Norteko Ferrokarrilla irratsaioaren denboraldi berria gaur hasiko da

Elhuyar Fundazioak Euskadi Irratiarentzat ekoizten duen Norteko Ferrokarrilla irratsaioak bihar ekingo dio denboraldi berriari. Hamaseigarren denboraldia hasiko da gaur, eta saioa Guillermo Roa kimikariak gidatuko du, Elhuyar Zientziaren Komunikazioa saileko kideen babesarekin. Asteartero emango dute, 21:00etan (igandeetan, 22:00etan, errepikapena emango dute), ordubetez. Denboraldi berriaren nobedadeen artean, azpimarratu beharra dago "Haurdun gaude" izeneko atala izango duela saioak, haurdunaldi bati astez asteko jarraipena egingo dion atala. Beste bi atal berri ere izango ditu Norteko Ferrokarrillak: bata geologiari buruzkoa, eta bestea matematikari buruzkoa, Euskal Herriko Unibertsitateko adituekin egingo dena. Iraupenari dagokionez, ordu-erdi irautetik ordubete irautera pasatuko da programa. Azkenik, Norteko Ferrokarrilla Facebook-en ere estreinatuko da, uhinetatik sare sozialetara saltoa emanez.

Norteko Ferrokarrillaren biharko saioaren gai nagusia saguzarrei buruzkoa izango da, Joxerra Aihartza biologoaren laguntzarekin landutakoa. Izan ere, 2011-2012 Saguzarren nazioarteko urtea izendatu dute.