Surfrider 2008: surflariak zaborra biltzen
Mundu osoan ingurumenaren aldeko ekimenak bultzatzen ditu Surfrider Fundazioak. Kostaldean pilatutako zaborra biltzea izaten da horietako bat. Larunbatean Zumaia eta Deba arteko kosta zatian zabor biltzen aritu ziren Zumaiako eta Zarauzko 20 bat surflari.
Azkenaldian hain modan dauden Zumaia eta Deba arteko itsaslabar ikusgarrien oinetan, tonak eta tonak zabor pilatzen ditu itsasoak etenik gabe. Bazter horietaraino ez dira iristen hondartzetako garbiketa zerbitzuak.
Surfrider Fundazioak deituta, Zumaiako eta Zarauzko surflariak bildu ziren larunbat goizean kosta tarte horretan zabor bilketa sinboliko bat burutzeko. Ordubetean 50 bat zabor poltsa handi bete zituzten, plastizko botilez, batik bat. Zabor poltsak harraldetik ateratzea izan zen lan nekezena, ordea.
Ekintza honekin ingurumena zaintzea denon ardura dela adirazi nahi izan dute surflariek.
Lotura honetan dituzue larunbateko ekintzaren kronika, argazkiak eta bideo-erreportajea.
Itxasoen zikinkeriaren inguruan duela egun pare bat,erdaraz, www.alaplaya.com webgunean idatzitakoak harritu ninduen.
EEBBtako Algalita Marine Research Fundationekoak pazifiko ozeanoan , IparAmerikaren hedaduraren bikoitza duen plastikozko kutsadura zikingune baten azterketa zientifikoa egiten ari dira. Bideo sorta atera dute gai horren inguruan.