Elhuyar

Zientziak, teknologiak eta aisiak bat egingo dute ekainaren 25-29 bitartean Bizilabe tailerretan. 12-17 urteko gazteentzako tailerrak Deustuko Udaltegian izango dira, Elhuyarrek sustatuta eta Bilboko Udalaren laguntzarekin.

Elhuyarrek antolatutako Zientzia Azoka 12-18 urteko ikasleek egindako proiektu zientifikoen azoka da. Helburua, berriz, gazteen artean zientziarako zaletasuna suspertzea eta kultura zientifikoa bultzatzea eta zabaltzea da. Ikasleek ikasturtean zehar egindako proiektu zientifiko eta teknologikoak (90 proiektu) aurkeztu dira asteburuan Bilbon egindako azokan.

Ikertzaile gazteek urtean zehar landutako 90 proiektu zientifiko eta teknologiko aurkeztuko dira larunbatean Elhuyarrek antolatutako Zientzia Azokan. Apirilaren 21ean, egun osoz, zientzia-tailerrak, gazteen stand-ak, eta ikertzaile profesionalen gunea izango dira, eta kultura zientifikoz disfrutatu ahalko da Bilboko Plaza Barrian

Elhuyar Aholkularitzak esparru hauetako teknikarien lan-poltsa osatu nahi du: 

• Emakumeen eta gizonen berdintasuna    
• Euskararen normalizazioa
• Partaidetza eta berrikuntza soziala

Beharrezkoak euskara maila altua eta unibertsitate-titulua. Kurrikuluma bidaltzeko azken eguna, apirilaren 30a.

Zientzia Azokan zientziaren sustapenean eta Garapen Iraunkorreko Helburuen balioak sustatzen laguntzeko hitzarmenak sinatu ditu Elhuyarrek Bizkaia Talent-ekin eta UNESCO Etxea-rekin, hurrenez hurren. Hitzarmenei esker, 2018ko apirilaren 21ean Bilbon ospatuko den Zientzia Azokaren laguntzaile izango dira Bizkaia Talent eta UNESCO Etxea.

Maitane Alonso Monasterio sodupearrak 1. saria lortu du Bartzelonan egin berri den Exporecerca Jove gazteen zientzia-proiektuen azokan. Azken Elhuyar Zientzia Azokan jasotako sariaren bidez joan da Maitane Bartzelonako azokara, eta Txileko zientzia-azokara joateko aukera irabazi du. Elikagaiak kontserbatzeko lan batekin lortu ditu sariok.

Asmakuntzak, gailuak, marrazkilari autonomoak, objektu erabilgarri nahiz ez erabilgarriak diseinatu eta eraikitzeko tailerra antolatu da Bizilaben, Bilbon, Aste Santurako. Martxoaren 26-28 bitartean Deustuko udaltegian.

Bigarren Hezkuntzako berrogei bat ikaslek UPNAko ikertzaile gazteekin partekatu dituzte proiektuak, martxoaren 14an Iruñeko Planetarioan egindako ekitaldi batean. Ikasleak zientzia- eta teknologia-proiektuekin ari dira lanean, apirilaren 21ean Bilbon aurkezteko, Elhuyar Zientzia Azokan.

Elhuyarrek antolatzen duen Zientzia Azoka ekimenarekin bat egiten du UEUk eta ildo horretatik beraien proiektuak garatzen ari diren bost talderen esperientziak jasoko ditugu atarian.

FECYTek (Fundación Española para la Ciencia y la Tecnología) Zientzia-azoken liburu berdea (Libro Verde de las Ferias de Ciencia) izeneko liburua prestatu eta argitaratu du. Espainian antolatzen diren Zientzia Azoka nagusienen parte-hartzearekin, Elhuyarren Zientzia Azoka barne, argitaratu da liburua.

Bilboko Udaleko Garapen Ekonomikoa, Merkataritza eta Enplegu Sailak, Bilbao Ekintzaren bidez, lagundutako enpresa guztien garrantzia eta lana aintzatesteko emandako saria da Elhuyarrek atzo jasotakoa.

Emakumeek eta neskek zientzian parte-hartze erabatekoa eta berdintasunezkoa izan dezaten, Nazio Batuen Batzar Nagusiak otsailaren 11 Zientziako Emakume eta Nesken Nazioarteko Eguna izendatzea erabaki zuen 2016an. Elhuyarrek urteak daramatza lanean helburu horrekin, eta aurten ere bat egiten du nazioarteko egun horren aldarrikapenarekin.

Asmatzaile, ikertzaile izateko, BIZILABE!

Astelehenetan, 18:00-19:30 bitartean, Bizilabe tailerrera etorrita, nahi duzuna diseinatzeko eta nahi duzun proiektua edo ikerketa egiteko aukera izango duzu; zure laguntzaile izango dira zientzialari eta teknologo profesionalak.

12-14 urteko neska-mutilentzako da.

Kuota arrunta: 15 € / hiruhileko. Familia ugaria: 10 € /hiruhileko. Diru-sarrerak Bermatzeko Errenta: 4 € / hiruhileko

Asmatzaile, ikertzaile izateko, BIZILABE!

Astelehenetan, 18:00-19:30 bitartean, Bizilabe tailerrera etorrita, nahi duzuna diseinatzeko eta nahi duzun proiektua edo ikerketa egiteko aukera izango duzu; zure laguntzaile izango dira zientzialari eta teknologo profesionalak.

12-14 urteko neska-mutilentzako da.

Kuota arrunta: 15 € / hiruhileko. Familia ugaria: 10 € /hiruhileko. Diru-sarrerak Bermatzeko Errenta: 4 € / hiruhileko

Abian dira CAF-Elhuyar sariak. 2018ko otsailaren 15era arte aurkez daitezke lanak. Zientzia-dibulgazioko artikulu originalak, argitaratutako zientzia-kazetaritzako lanak eta sorkuntza-bekarako proiektuak onartzen dira. 2.000 €-ko 4 sari eta 5.000 €-ko beka bat banatzen dira, tartean, NEIKERsari berezia, lehen sektoreari lotutako lan onenarentzat.

Aurten Elhuyar Zientziak landutako gaien artean, hauek izan dira eragin handiena izan dutenak:

Bizilabe tailerrak Gabonetan.

Aurtengo Gabonetan bi tailer burutuko dira Deustuko Bizilabe zentroan: "Fenomenoak" eta "Argitu misterioa! CSI tailerra".

12-15 urteko gazteei zuzendutako tailerrak dira, lau saiotakoa bakoitza. Horietan, abenduaren 26tik 29ra, eta goizez, zientzia eta teknologia esperimentuak egingo dituzte; lehenean (9:00-11:00) fisika-esperimentuak eta bigarrenean (11:30-13:30) mikrobiologiarekin lotutakoak.

Tailer bakoitzaren informazio gehiago eta izen-ematea hemen:
https://bizilabe.elhuyar.eus/eu/bizilabe-bilbo/albisteak/bizilabe-tailerrak-gabonetan/view

Elhuyar aldizkariak diseinua eta formatua berritu ditu. Hala, lehen baino txikiagoa, garbiagoa eta erosoagoa da, irakurtzeko eta eskutan ibiltzeko atseginagoa. Edukia ere eraberritu du, neurri batean. Izan ere, betiko helburuari eusten dio: zientzia eta teknologia munduan gertatzen denaren berri ematea, era zorrotz eta entretenigarrian. Orain, baina, orri gehiago ditu, eta zientzialariek berek, pertsonek, dute lehentasuna.

Mundu global eta askotarikoan, berdintasunean sakontzeko beharra dagoen batean, bizi gara. Bereziki kezkatzen gaitu generoaren eta teknologiaren arteko etenak. Hori dela eta, azaroaren 27an, Ada Byronen heriotzaren 165. urteurrenarekin bat etorriz INSPIRA manifestua: Neskei eta emakumeei zientziaren eta teknologiaren esparruak zabaltzen aurkeztu du Deustuko Unibertsitateak.

CRIPSR/Cas9 genoma editatzeko teknikari buruzko erreportajea da saritua. Bioteknologiaren komunikazioa eta dibulgazioa saritzen du ASEBIOk, eta Telebista eta Irratia kategorian saritu du Teknopolisen erreportajea.