Animabasauri 4.0, Animabasque jaialdia
Asteburu honetan hasi da Animabasauri 4.0-Animabasque , Euskadiko animazio jaialdirik garrantzitsuena. Kanada, Zeelanda Berria, Grezia, Kuba, Hegoafrika, Mexiko, Japonia edo Iran herrialdeetan ekoitzitako 100 lan inguru lehiatuko dira aurtengo edizioan, eta euskal filmak ikusteko aukera izango da.
Aurtengo Animabasauri 4.0-Animabasque jaialdian luzemetraia zein laburmetraia interesgarriak izango dira ikusgai. Gainera, atal bereziak, erakusketak, tailerrak, merkatua, ... izango ditu jaialdiak.
Proiekzioak Basauriko Social Antzokian, Ibaigane kultur etxean, Deustuko Renoir zinema aretoetan, Euskal Herriko Unibertsitatean eta Bilboko FNACen egiten ari dira.
Hiru sari nagusi banatuko dituzte: 35 milimetroko euskarrian egindako lanen kasuan, film luze onenak 6.000 euro eskuratuko ditu, eta film labur onenak, berriz, 1.000 euro. DVD euskarrian egindako film labur onenak, aldiz, 600 euroko saria jasoko du. Nazioarteko epaimahaia arduratuko da 35 milimetroko lanik onenak aukeratzeaz, eta Euskal Herriko Unibertsitateko Arte Ederretako ikasleek hautatuko dute DVD euskarriko irabazlea.
Bestalde, apirilaren 24an Animabasque Business Nazioarteko Animazio Merkatua egingo dute Bilboko Euskalduna Jauregian.
Animabasauri 4.0-Animabasque jaialdiko Herri Gonbidatua Hego Korea da aurten eta horregatik Seoul Animation Center enpresa egongo da Animabasque Businessen.
Partaidetza euskaldunari dagokionez, besteak beste Izibene Onederraren "Hezurbeltzak-Una Fosa Comun" edo gaur hasten den Karratu atalean Imanol Garaizabalen "Ardoaren Negarra" eta Kepa Uribarriren "Lorez Beterik", lanak izango dira ikusgai.
Apirilaren 25era bitartean luzatuko da Animabasauri.
Erantzunak
Dragon Hunters , Arthur Qwak eta Guillaume Ivenrel-ek zuzendutako film europarrak irabazi zuen Animabasauri 4.0- Animabasque Nazinoarteko Animazino Zinemaldiaren "Luzemetrai Onenari Epai-mahaiaren Saria".
Epaimahaiaren Sari Berezia Jan Balej txekiarrak zuzendutako "One night in a city" filmak eskuratu duu. Umore beltzezko lan honek ez dauka elkarrizketarik, eta gizakien bakardadeari buruzkoa da.
Film labur onenaren Saria, M. Bruno Collet frantziarrarentzat izan da, "Le jour de gloire" film laburrarekin.
Bestalde, Kunio Kato japoniarrak "La maison en petit cubes" pelikularekin Karratu Sailan Film Labur Onenari Epai-mahaiaren Saria irabazi du.
/cache/Udako-Ola-2024_1_small_content.jpeg)
Ikusi dut fnac-en kultura agendan (PDF)BasAuriko animazio jaialdiari izena aldatu diotela. Galdakoztar batek idatzia ematen du, ezta? ;-)