Sustatu

EIZIEk Literatura Unibertsala bildumarako itzulpen lehiaketaren deialdia zabaldu du. Aurten, 34 idazleren obra zerrenda bat hautatu du.

Proposamenak aurkezteko epea ekainaren 9an amaituko da.

Gipuzkoako Diputazioaren Berrikuntza Departamentuak aurkeztu du Informazio Gizartearen Egoera - E-Gipuzkoa izeneko lanaren lehenengo zatia. Gipuzkoako herritarrek Interneten duten parte hartzea aztertu dute. Horren arabera, 203.000 internauta zeuden Gipuzkoan 2004an.

Haaretz egunkari israeldarrak dioenez, Naomi Sheverren "Jerusalem of Gold" abesti nazionalista israeldarra euskal doinu batean oinarritzen da. Hala aitortu zuen Naomi Sheverrek hilzorian zegoela.

Autobiografia eta saiakeratik hurbil dauden obrak argitaratu ondoren, fikziora itzuli da Xabier Mendiguren Elizegi (Beasain, 1964) Bihotz Gosetien kluba liburuarekin. Gogoa zuela aitortu digu. Bost narrazio labur eta luzeagoak bildu ditu maitasunaren nahi eta ezinaren gaiaren inguruan. Umorez zipriztindutako istorioak dira, autorearen begi-keinu batekin irakurlearen konplizitatea pizten dutenak.

Interneteko orrialde bakoitzerako edo zerbitzu bakoitzerako pasahitzak asmatzeaz kokoteraino eginda baldin bazaude, pasahitzak asmatzen dituen orrialde hau ondo etorriko zaizu: Password Generator.

Google, Yahoo, MSN Search edo Ask.com? Zein da lauren artean onena? Zalantza argitzeko ikerketarako bilatzaile bat asmatu du enpresa batek: RustySearch. Lau bilatzaileetan batera egiten du bilaketa eta erabiltzaileak emaitza bakoitzari puntuazioa jartzeko aukera dauka.

2005ean garai berri bati eman diogu hasiera Elhuyarren: Usurbilgo Osinalde industrialdean eraikin bat erosi eta guztiz eraberritu dugu. Eraikin berria maiatzaren 6an inauguratuko dugu.

Aurten ere Webby sarietako protagonistetako bat izan da BBC. Kategoria askotan zegoen izendatuta, baina bitan izan da irabazle: albistegiak eta musika kategorietan. BBCrekin batera, sarituak izan dira Skype, Boing Boing eta Google, besteak beste.

Orain arte, Xuxen ordenagailuetan instalatu behar zen erabili ahal izateko. Euskarazko zuzentzaile ortografikoa on-line kontsulta daiteke orain.

Frantzia, Alemania, Espainia, Italia, Hungaria eta Poloniak eskatu diote Europar Batasuneko presidenteari liburutegi digitala sortzea. Otsailean Frantziako Liburutegi Nazionaleko presidentea haserre zegoen Googlek liburutegi eta unibertsitate batzuetako liburuak digitalizatuko dituelako. Zalantzarik gabe, Googlen aurkako ekimena da hau.

Nazio Batuek babestutako ikerlan kementsu eta berriari buruzko kazeta kronikak ilun eta goibelak izan dira noski, baina berri txarren olde azpian itxaropen mezu bat datza.

Kontseiluak Euskal Tonbola antolatu du, euskara bultzatzeko proiektu berriak abian jartzeko baliabideak lortzeko helburuarekin. "Euskal Tonbola herriz herri joango da euskararen konpromisoa zabaltzen", azaldu du Kontseiluko Idazkari Nagusiak, Xabier Mendigurenek.

Edorta Jimenezek Robert Capa biografia idatzi du, prentsako argazkilaritza modernoaren aitatzat jotzen denaren bizitza kontatuz; hark Euskal Herriaren alde egindakoarekiko esker onez idatzi duela dio egileak, eta Caparen bizizaletasuna egin zaiola bereziki erakargarri. Paris eta Renon material bila ibili eta gero, auzolanaren emaitzatzat jotzen du bere obra. Hona, Jimenezen hitzak.

Beste irrati askok beharko luketen zerbitzu bat ematen du aspaldidanik EITB Irratiak: uneoro entzuten ari garen abestiaren izena.

Donostiako Loiola auzoko Jai Batzordeak logoa behar du bere irudia zabaltzeko. Batzorde honek urtero auzoko jai nagusiak diren San Inazioak antolatzen ditu eta logoa lortzeko lehiaketa bat jarri du abian.

Firefox-en luzapena da Adblock. Webgune askotan dauden pop-up gogaikarriak blokeatzeaz gain, bannerrak eta Googlen AdSense publizitatea ere blokeatzen ditu.

Espainiako Gobernuak Pirateriaren aurkako Plana jarri du martxan. Musikaren industriaren eskaerei, egile eskubideak kudeatzen dituzten erakundeei eta pirateria gelditu nahi duten artista batzuen eskaerei erantzun nahi die plan horrek. Jabetza intelektuala errespetatzeko gizartearen kontzientziazioa lortu nahi du gobernuak.

Hemezortzi urte pasa dira lehenengo liburukia argitaratu zenetik eta dendetan da Orotariko Euskal Hiztegiaren azkeneko liburukia, Ut-Zuz edukia duena. Guztira 16 liburukik osatzen dute hiztegia, 125.987 sarrera eta 14.028 orrialderekin.

Batekmila programaren barruan berritu dute EKEren webgunea. Euskal kulturaren eta euskararen inguruko ekitaldien berri izango duzue webgunean. Euskal artistei eta kultura elkarteei esker eguneratzen da. Webgunea lau hizkuntzatan egin dute: euskaraz, frantsesez, gaztelaniaz eta ingelesez.

Urte bukaerarako izango da martxan .eu domeinua, hala jakinarazi du EURid erakundeak, Europako webguneen domeinuak gestionatzen dituenak. Erakunde publikoek izango dute lehentasuna .eu domeinuarekin erregistratzeko.