Mugikorren industriaren eta teknologiaren inguruko kongresurik handiena da Bartzelonan urtero antolatzen dena, Mobile World Congress delakoa. Datorren astean izango daotsailaren 26tik martxoaren 1era, mundu osoko adituen parte-hartzearekin.

2015ko irailean munduko liderrak Nazio Batuetako Batzar Nagusian bilduta Garapen Iraunkorrerako 2030 Agenda onartu zuten. Agenda horren garrantzia eta norainokoa aurrekaririk gabekoa da. Nazio Batuen Gutunaren printzipioetatik abiatuz, bakea, elkarrizketa eta nazioarteko lankidetzan oinarritutako agenda ekintza plan eraldatzaile eta ausarta da pertsonetan, planetan, oparotasunean, bakean eta itunetan zentratuta dagoena.

Spotifyk azken orduetan egindako lan-deialdi batek sortu du zurrumurrua. Hardware produktu baten garapena gidatzeko arduradun baten bila omen dabil Spotify, eta berehala sortu da susmoa, ea Spotify bera ere bozgorailu adimendunen bat garatu nahian ari ote den, orain arte Apple, Amazon eta Google ari diren moduan. 

Gesmae informática-ren beste aplikazio bat, euskara ikasteko baliabideak eskaintzen dituena. Oraingo honek lokailuak, juntagailuak eta antolatzaileak lantzeko teoria eta ariketak biltzen ditu. iOS, Android edo beste gailu eta ordenagailuentzako prest.

Lehen urratsak besterik ez dira, baina emaitzak ez omen dira horren txarrak. Algoritmo bat ari dira garatzen Wikipediako artikuluak idatzi ditzan bere kabuz. Adimen Artifizialaren beste adibide bat.

Haitzulo batean zaude, eta ez dakizu nola heldu zaren horra, ezta hortik inoiz irten ahal izango zaren ere. Zure arma bakarra… Telegram? Bai, Harrapatuta elkarrizketa-abentura da, 80ko hamarkadako abenturen estilo hutsean, baina txatbot baten bidez ezarria.

Email bat jasotzean, Interneteko edukiren baten esteka bidaltzen badigute, klik egin eta "sarera" joaten gara informazio hori ikustera. Googlek adierazi duenez, hemendik aurrera, Gmail-en ez da derrigorrezkoa izango jauzi hori: mezuan bertan erakutsiko dizkigute sareko edukiak, posta elektronikotik irten beharrik gabe. Horretarako, AMP teknologia (Accelerated Mobile Pages) erabiliko dute. Kode irekikoa izanik, gutxinaka beste email-zerbitzu batzuetara ere hedatuko dela pentsa liteke.

Duela gutxi aurkeztu genizuen Irudikon aplikazioa, arreta-defizitari lotutako arazoak dituzten umeei laguntzeko joko bat. Gaur, berriz,Behatzen dakarkizuegu. Aplikazio honek antzeko helburua du, kontzentrazioa lantzearena, eta hiru joko ditu aipatu esparrua lantzeko. Azken hori ere Android zein iOS gailuetan instalatu daiteke.

Sarri aipatu izan ditugu Sustatun ibilgailu autonomoak. Datozen urteotako erronka teknologiko handienetakoa da, epe ertainera gure hirien izaera eta baita gure eguneroko bizimodua ere, goitik behera eraldatu ditzakeena. Lehia horretan Uber eta Waymo izan dira orain arte punta-puntan aritu direnak; hemendik aurrera Didi txinatarra ere gehitu beharko zaie: dagoeneko trafiko errealarekin probak egiten hasia da Shangain. 

Facebookek eraso eta jazarpenei aurre egiteko funtzio berriak jarri ditu martxan, komunitate seguruago bat osatzeko asmotan. Posible izango da interesatzen ez zazkizun edo ezagutzen ez dituzun kontaktuekin harremanik ez izatea. Neurri hauek hartzeko, kontuan izan ditu komunitatearen eta zenbait erakunderen iruzkinak; hala nola, sareetan jazarpenak jasatzen dituzten kolektiboen ordezkariak direnak, emakume eta kazetarienak, esaterako.

Ikerketek erakutsi dute gizakiak gauza direla bereizteko homosexualak eta heterosexualak, itxuran soilik oinarrituta. Baina sekula ez da izan gaydar aparailurik hori egingo duenik, alegia, radar bat homosexualak antzemateko. Orain arte. Stanford Unibertsitateko ikertzaileek jakinarazi dute algoritmo bat sortu dutela, bereizteko pertsona gay eta heterosexualak, argazkiak erabilita. Dena aurpegi-ezagutzaren teknologian oinarrituta.

Unicode Kontsortzioak dagoeneko aurreratu du zeintzuk izango diren 2018an argitaratuko dituen emotikono estandar berriak (nazioartean onartuak eta gailu guztietan ikusteko modukoak). 157 izango dira aurten plazaratuko direnak (Emoji 11.0 bertsioa), eta guztira 2.823 emoji daude onartuta. Aurtengo berrikuntzen artean daude, besteak beste, ilegorriak, superheroiak, xakea, kangurua, erratza,... eta beste mordoa. Uda partean hasiko omen dira gure gailuetan eta aplikazioetan azaltzen (Whatsappean, Twitterren eta abar).