Lanetik kaleratua Internet erabiltzeagatik, euskal jurisprudentzia
Enpresa Digitala ekimen publikoak kaleratutako albiste batek gai interesgarri bat plazaratu zuen berriki. Lanean Interneten txateatzeko edo zure kontuetarako erabiltzerik ba ote? EAEko Auzitegi Nagusian bi epai izan dira gaiaren inguruan. Bi kasuetan soldatapeko langilea eta enpresa egon dira aurrez aurre, kaleratze baten legezkotasuna tarteko.
Lehen kasuan (2002koa) Auzitegi Nagusiak langileari eman zion arrazoia, nahiz eta maiz nabigatu lanarekin zerikusirik ez zeukaten webguneetan (webgune pornografikoak barne). Epaileen iritziz, kaleratze-gutunean ez ziren zehaztu perituak egindako azterketaren xehetasunak eta horrek langilea defentsa-gabezian utzi zuen.
Beste kasua 2007koa da. Kasu honetan epai batek bidezkotzat jo zuen pertsona bat kaleratzea bere ordenagailua enpresako lanarekin zerikusirik edukiekin beteta izateagatik: irudiak, programak, eta 177 txat-elkarrizketa saioren aztarnak. Kasu honetan, peritu batek aztertu zuen ordenagailua langileen eta langileen ordezkari batzuen aurrean, eta peritatze horretan oinarriturik helarazi zioten langileari kaleratze gutuna.
Erantzun
Sartu