Teknologia albisteak
Game of Thrones telesaila euskaraz
http://www.jatorrizkobertsioa.com
2011-09-08 : 10:09
Game of Thrones (Tronuen jokua) telesailaren lehen denboraldia HBO kateak emititu du Estatu Batuetan eta Canal +-ek Espainiako estatuan. George R. Martinen eleberri batetan dago oinarrituta eta dinastia desberdinek tronua lortzeko dituzten borrokak dira bere argumentuaren oinarria.
Game of thrones telesailaren lehen denboraldiko azpitituluak euskaraz ikusi nahi badituzu, badauzkazu jadanik Jatorrizko bertsioa webgunean. Lehen denboraldia hamar kapituluk osatzen dute:
- Badator negua
- Errege Bidea
- Lord Elurra
- Elbarriak, sasikumeak eta apurtutako gauzak
- Otsoa eta lehoia
- Urrezko koroa
- Irabazi edo hil
- Punta zorrozdun bukaera
- Baelor
- Sua eta odola
Laster telesail gehiago euskaraz. Aprobetxatu!!!
Erantzunak
Luistxo
2011-09-19 : 14:29
Bart eman zituzten AEBetako telebistaren sarietan, Emmy bat lortu zuen telesail honek. Bi lortu ditu, ordea, mini-telesail batek, Mildred Pierce, zeina osorik dagoen euskaratua.
Duela urte pare bat jarri nuen martxan Azpitituluak Euskaraz eta benetan pozten naiz beste ekimen bat ere kalean ikusita orain.
Erdaraz ere azpitituluen webgune bat baino gehiago dago, eta fitxategiek zirkulatzen dute batetik bestera, eta baita nazioarteko biltegietara. Euskaraz ere, toki batean baino gehiagotan badaude azpitituluak, hobeto, errazago gauzak aurkitzeko eta partekatzeko.
Azpitituluak.com-en ez da telesail askoren materialik agertu, gehiago filmak, eta hortaz JatorrizkoBertsioa.com-en telesailetan egiten bada lan, hainbat hobe!
Game of Thrones sail oso gisa ez dago gaizki hasteko; Boardwalk Empire ere gomendatu didate, eta ikusi dut badagoela lehen atala. Gehiagoren zain, irrikitan, ongi etorri JatorrizkoBertsioa.com