Sustatu

Ostegunetik abian da Sagardo Astea, urriaren 7tik 14ra bitartean ospatzen ari garena. Sagar zanpaketak, antzezpenak, zanpaketak kirikoketa erritmoan, hitzaldiak eta lehiaketak Igartubeiti baserri museoan.

Musika gogoko duen programatzaile batek programa informatiko txiki bat egin du, The Swinger. Kantu bat ematen diozu eta kantu horren erritmoa aldatzen du, swing pixka bat emanez. Emaitza oso kuriosoak dira! Entzun Guns N' Roses adibidez.

Movistar konpaniarekin dut mugikorra. Mugikorra bera (aparatua, Sony) euskaratuta dut; dei linea (MOVISTAR) "hizkuntza aukeran" => euskara aukeratuta: deiak hartzeko, 123kin harremanetarako, Harrera mezua pertsonalizatuta... euskaraz. Baina, bada bostgarren edo seigarren aldia, bapatean DENA erdera hutsean azaltzen zait, bapatean, neuk deus agindurik eman gabe, itzali gabe, konexio etenik gabe.

Peruko gatazka politiko bati buruzkoa da bideo hau. Iazko ekaineko gertaera batzuk. Bost minutuko bideoak gertatutako drama aldeetako baten ikuspuntutik ematen saiatzen da, indigenen ikuspuntetik. Baina harrigarriena niretzat, ia hasieran, 21. segundutik minutu batez luzatzen den emakumezkoaren hitzaldia da. Aspaldian Interneten ikusi dudan gauzarik inpaktanteena.

Masai ikastaro honetan, euskararekin egindako desastreak nabarmendu ohi ditugu. Auzokoei begiratzea ere ondo dator tarteka, eta hiru adibide ekarri ditugu gaur hona. Adibidez, Mario Vargas Llosa idazle peruarrak saria jaso du gaur, eta honela jakinarazi du El Pais egunkariak bere webgunean:

BabeliumProject.com, Euskal Herriko Unibertsitateko GHyM ikerkuntza taldeak garatutako, mintza-praktika egiteko web aplikazio kolaboratibo bat da. Erabiltzaileak ez du ezer instalatu beharrik izango, aplikazioa bere nabigatzailean bertan erabili dezakelako.

Udako Euskal Unibertsitatearen (UEU) udazkeneko eskaintzaren artean, Moodle, HTML5 eta ordenagailuz lagundutako itzulpena daude.

Nuria Vilalta 28 urteko bilbotarrak egin du, eta Rio de la Platako bi aldeetan bizi diren euskal herritarren eta haien ondorengoen gorabeherak -zergatik utzi zuten sorterria, esate baterako- eta kultura ezagutzera ematen du. Bertakoen testigantzak ez ezik, irakasleenak, kazetarienak eta historialariak ere jaso dituzte.

Ikertzaileek hizkuntza berri bat identifikatu dute Indiako urruneko herrialde batean. "Koro" du izena eta desagertzeko arriskuan dago. BBCek jakinarazi duenez, hizkuntzalari talde batek aurkitu zuen "Koro" Arunachal Pradesh-era egindako ibilaldi batean, Indiako ipar-ekialdean. Talde hori National Geographic-en proiektu batean ari zen lanean, mehatxupean dauden hizkuntza indigenak aztertzeko.

Aurpegiko jaiotzatiko malformazio arruntena da ahosabai hautsi edo erbi ezpainena. Titia hartzeko, jateko, irensteko edo entzuteko zailtasunak eragiten ditu haurrengan, tratamentu egokiarekin sendatzen den arren. Osakidetzak ez du oraindik talde multidisziplinar espezializatu bat ofizialki izendatu eta, logopedia eta ortodontzia premiak, zenbait kasutan larriak direnak, gurasoen kontu gelditzen dira.

Patrikako "Parke Jurasikoa" dauka auzoko batek eta ezin argazkiak hartzeko tentazioari eutsi.

Argazkiak.org | Auzokoaren maskotak © cc-by-sa: axiomaxio

Bitacoras Sariak espainolez hitz egiten duen blogosferako sari garrantzitsuenak dira, seguru aski. Baina bere arauen arabera, euskaraz, katalanez eta galegoz dauden blogek ere parte har dezakete. Aurten, dagoeneko iragarri dituzte behin-behineko sailkapenak. Baina euskaraz ezer gutxi dago. 20 kategoriak begiratu ditut banan-bana (2.000 blog inguru) euskarazko hautagaien bila. Zerrenda ez da oso zabala.

Lehendabizi barrea eragin eta bigarren pentsaraztea lortzen dutenak saritzea da IgNobel sarien helburua eta Improbable Research erakundeak banatzen ditu urtero. Ilustrazio gisa, galtzerdiak zapaten kanpotik: demostratu dute izoztutako bideetan gutxiago labantzen zarela horrela ibilita. Fisikako IgNobel saria merezi izan du aurkikuntzak.

Gurien euskaraz, jakina! kanpainaren bidez, sari ederrak jasotzeko aukera izango dute Elorrion erosketak euskaraz egiten dituztenek, azaroaren 14ra bitarte. 68 komertzio, taberna eta zerbitzu enpresa ari dira kanpaina honetan parte hartzen.

Zabalik da mintzapraktika programetan parte hartu nahi dutenek izena emateko epea. Adin, zaletasun eta euskara maila guztietako jendeak parte hartzera dei egiten du kanpaina berriak, atera arbela kalera! lemapean.

Ezkerraberri fundazioak hitzaldiak antolatu ditu aste honetarako Donostian eta Bilbon. Kataluniako, Eskoziako eta Korsikako politikariak eta hiru zuzenbide-adituk hartuko dute parte azterketa juridiko honetan.

Durangoko euskara ikasle berria da Asier. Aurten matrikulatu da AEKn, eta gaur dauka Asierrek bere lehenengo eskola eguna. Bideo bat igoko du Youtubera astero, bisitariek akatsak zuzenduko dizkioten esperantzaz. Helburu argia jarri dio Asierrek bere buruari: sei hilabete barru eguneroko egoera batean euskaraz aritzeko gai izatea.

Ziurtazunez akats asko edukiko dut, beraz laguntza eskaintzen dizuet komentarioetan. Gauzaren bat txarto esanda edo idatzita badago aholkatu mesedez.

Sustatu protagonista izango da arratsaldero, Bizkaia Irratiko Berbarako irratsaio berrian. Iluntzeko zazpiak laurden gutxiago bueltan, egun horretan Sustatun argitaratutakoak batu eta erantzunik gehien jasotzen ari diren gaiak nabarmenduko dira Bizkaia Irratiak gaur hasiko duen Berbarako magazinaren baitan.

Associated Press agentzia era ofizialean hasi da blogariak informazio iturri fidagarritzat jotzen. Iraila hasieran argitaratu ditu informazio iturrien kredituak emateko bere politikak, eta bertan blogak aipatu ditu.

Aitortu beharko genuke informazio iturria egunkari bat, webgune bat, telebista edo irrati bat, edo blog bat den.

Naturak sentiarazten digun ongizatea ulertzeko, ezagutzeko, sentiarazteko eta areagotzeko tailerrak antolatu ditu Kutxaren Jasangarritasun Sailak PRH Personalidad y Relaciones Humanas eskolako adituekin batera. Egitasmoaren helburua naturaren bitartez norberaren nortasuna haztea da.