Teknofiloen albistegia
4

Euskarazko Wikipedia, Sareko Argia saria 2008

Erabiltzailearen aurpegia
Sustatu - Argia Sariak, Txitxardin Beltza, Lasarte-Oria
2008-01-25 : 18:01

Euskarazko Interneteko sari kuttunena, Sareko Argia, euskarazko Wikipediarentzat izan da. Oraintxe eman ditu Argia aldizkariak Argia Sariak.

Gainerako sarituak hauek izan dira:

  • Prentsa idatzian, Imanol Murua Uria Berriako kazetaria. Bloga geldi du orain Muruak, baina egoera politikoaz zein zorrotz idatzi duen blogean zein paperean, agerikoa izan da azken hilabeteotan.
  • Publizitatea. Eusko Jaurlaritzaren Euskarazko komunikabideak: behar duzuna eta askoz gehiago kanpainarentzat. Surflaria eta bere amonarena. Miren Azkarate sailburuak jaso du saria.
  • Telebistan, Mihiluze. Kike Amonarrizek eta lantalde osoak jaso dute.
  • Irratian, Arratsaldekoa saioak hartu du, eta saio honen ordutegia sari-emanaldiareki bat zetorrene, zuzenean eman dute Euskadi Irratian.
  • Merezimenduzko saria, Emilio Lopez Adan Beltzari.

Wikipediaren izenean, euskarazko editoreen artean administratzaile maila duten hiru lagunek jaso dute: Unai Fernández de Betoño, Mikel Iturbe, eta Julen Gomezek (azken honek, burokrata maila du, izatez)

Erantzunak

Sustatu
2008-01-25 : 18:39

Argiak jarri du jada sarien informazioa bere webgunean, hau da, Wikipediari dagokionez, merezimenduaren azalpena:


EUSKARAZKO WIKIPEDIA


2008ko SAREKO ARGIA saria ematea erabaki dugunean proiektu honen zenbait birtute nabarmendu ditugu. Internet mailan munduan sortu den ekintzarik garrantzitsuenetako batean parte hartuz, euskara eta Euskal Herria sendotu ditu Interneten eta aldi berean munduan puntakoa den jarduera batekiko sinergiak eragin ditu euskaraz.


Ehunka herritar ari dira parte hartzen proiektuan; seguru gehiago ugarituko direla ondoko hilabeteetan. Horregatik, ez da harritzekoa erabiltzaileen kopurua ere asko handitu izana.


Burutzen ari den lan txalogarriagatik 2008ko SAREKO ARGIA SARIA Euskarazko Wikipedian ari direnentzako da.


Iban Arantzabal
2008-01-25 : 20:51

Oso interesgarria izan da wikiperoekin (Miren Azkaratek flipatu berba erabiltzen badu wikipero ezingo ote dut erabili...), hirurokin, mahaian egotea.


Gustatu zait mikroa hartu eta Mikel Iturbek esan duena: "hauxe da wikipediagatik jaso dugun bakarra, bazkaria". Elegante geratu da gero! Izan ere, demasa da soldata barik egiten diharduten lana, eskertzekoa. Eskertzekoa administratzaileei (bost dira euskaraz lan egiten dutenak) eta baita wikilari guztiei ere.


Arduratuta ikusi ditut... nork eramango du sari fisikoa etxera? ;-) Hiru lagunok lehenengo aldiz batu dira Txintxardin Beltzan. Lehenengo aldiz egon dira fisikoki batera, eta hala ere, makina bat lan egin dute denon onerako. Lan egiteko modu hau ere sarituko zuten seguruenik Argiakoek. Merezitako saria.


Irakurleon zoritxarrerako isilegi dabilen blogari bati ere eman diote saria. Imanol Muruak papereko saria jaso du, aurkezleak esan duen moduan "paperean inprimatutako prentsa saria". Eta paperekoak blogean zuen jarraipena... Hi, noiz bueltatuko zain gaozak, e? ;-)


haritz
2008-01-27 : 17:45

Saritua suetatu den iragarkia ikusi nahi baduzue hemen aurki dezakezue.


Usoa
2008-01-28 : 11:28

Arkaitz Zubiaga 25 urteko arrasatearra da Euskarazko Wikipediaren bost administratzaileetako bat. Elkarrizketa egin diote 'Asteleheneko Goienkaria'-n eta Goiena.net webgunean jaso dute.


Erantzun

Twitter ikonoa  Facebook ikonoa  Sartu