adm.euskaraz.taldea

Bukatu da Ogasuneko kudeatzaile izateko oposizioa; orain ingelesak erabakiko du nor gelditzen eta joaten den. 30 lagun inguruk salatu dute euskararen bazterketa oposizoetan, ingelesaren froga egiten zen tokian. AETek eta LABek deitua zen elkarretaratzea.

Hiritar baten eskaerari isiltasun administratiboa eman ondoren, Nafarroako Administrazio Auzitegiak erabaki beharko du ea euskaraz argitaratzeko modukoak diren.

Iruñeko Udalak administrazio aferetarako Auzitegira jo du Ebazpenaren aurka. Dagoeneko 228/14 prozedura arrunta abian dago. Toponimoa da izen hori, bere ustez.

Nafarroako Administrazio Auzitegiak adierazi du hori ez dela Erdi Aroko toponimo bat, baizik eta Emakumeen aurkako indarkeriaren kontrako Nazioarteko Eguna, Nazio Batuen Batzar Nagusiak 1999ko abenduaren 17an ezarria eta guztiz itzulgarria planetako hizkuntza guztietara. “25 de noviembre” gaztelania ez bada, hala dirudi, Nafarroako Administrazio Auzitegiaren arabera.

Nafarroako Administrazio Auzitegiak 2014ko abuztuaren 1ean erabakita: Liburutegi horretako errotulu, plaka eta kartelak ele bitan (euskaraz eta gaztelaniaz) jartzeko agindu dio Iruñeko Udalari (20 baino gehiago dira).

Administrazioan Euskaraz Taldeak elkarretaratzea egin du gaur goizean Nafarroako Unibertsitate Publikoan. EHEko, EILASeko eta LABeko kideak ere agertu dira, 20 lagun biltzeraino.

Udan Iruñeko euskaldunok oporretara joaten gara, Iruñetik kanpora. Beraz, hiria utzi dugunez, ez da beharrezkoa udako kultur programazioan euskaraz zerbait antolatzea. Horixe pentsatzen du Iruñeko Udalak, bere praktikan horrela islatzen baita.

Uztailaren 23an eta abuztuaren 5ean Cintruénigo eta Viana inguruetako euskaltzaleak eta Administrazioan Euskaraz taldeko kideak bildu ginen Nafarroako mugetan, ongietorria emateko dauden kartelak salatzeko.

Lan asko San Ferminetarako. Antza denez, gehiegi, lan hori behar bezala egiteko. Kartel guzti-guztietan urratu du Euskararen Ordenantzaren arau berria.

PSN-PSOEk bere izaera erakutsi du: UPN eta “Diario de Navarra”-ren aurrean menpekotasun psikologiko erabatekoa.

Administrazioan Euskaraz Taldeak bultzatutako ekintzaren bidez (pankarta baten erakusketa), Donostiako Atano III frontoian, pilotako buruz buruko finalean, Nafarroan ETBren egoera salatu dugu.

Igande honetan Nafarroako etxe askotan ezin izanen da buruz buruko finala ikusi, eta hala izanen da Nafarroako Gobernuak ahal duen guzia egiten duelako Nafarroan ETB ez dadin LTD bidez ikusi.

Administrazioan Euskaraz Taldeak elkarretaratze honen bidez agerian utzi nahi izan du Nafarroan euskarazko hedabide publikoak hartu ahal izatea oraindik konpondu gabeko afera dela eta irtenbidea behar duela.

Euskarazko hedabide publikoak Nafarroan ikusi ahal izateko, Administrazioan Euskaraz Taldeak elkarretaratze baterako deia egiten du:  Elkarretaratzea ekainaren 14an izanen da, larunbatarekin, eguerdiko ordu batean, Iruñeko Udal plazan.

Administrazioan Euskaraz taldeak deia egiten du 2014ko martxoaren 22ko manifestaziora joateko.

Ez soilik Nafarroako Gobernu honen erorketa laguntzeko (ez baitugu uste Gobernu honekin hizkuntz politika aldatzea posible denik), baita balizko Gobernu berriaren hizkuntz politika baldintzatzeko ere. Ez dugu ezer irabaziko, hurrengo Gobernuak hizkuntz politika berria egiteko beharraren kontzientzia ez badu.

https://www.facebook.com/index.php?lh=Ac_twU2566cxEPE9#!/photo.php?fbid=530426213740933&set=a.528470447269843.1073741826.100003206769221&type=1&stream_ref=10

Administrazioan Euskaraz taldeak Zizurko Udalak Euskararen Ordenantzan sartutako aldaketa baloratu nahi du. Zizur Nagusiko Udalak Euskararen Ordenantzan Eranskina sartu zuen, bertan lanpostuen hizkuntz eskakizunak zehazteko. 2014ko otsailaren 5ean argitaratu zuen Nafarroako Aldizkari Ofizialean. Oro har, filosofia herabea erakutsi zuen jende euskaldunarekiko.

Metautengo Udaleko Euskararen Ordenantza ez da ausarta izateagatik historiara pasatuko, baina bai eremu “ez euskaldun”-eko lehenengoa izateagatik. Bidea ireki du eta espero dezagun eremu horretan Ordenantza gero eta hobeak onartuak izatea.

Noain aldeko Oinarrizko Gizarte Zerbitzuen Mankomunitatea ez da oraindik konturatu Galar Zendea dagoeneko eremu mistoan dagoela. Gure taldeak, deialdi hau salatzearekin batera, Noain aldeko Oinarrizko Gizarte Zerbitzuen Mankomunitateari publikoki gogoratu nahi dio Galar Zendeako egoera juridiko berria onartu behar duela eta horren aurrean behar diren neurriak hartu behar dituela.