Sustatu

Gasteizko lokal okupatu batean ezagutu zuen flamenkoa. Maletak hartu eta Andaluziara jo zuen gehiago ikasi nahian; hamar urte egin zituen bertan. Jaioterrira itzuli denean gaztetxeetan tailerrak ematen hasi da. Eta emanaldiak tabernetan, antzokietan, kalean... Sekulako sua eta joa dauzka taulatu gainean, eta pixkanaka flamenkoa ezagutarazi nahi luke inguru hauetan.

Entzute handiko zenbait zerbitzuk Espainiako operazioak hasiko dituzte aurki. Amazon dendak, hain zuzen ere, aste honetan, irailaren 15ean irekiko du bere webgunea. 1996tik Interneteko markarik ezagunenetakoa da Amazon. Askoz berriagoa da Netflix, urte gutxian AEBetan indartu ikus-entzunezkoen alokairurako sistema; baina hau ere urte amaierarako etorriko omen da.

Bi minutuko bideoan laburtu du Mondragon Korporazioak iazko bere jarduna. Krisialdi ekonomikoak gogorren jo duenean, 84.000 lanpostu mantendu dituztela nabarmendu dute, besteak beste, langileen jabetzari esker.

Testu edo hizketa batean Ordenagailuek ezin dute ulertu pertsonek ulertzen dugun mailan. Hori jakina da. Baina zerbait bai, konputagailuek hasi dira zerbait ulertzen. Informazio partzialak dira oraindik, baina esanahiaren zati bat harrapatzeko ahalmena dute. Zelan egiten da? Adibiderik? Stanford-eko Unibertsitate ospetsutik Ixa taldera bisitan datorkigun Dan Jurafsky adituak asko daki horretaz. Gaur asteartez, hilak 13, hitzaldi bat emango du Donostian.

Telefono berrienetako sistema eragileen euskaratzeaz galdera zuzendu zioten Jaurlaritzari Eusko Legebiltzarrean, eta Kultura sailburuak erantzun du. Googlek Android-ekin urratsak agindu omen ditu, baina Apple OS eta Windows Mobile sistemetan ez dago esperantza handirik.

Oraindik ez ditugu asko ezagutzen saguzarrak, eta hori arazo bat izan daiteke kontserbazioaren ikuspuntutik. Hain zuzen ere, 2011-2012 Saguzarren Nazioarteko Urtea izatearen helburuetako bat da animalia horiek ezagutzera ematea.

Asteartean, Sanmarko mankomunitateko batzar berria osatu zen. Maiatzeko udal hauteskundeen ondorengo aldaketa islatzen duen batzarra. Beñat Amenabar lehendakari berriak atzo irakurritako agiriak, itxaropenez ikusten dugun aro baten aurrean gaudela iradokitzen du.

Larunbata, irailak 10e, Donostiako Zinemaldiko programazioa eskuragarri egongo da haien webgunean. Sarrerak, berriz, igandean, 11n, jarriko dira salgai. Internetetik erostekotan, www.sansebastianfestival.com webgunetik edo Kutxa.net-etik goizeko 9:00etatik aurrera. Sarrera bakoitzeko 0,60 euroko komisioarekin, Kutxaren zerbitzua dela eta.

EMUNek antolatuta irailaren 20an, asteartea, Gasteizko Goiuri- Villasuso jauregian; egingo den Kulturartekotasuna: herria, hizkuntza eta hezkuntza jardunaldian landuko den gaietako bat da hau, beste batzuen artean: Zeintzuk dira herritarren gehiengoak immigrazioa arazo- iturri moduan ikusteko arrazoiak? Zergatik adierazten dituzte herritarrek kezka hauek? Zer esanahi dute? Ze ondorio atera dezakegu hemendik?

Game of Thrones (Tronuen jokua) telesailaren lehen denboraldia HBO kateak emititu du Estatu Batuetan eta Canal +-ek Espainiako estatuan. George R. Martinen eleberri batetan dago oinarrituta eta dinastia desberdinek tronua lortzeko dituzten borrokak dira bere argumentuaren oinarria.

Pasa den abuztuan ikusi du argia Obabakoak eleberriaren azken edizioak. Oraingoan koreeraz argitaratu da. Dagoeneko 24 hizkuntzatan irakur daiteke Atxagaren liburua.

Erreferentzia bisualak (irudiak, bideoak) gordetzeko eta partekatzeko leku bat da Pinterest. Ez zure argazki edo bideoak, baizik eta hortik aurkitzen ahal dituzun irudiak.

Sei metro pasatxo (6,4 m) eta tona bateko pisua daukan krokodiloa harrapatu dute asteburuan Filipinetan. Sekula bizirik harrapatu den krokodilorik handienetakoa, handiena ez bada. Atera metroa eta kalkulatu noraino iristen diren 6 metro horiek...

Elhuyar Fundazioak ekoizten duen zientzia eta teknologiari buruzko saio honek berrikuntza ugarirekin dator. Besteak beste, “Haurdun gaude” izeneko atala estreinatuko du, eta haurdunaldi bati jarraipena egingo dio astez aste. Saio hau, asteartearo emango da Euskadi Irratian 21:00etatik aurrera.

Irailaren 16an emango zaio hasieran aurtengo Donostiako Zinemaldiari, eta azken urteotan bezala, aurten ere Xabier Mendiguren Elizegi idazle eta editorea blogari akreditatu gisa jarduteko eskaera egina dugu. Arazorik ez baldin bada, aurten ere bere kronikak izango ditugu Sustatun.

Wikileaks-ek Cablegate multzoko kable guztiak publiko egin ditu. Duela 9 hilabete zenbait hedabiderekin apurka-apurka hasi ziren, baina gehienak ezkutuan segitzen zuten. Publiko egin berri direnetan ageri da euskal kazetari bat, Oscar Beltran de Otalora, informatzaile zuzena zela Madrilgo Enbaxadarentzat ETAri zegozkion kasuetan. Kableetan zehatz babestu beharreko iturri gisa aipatzen dute Beltran de Otalora. Eta hain zuzen ere, kazetari hau Arabako Diputatu Nagusiaren kabinete burua izendatu zuten atzo.

Debako Udaleko Euskara Batzordeak herriko agenteekin gogoeta egitea izan zuen xede joan den urtean antolatutako hitzaldi zikloarekin. Iazko jardunari jarraipena emanez, aurten ere, gizarte bizitzaren inguruko gaiak jorratu nahi ditugu, musikara ekarriz gogoeta horiek. Irailaren 8an, Ken Zazpi-ko Eñaut Elorrieta eta Mondragon Unibertsitateko Iñaki Urruzola. 16an, hainbat proiektutan ibilitako Josu Zabala; eta 23an Josu Larrinaga soziologoa.

Askok gogoan daukagu OTANek Irak edota Afganistanen inbasioak burutu zituenean Mendebaleko komunikabideek ezkutatzen edo manipulatzen zituzten informazioak Al Jazeera zela argitaratzen eta argitzen zituena. Eta berdin Israelek palestinarrekin egiten dituen sarraskiekin. Haiek ziren mundu mailako erreferentea. Orain, harrituta, ikusi dugu Al Jazeera izan dela OTANen eraso zuritzeko manipulazio eta gezurren iturririk nagusiena.

Atzo, abuztuak 31, Cesar Ugartek Ondarroako portutik milia eta erdira ateratako argazkia.

Argazkiak.org | Balea Ondarroan

Durangon ikusi nuen filma, “Arriya”-n agertzen den autobusa baino dezente zaharragoa den aretoan, pantaila handi-handian eta butaka erosoetan. Azkenengoz “munduaren bira, doan!” ikusten egon nintzen areto berean. Gehiagotan gozatu beharko genukeen aretoan... Amaieran gustura atera nintzen, pozik, film polita ikusi izana komentatuz lagunekin. Laurok geunden ados O’Connor’s-en. Merezi du eta gomendatzekoa da.