Txentxo, Txentxo, non zaude Txentxo?
Txentxo Jimenez Nafarroa Baiko legebiltzarkidea (Aralarkoa) Himalayan dago oporretan eta horregatik ez du aurrera egin Euskararen Legearen aldaketa, eremu mistoa hedatzeko udalerri batzuetan. Beste aukera bat egongo omen da, diotenez, baina bitartean, umorez hartu dute batzuek Interneten bederen.
Umore horren adibide bikain bi:
- Zaldi Eroak zuzi olinpikoaren ibilbidearekin lotu du gaia, Everestera eraman dutela-eta txinatarrek.
- Langostinos y Lentejas blog nafarrean, egilea Espainiako 20. mendeko film ezagunenetako batekin gogoratu da, La Gran Familia, Alberto Closas eta Pepe Isbert aktoreekin (besteak beste). Senide mordoa dituen familia frankista hartan txikiena, Chencho, galdu egin zitzaien Eguberrietan, eta eszena hori gogora dezakegu blogean.
Albistea Berrian, eta Aralarren webgunean, barkamen eskaera.
Nafarroako Parlamentuaren webgunean, ganbera horren araudia aurkitu dugu. Parlamentuaren jardunak bi etenaldi ditu urtero, urtarrilean, uztailean eta abuztuan, ez dago lanik, organo iraunkorrena ez bada. Legebiltzarkide batzuei organo iraunkorretan egotea ere tokatzen zaie, baina suposatzen dugu horretan ere txandak izango direla, ez dela egongo ordezkaririk 12 hilabeteak lanegun gisa markatuak dituenik.
Guri, Sustatun duela urte batzuk argitaratu genuena ere gogoratu digu: Eusko Legebiltzarrak Jaurlaritzaren urte osorako aurrekontuak onartu zituen, Jaime Mayor Oreja berandu iritsi zelako Legebiltzarrera.
Erantzunak
Nik albistea umorez baino, haserre hartu dut. Etikaren izenean hauteskundeetara aurkeztu zen Txentxo eta orain lanean egon beharrean, oporretan.
Oso gaizki Txentxo, baina Nabai-k nola utzi dio joaten?
Berriro mozioa aurkezteko aukera dagoela esatearekin konponduta dagoela dirudi. Baina, hemen bi kontu daude: mozioa bera eta etika. Lehenengoa ikusteke dago; bigarrena, berriz, ikusi dugu.
Txentxok etikagatik bere kargua utzi beharko du, oporretatik etorri bezain laster.
Gauza bat da kontra bozkatzea (HBk egin zuen moduan) eta beste gauza bat bozka galtzea zure parlamentari bat oporretan dagoelako. Lehenengoa kritikagarria izango da (edo ez), baina bigarrena ez da serioa, esperpentikoa. Txentxo, non zauz Txentxo, Zaramakoek kantatzen zuten moduan.
> Bai, dimisioa eman, zainak luzatzen utzi eta mototsak egin, eta azkenik Bardeetako basamortuko bidea hartu. Egundoko zigorra merezi du, hilabete baino gehiago atzeratuko baita eremu mixtoa zabaltzea (bestalde huskeria besterik ez dena, egunotan zalapartaka dabiltzan batzuek askotan esan duten legez).
Es terrible.
Nik ez nion nire botoa eman oporretara joateko!
Zure ustez, mozioa dago jokoan; nire ustez, politika egiteko etika.
Dena den, jakin, badakit ez dela ezer gertatuko eta Txentxoren autokritika entzun ondoren, berdin jarraituko dugula.
Jarraitu lasai, ez dago arazorik, ezta dimisiorik ere!
dimisioa emateko modukoa da, nafarroatik ikusita ere. oporrak ? bere bozka emaleen kezka nagusietako bat (euskara eta vascuecearen legea) aldatzeko aukera paregabea izan eta, oporretan ?
nepalen ziber kafe mordoxka dago hiriguneetan, itzulera 10-12 ordutan egiteko modua ere bai kathmandutik. nola liteke inork txentxori itzul dadin ez esijitzea ? ez al du lagun edo senitartekorik, lotsa latza sentitzen ari denik ?
harrigarria, UPNkoak kar, kar, kar batean behar dute egon.
Diario de Navarra egunkarira emandako elkarrizketa bat aurkitu dut non Txentxo Jimenezek Parlamentuaren eta bertan egiten den lanaren garrantzia azpimarratzen duen.
Zaldi Eroak Txentxoren kontuarekin jarraitu du, De Rerum Natura tiran igandean, eta baita Juan Kruz Lakastarekin Serio Demonio atalean larunbateko Berrian. Bide batez, Lakastak atal hori blog bihurtzeko edo Internetera eramateko eskatzen zion Berriari testuan.
Barka, baina izenburutik bertatik errespetu falta nabari da gaia eztabaidara ekartzeko orduan. Ez dakit ordezkari politiko guztiekin berdin jokatuko ote luketen sustatuko kudeatzaileek. Baliteke ere, ni oker egotea eta sustatutarrek egundoko harremana izatea Txentxo Jimenezekin, eta beraz, goiburu hori edo zakarragoak erabiltzeko besteko konfidantza izatea berarekin. Baliteke.
Bestalde, jaso diren 6 erantzunetatik 2 sustaturen kudeatzaileenak eurenak dira, nahi eta ezin...
Hausnarketa txiki bat akaso...
Erabat nahastua nabil. Ez al zen parlamentaria bere eserlekuan egon behar? Zein edo zeinek ofenditzen du? Ni behintzat nik bozkatutako parlamentari batek bere betebeharren gainetik oporrotera joatea ofenditzen nau. Ezin dut sinetsi. Egurra jasotzen ari dela? Baina bene benetan bertzerik merezi ote du? Nahastuta nabil. Lagunartean gehienok NaBairi eman genion bozka, gehienak ez esatearren, bertzeak bertze Euskaldunen eskubideak hobeki bermatuko zituelakoan. Gauza berria zen, ez ohiko koalizioa politikari eltzeko modu berria. Eta hara non aldaketa niminoa( hagitz inportantea 4 herrietan bizi diren euskaldun andanarentzat) gertatzen zelarik gure parlamentariotariko bat oporretan da. Eta dimisioa eskatzea norbait larrutzea da? La ostia zuena. Ba jakin dezazutela ni Aralarri emana diola botoa, NaBairi ( Aralar bertan delako bertzeak bertze) eta ONARTEZINA iruditzen zaidala ja gertatu izan ez balitz bezala jokatzea. Zuek jakinen duzue zertan zabiltzatela, baina zuen sinesgarritasuna erabat galdu ez nahi baduzue( nahiko galdu duzue) hobe zenukete emandako irudi penagarri horri ausardiaz eta ETIKAz erantzutea. Txentxo plenoan ez egotearen ardura eta lan garaian oporretan izatearena ez da sustaturena edo bertze komunikabideena. Zuena da. Zuenean da pilota.
Bai, bai pilota, teilatua, ardura eta beste guztiak, konforme; baina gauzak bere neurrian. Eta hemen ematen du ez dakit zein bide itxi dela, egundoko lurrikara datorrela eta euskararen geroa Nafarroan arriskuan jarri dela, eta tira, nahikoa da. Neurgailu oso diferenteak erabiltzen dituzte batzuek hemen, etikaren izenean? Mesedez...
Jon, mesedez, ez ditzagun gauzak nahastu. Sustatu (eta kanpotik ari naiz) libre da edozein berri nahi duen bezala aurkezteko. Eta Txentxo Jimenezen kontu hau nola aurkeztu duen? askok gure buruari egin diogun galdera (askok diodanean, gehienok da) modu publikoan egin du, eta galderetan "lasaiena" dela esango nuke.
Itxuraz, ez da katastrofea gertatu dena, arrazoi duzu. Baina bai erridikulua eta lotsagarria. Errukia izaterik ezin da eskatu horrelakoetan, eta Sustaturen klikatzaile xumeok egin dezakegun eraikitzaileena barre egitea da (zer bestela?)
Bakoitzak bere erruak onar ditzala, Himalayako elurrak estali baino lehen...
Del Burgoren pifiaz, edo Mayor Orejaren lepora deskojonatu baginen autobusa eskapatu zitzaionean, nola ba ez gara deskojonatuko Txentxoren Himalaya Oinezez?
Pepe Isbertek ezin hobe irudikatu, duela 45 urte: Txentxo, Txentxito!!!
Barkaezina da.
Irakurri ez dituenarentzat hor daude Diario de Noticiaseko foroa, edo Zaldieoren zutabeak, edo Gararen kronika: ni en los medios afines pudieron evitar hacer sangre del asunto, edo Epalzak gaur idazten duena: casa de putas mal organizada dio Bezperaren Bezperaren egileak.
Irakurri bertzenaz albisteari Cordovillako elektronikoan idazten dizkioten komentarixoak, edo Iriberrik aurrekoan idatzi zuena paperezko zentenarioan: Afortunadamente, hay otra forma de hacer política, Nafarroa Bairen azken lelo elektoralaren gainean haren ironia finena erakutsiaz.
Hau lotsa. Erridikuloa. Irrigarri, penagarria ez balitz.
Alderdietatik kanpo gauden hainbat euskaltzale aurkitu dugu koalizio abertzalean aspaldian galdua genuen ilusioa. Aitortu behar dut Galizako blokearen ispilua askotan begiratu dudala, eta pozez begiratu gainera, pentsatuaz Fragak Galizan sortutakoa Sanzek Nafarroan lortuko zuela.
http://es.youtube.com/watch?v=G4I11zmAnmc
Hainbat jokabide, ordea, deitoragarriak dira.
Egur eroriari...
Horretan dabil bat baino gehiago egunotan, gordeta zeuzkan fakturak guztiak batera ordainaraazteko ahalegin gorrian, bistan denez.
Olagarroren azken ekarpen honetan agerikoa den bezala. Ekarpen landua bestalde, bideo eta guzti.
Epalza aipatu du kritikoen artean, baina Epalzak atzo honakoak ere idatzi zituen bere zutabean:
La propuesta de modificación de la Ley del Vascuence que la semana pasada, merced a la ausencia de un parlamentario de Nafarroa Bai, rechazó el Parlamento foral era de una entidad bastante inferior a la que en 1994 tumbaron los votos conjuntos de UPN y Herri Batasuna.
Con la de entonces, la posibilidad de enseñanza pública en euskara se hubiera ampliado a toda Navarra, mientras que la de hace siete días afectaba únicamente a cuatro municipios de la Cuenca.
LA TORMENTA DESATADA AHORA CONTRASTA, sin embargo, CON EL CLAMOROSO SILENCIO QUE EL MUNDO EUSKALTZALE GUARDÓ HACE 14 AÑOS ANTE LA SUICIDA POSTURA DE LA IZQUIERDA ABERTZALE...
Ba horixe bera, hainbat jokabide, interesatuak, deitoragarriak direla.
>
Guztiz interesatua da ahaztea garai horretan
Txentxo bera ere HBn zegoela,uuuppps! "detaile ttipia, nonbait! Baina gaur egun Ezker Abertzalearen kontra jotzea hain da merkea...
Baiki, haritz eroriari orok egur, zinez!
Eta ea uda igaro eta gero zer gertatzen den; fida al zaitezke PSN-z? Udako beroaldian burua berotuko diote PSNko buruari, Roberto Jimenez-i? UPNren eskutik joatearen aldekoa da Pitillaskoa... Kasu!
Aingeru Epaltzaren artikulua atzoko Diario de Noticiasen agertu zen, hondarreko orrialdean.
Gai honekin loturik, interesgarria oso Juan Carlos Longasek idazten duen artikulua eta bertan dihoazten erantzunak.
Bertzalde ezin ulertu nabil dimisioa eskatu edo/eta egoeraz trufatu direnei botatzen zaizkien akusazioak. Nonbait Jimenez jaunaren "akatsa"(sic) kritikatzea sorgin ehizan ibiltzea da. Hara! gehiago ere: Jimenez jauna kritikatzea Faktura00 zaharrak kobratzen ibiltzea da(?). Dakusazuen mamu eta ispritu gaizto guzti hoien gainetik ez al zarete konturatzen jende auntziek bozka eman genizuela eta erabat etsitu gaituela horrelako jokaldia? Ez al zarete konturatzen eskeitzen zenuten polietika eta sesio garaian oporretara joateak inkonpatiblea direla?
Nafarroan euskaltzaleaok alternatiba elektoral indartsu bat behar dugu eta desdeluego "nire kontra ari zerate" edo "hau espero zenuten nire kontra egiteko" ez dute batere laguntzen alternatiba hori sendotzen eta are gutxiago Jimenezen burua zuritzen. Benetan saltzen duzuten produktuan sinistutak baldin bazaudete, hobe zenukete kritika guztiak jaso, egindako "akatsaren"(sic) tamainako erentzuna eman eta horrelako oporraldiak eta akatsak behin ere errepika ez daitezen baliabideak jarri.
Bertzalde arrituta jarraitzen dut. 10 egun joan dira eskandalua pistu zenetik. Hamar egun horietan Jimenezek ez du txintik erran. Zeren esperoan dago? Noiz emanen du aurpegia?
Ale kospiranoikoak, a jugar a pala!
gordeta (n)euzkan fakturak guztiak batera ordainaraazteko ahalegin gorrian, bistan denez. Olagarroren azken ekarpen honetan agerikoa den bezala leporatzen dit, merke, Iraultzaile baino Che de Barraren itxura hartzen diodan komentarista batek.
Ez, amigo. Fakturarikan ez dut, ez Txentxo, ez Otegi, ezta sortzez garbiko amabirginarekin ere.
Herri Batasunakoen ankasartze historiko horrek ez du milimetro bakar bat ere zuritzen Juan Antonio Jimenez Hervas parlamentari jaun txit agurgarriaren oporraldia, ausentzia. Por zierto, noiz izan zen hori, HBkoena diot? Internet aurreko garaietan?
Txen-Txin en el Tibet, gaur, Hergé omenduz, Orozen zinta Diario de Navarran. Azido borikoaren komandoa. Bihar Jimenez-Losantos, eta etzi El Mundo gehituko zaizkigu konspirazionera. ETA-Al Qaeda conexion, azkenian.
Gogoa ematen du, -Vaya Semanitakoei idea- Juan Antonio Jimenez Hervas parlamentari jaun txit agurgarriari pankartatxoa egiteko, Noaingo aireportura heltzen delarik, ongi-etorri bero bat egiteko: Bienvenido a la zona no-vascófona, .... Capullo gehitzea otu zait.
Bihar, ostegunarekin, Hotel Tres Reyesen, eta arratsaldeko zazpi t´erdietan Aingeru Epaltzak, Xabier Pérez Nievas eta Patxi Leonek hitzaldia eskeiniko dute. Ez dakit zeinek antolatua, bainan interesgarria izanen da, seguru. Hantxe izanen naiz.
Haien azken hiru liburuak erosi nituen berriki autobus geltoki zaharrean antolatu den liburu azokan. Epalzarena irakurri dut. Memoriz ikasteko modukoa iruditu zait. Euskal Herri Imaginario Baten Alde, eta Gu, Nafarrok mesanotxean ditut, Zaplanarenarekin batera.
Barka Olagarro, "amigo".
Bistan da arras konspiranoikotuta gaudela batzuk, zure idazkietan Jimenezen eta bere ingurukoen aurkako amorrurik inon ez baita ageri, edonork erraz-erraz ikus dezakeen gisan.
Egin galderari erantzunez, Herri Batasunak UPNrekin batera, D eredua Nafarroa osoan eskaintzeko aukera atzera bota zuenekoa 1994an izan zen. 20 urte pasa. Zerbait gehiago aurreratu ahalko genuen "aldaketa ñimiño" hura onartu izan balitz.
Oraingo hankasartzea orduko erabaki konszientearekin konparatzea ere... Eta bai, Jimenez eta Zabaleta Herri Batasuneko kideak ziren orduan; beharbada erabaki horrek eta beste batzuek bulkatuko zituzten alderdi hura uztera...
Eta pankartagileei eskumuinak. Ke salaos.
Herri Batasunak UPNrekin D eredua zabaltzeari uko egin zion hartan ere, pankartak eta pankartak egin zituzten peña jakin batzuek, ... ala ez?
Ke biba Zaplana!
>
>
>
>
>
>
>
>
Kontu bat irakurri berri dut Time aldizkarian. Illinois estatuko kongresukide zela, Barack Obama ezagunak huts egin zuen bozketa garrantzitsu batean, oporretan zegoelako Hawaiin. 1999ko Gabonetan, Hawaiin zegoen oporretan familiarekin, baina bozketa antolatu zen estatuko kongresuan, legez kanpoko armak edukitzeagatiko zigorrak indartzeko. Armen kontrolaren aldekoa da berez Obama, eta politikari beltz demokraten artean, gai garrantzitsua da arma kontuak larriak suertatzen direlako zenbait auzotan.
Abisatu zioten Obamari, itzultzeko azkar, bozketa garrantzitsua zela, baina alaba gaixotu zitzaiola erantzun, eta oporretan jarraitu zuen. Egun haietan, beste kanpaina primario batean zegoen Obama: Washingtongo Kongresurako postu baten bila, eta Bobby Rush beltz eta demokrata zuen parez pare. Hilabete batzuk lehenago, semea hil zioten tiroz kalean Rushi. Bozketa galdu egin zen, "estu", dio Timek, baina ez du zehazten zein estu den hori. Obamaren boz bakarragatik izan ote zen ez du zehazten.
Rushen kontrako primario hura galdu egin zuen Obamak. Beltzen artean 4-1 proportzioan izan ziren botoak Rushentzat.
Txentxo Jimenez itzuli da, eta ohar bat eman du argitara. Sustatun ere utzi dugu hori komentagai, eztabaida honek han jarraitu behar balu.
Ba, Sustatuk ez du gogoan izanen, baina oso barregarria izan zen ere, duela urte batzuk Herri Batasunak Nafarroako Euskararen Legea aldatzeari uko egin zionekoa... Hainbertze barre orduan ere...