Teknologia albisteak

Giza balioen txatarra

xme - Paperjalearen dieta

2005-09-20 : 17:09

Bohdan Slama zuzendari txekiarraren "Stesti" (Zorionaren antzeko zerbait) izan da astearteko bigarren filma, egungo hiri industrial bateko pertsonaien istorio gurutzatuekin hasi, baina kostunbrismoa gainditu eta gai sakonagoetara jauzi egiten duena.

Txikia nintzenean UHFn tarteka botatzen zituzten Europa Ekialdeko film haiekin gogoratu naiz: egiazko jendea eta problemak, Amerikako txiklearen aldean hain nabarmena egiten zitzaiguna eta Kieslowski batek goren mailara eraman zuena. Hau ez da Altzairuzko Hesiaz bestaldeko istorioa ordea: Txekia Europar Batasuneko kidea da gaur egun, gure auzoa, eta, berezitasunak berezitasun, antzeko arazoak dauzkana.

Monikaren mutil-laguna Amerikara doa, etorkizun oparoago baten bila; Tomik gazte alternatibo bat dugu, Monika isilka maite duena; Dasha ama gazte bat da, bere maitaleak jaramonik egin ez eta erotzen ari dena. Horiek eta auzo bereko beste hainbat lagunen bizitzak korapilatuz doaz filmean.

Espresuki aipatzen ez badira ere, zeharka ikusten ditugu egungo Txekia kapitalista berrira egokitu ez direnak: agure moxkortzioak, punki gazteak... Zentral nuklear baten ondoko hiri horretako hondakin eta puskailen antzeko zaharkinak dirudite, baina aldi berean sumatzen da inbididualismoaren kulturaz kanpoko bizimodu bat bilatzeko ahalegina.

Hain zuzen, filmaren berezitasu nabariena litzateke, modu sotilean, eskuzabaltasuna eta sakrifizioa, maitasuna eta errukia bezalako gaiak planteatzea, batere ideologikoa edo demagogikoa izan gabe. Drama tristearen atarian dabil oro har pelikula, baina Slama zuzendari gazteak asmatu du amaiera arroxari muzin eginez esperantzari leiho-tarte bat uzten.

Erantzunak

dnz

2005-09-25 : 12:39

Slamaren Stesti filmak Urrezko Mazkorra irabazi du eta filmeko Ana Geislerová aktoreak Zilarrezko Mazkor bat.

Merezitako sariak?

Edizioko Palamaresa

Aurtengo edizioko Palmaresan Sarituen zerrenda luzea

ONENAREN URREZKO MASKORRA STESTI (SOMETHING LIKE HAPPINESS) Bohdan Sláma (Txekiar Errepublika-Alemania)

EPAIMAHAIAREN SARI BEREZIA ILUMINADOS POR EL FUEGO Tristán Bauer (Argentina)

ZUZENDARI ONENAREN ZILARREZKO MASKORRA Zhang Yang XIANG RI KUI (SUNFLOWER) (Txina)

EMAKUMEZKO AKTORE ONENAREN ZILARREZKO MASKORRA Ana Geislerová STESTI (SOMETHING LIKE HAPPINESS) (Txekiar Errepublika-Alemania)

AKTORE ONENAREN ZILARREZKO MASKORRA Juan José Ballesta
7 VÍRGENES (Espainia)

EPAIMAHAIAREN ARGAZKILARITZA ONENAREN SARIAJong Lin XIANG RI KUI (SUNFLOWER) (tXINA)

EPAIMAHAIAREN GIDOI ONENAREN SARIA Wolfgang Kohlhaase SOMMER VORM BALKON (SUMMER IN BERLIN) (Alemania)

Eta Sail ofizialetik kanpo:

ALTADIS-ZUZENDARI BERRIAK SARIA ODGROBADOGROBA (GRAVEHOPPING), Jan Cvitkovic (Eslovenia) eta AIPAMEN bat ematea erabaki da:
EL TAXISTA FUL Jo Sol (Espainia)

ONENAREN MONTBLANC SARIAREN KANG YI-KWAN SA-KWA filmaren gidoiagatik (Hego Korea)

HORIZONTES SARIA TORO NEGRO Carlos Armella eta Pedro González-Rubio (Mexiko). Aipamen bereziak ematea erabaki da
MONOBLOC Luis Ortega eta
HOW THE GARCIA GIRLS SPENT THEIR SUMMER