Luistxo Fernandez

Euskaldunon Egunkariaren 25. urteurrenarekin, duela egun batzuk, egunkari hartan eta Berrian lan egindako hainbat lagun elkartu ginen lehengoan Durangon. Memoria une nostalgikoz bustitzen zaizu horrelakoetan, oroitzen zara gauza on eta kaskarragoekin, eta anekdotekin ere. Eta oroitzapen horietan etorri zait gogora, Egunkariari esker, beste urteurren pertsonal bat daukadala nik ospatzeko: 20 urte Interneten.

Alternatiben Herria jardunaldiko puntu interesgarrienetako bat izan zen "Herrialdeei begirada bat, burujabetza sozialerantz" izenekoa, non atzerriko gonbidatuek (Eskoziatik Cat Boyd, eta Kataluniatik David Fernandez CUP-ekoak) hitz egin zuten Mario Zubiaga euskaldunarekin batera; kronika Mugikaria aplikazioan atera nuen duela bi egun, baina atzo Junts eta CUP taldeek adierazpen zuzen-zuzena kaleratu ondoren, hona ekartzea ere pentsatu dut.

Ekitaldi sorta bati ekin zioten Bilbon duela egun batzuk, eta hilabetero berriztu nahi dute esperientzia antolatzaileek. Social Afterworks hauek La Salve garagardo markak eta Alianzo Internet enpresak sortu dituzte, eta lehenbizikoaren gonbidatua José A. Pérez izan zen, gidoilari, blogari eta komunikatzaile bilbotarra. Hitzaldi horren kronika Mugikarian agertu zen lehenbizi eta orain hemen duzue.

Duela 5 urte artikulu bat idatzi nuen Katalunia eta Euskal Herria parekatuz, "Aukeraren Leihoa". Ez dut uste kritika eta publikoaren aldetik berebiziko arrakasta izan zenik, baina orduan esandako gauza batzuen aktualitatean sinesten jarraitzen dut. Bereziki, bi gauzatan:

• Euskal Herrian independentzia gauzatzeko aukera praktiko bakarra da Kataluniak Espainia apurtzen badu. Orduan ospa, edo katalanik gabeko Espainia askoz zatarragoan geratu, horixe izango da aukera.
• Euskal Herrian independentzia gauzatzeko, ezinbestekoa da partizioa onartzea. Partizio bat edo beste, gutxienez. Bada garaia Euskal Estatu BAT (edo bi) lehentasun bihurtzeko, Zazpiak Bat dogma ezinezkoaren gainetik.

Maslowren diagrama edo piramidea da psikologo batek egindako eskema bat, adierazten duena zein den gizakien behar psikologikoen piramidean. Teknologia mugikorren agerpenarekin, batzuek txantxa egin dute irudiarekin, baina pittin bat pentsatuz gero, ohartuko zarete ez dela hain burugabea wifia eta bateria premia funtsezkotzat tratatzea.

Enpresarean Foroan, uztailean Irunen egin zen topaketa baten kronika, lehenik Mugikarian agertu zena, orain hemen. David Sánchez Bote izan dugu hizlaria, MIK ikerketa-zentroko zuzendari nagusia.

EHUko Uda Ikastaroetako Berrikuntza Politikoa mintegian izan nintzen duela egun batzuk Donostiako Miramar Jauregian, eta bertako kronika batzuk Mugikaria aplikazioan argitaratu nituen. Gerora irekian utzi ditut horietako bi Sustatun, Eduardo Madinak ustez federalismoaz esan zuenaz bata, eta bestea Xabier Barandiaranek independentziaren ezinaz esandakoa komentatuz. Honako hau berriz, Etzi.pm-n ere agertu da.