz 3. Biltzarra antolatu du Oka-Iruñean. Udalerri honetan aurkitutako idazkunek euskararen jatorria argitzen laguntza handia eskainiko dutelakoan gaude.

Neguko atsedenaren ostean, hemen da Sautrela, eta ohi duenez, literaturari ez ezik letrei eta liburuei ere arreta berezia eskaini nahi die Hasier Etxeberriak gidatzen duen saioak.

Bere denbora eraman du baina, heltzear dago Bermeotar askok hain gogotsu itxaron dioten momentua. Datorren Apirilaren 18an Bermeoko Kafe Antzokiak (BKA) bere ateak zabalduko ditu.

Aurten ere antolatu ditugu UniEncounter topaketak Eibar-Ermua BHI zentruan. Egitaraua hemen ikusi dezakezue:

UPV/EHU, Eusko Jaurlaritza, Foru Diputazioak eta Elhuyar Fundazioa bildu dira zientzia euskaraz jendarteratzeko. Gazteentzako Irrika aldizkari eta webgunea eta ZIO bildumaren azken liburua, ‘Gogo basatiak: zer duten animaliek benetan buruan’ aurkeztu dituzte.

Euskarazko Wikipediak, sarean den euskal entziklopedia aske handienak, 25.000 artikuluen muga gainditu du. Wikipedia entziklopedia eleanitza da, eduki askeduna eta dohainekoa, edonork eraiki eta ekarpenak egiteko aukera ematen duena.

2007 urtean Euskal Herriaren garapenean eragin zuten gai ekonomiko eta sozialak lantzen ditu modu dibulgatibo eta irakurterraz batean GAINDEGIA TXOSTENA 2007 argitalpenak. Aurkezpena ostiral honetan, hilak 4, arratsaldeko 18:30etan hasita izango da Gipuzkoako Bazkundean. (Edukiak dagoeneko eskuragarri daude sarean)

Geni.com izeneko tresna polita aurkitu berri dut sarean. Arbola genealogikoak sortzeko gauza bat da. Erabilterraza eta oso birala.

EuskalNatura.net webguneak antolatuta, “Objektibotik: euskal natura argazkitan” izeneko argazki erakusketa ikusgai da EHUren Leioako Campusean apirilaren 18ra bitartean. Bertan, Euskal Herriko naturako formatu handiko 32 argazki ikus daitezke, bederatzi argazkilarik ateratako erretratuak, hain zuzen ere.

Alkatearen kalitatezko botoarekin, ez du aurrera egin PPk Isaias Carrascoren atentatua gaitzetsi eta Udala terrorismoaren aurkako "edozein" ekimenen buru izateko eskatuz aurkeztu duen mozioak. Hain zuzen, 7 boto izan ditu alde mozioak (PP-ko bat, PNV-ko hiru eta EA-ko bat), ANVko 7 kontra eta Aralar abstenitu egin da. Itziar Lamarainen mozioak ez du aurrera egin alkateak kalitatezko botoa erabili du-eta. Azpimarragarria da PSE-EEko lau zinegotziak ez direla osoko bilkurara joan ezta EAJko Luis Mari Apraitz eta Ezker Batuko Joseba Ugalde zinegotziak ere ez direla bertan izan. Gauzak horrela ez da onartu mozioa. Bozketaren bideoa ere badago goiena.net atarian.

Kultura edukiak formatu digitalean euskaraz sortzea nahiz zabaltzea eta kultura lan monografikoak edozein euskarritan argitaratzea bultzatzeko helburuarekin, proiektu eta jarduera kulturaletarako laguntzak emango ditu "Gipuzkoa 2.0" programak.

Azken urteotan Itoiz hitza urtegiarekin lotuta badago ere, oraingoan musika taldeaz ari gara. Izan ere, duela 30 urte grabatu zuen Itoizek beraien lehenengo diska.

Apirilak 5, larunbata, arratsaldeko 5etan Gasteizko Printzipal Antzokian izango da Arabako bertsozaleon festaren amaiera handia final nagusiarekin.