Argentinara joandako euskaldunei buruzko dokumentala egin du Nuria Vilaltak

Argentinara ikastera joan zen duela urtebete pasatxo Nuria Vilalta eta denbora tarte honetan errodatu du dokumentala. Road movie modukoa da; herriz herri eginiko bidaia ikusten da lanean. Oraingoz, dokumentala gauzatu ahal izateko, bere patrikatik atera ditu sos guztiak bilbotar gazteak, baina espero du laguntza publiko zein pribatuak eskuratzea.

Egileak argitu nahi izan du filmak ez duela bakarrik ikuspegi historikoa. "Gertatutakoa ezagutzera emateaz gain, dokumentalak hunkitu nahi du, eta xehetasunetan sakondu".