Amazoneko buru Jeff Bezosek publiko egin ditu bart, aurrenekoz, Amazon Prime zerbitzuaren zenbait datu. Besteak beste, harpidedun kopurua 100 milioiko mugara iritsi dela 2017an, eta hazten jarraitzen duela. 

Euskal Wikilariok Udaberriko Topaketa & Tailerrean elkartuko gara datorren ostiralean, hilak 20, Donostian. Urteko batzarrean Euskal Wikilarien Kultur Elkarteak (EWKE) erabaki zuen bi edo hiru hilean behin edizio edo ikasketa topaketak antolatzea, euskarazko wikipedia hornitzen laguntzeko, hasiberri zein beteranoagoentzat, eta hauxe dugu lehen aukera.

Munduko sare sozialik ezagunena da Twitter, eta bere inguruan hiztegi txikitxo bat joan gara osatzen, besteak beste, "tweet" hitza (izena zein aditza); tuit bat (txio bat) idaztea, alegia. Hizkuntza gehienetan ingelesezko hiztegia mailegatu dute zuzenean, baina badira hitz hori itzuli edo berera ekarri duten hizkuntzak ere. Esate baterako, euskara, katalana eta frantsesa. FocFollet-en txio honek eman digu artikulu honetarako bidea.

Informatikari Euskaldunen XI. Bilkura izango da datorren maiatzaren 17an, osteguna, Donostian. Aurtengo gaia Burujabetza teknologikoa izango da eta dagoeneko ireki dute izena emateko epea. Doakoa da baina izena eman behar da. 

Berehalakoak, azkarrak, adimentsuak..., txatbot-ak geratzeko heldu dira eta egunero erabiltzaile gehiagok, online bidez, interakzionatzen dute hauekin eskariak egiteko, marka bati buruzko zalantzak argitzeko edo etxeko eginbeharrak programatzeko.

JOKOTEKNIA, Bilbon lehen aldiz euskara hutsean egingo den bideojokoei buruzko jardunaldia da. Jardunaldi honen helburua, bertako industriaren eta jokozaleen diagnostiko bat egiteaz gain, hemengo bideojoko garatzaile eta jokalarien joerak ikusi, hausnartu eta elkar ezagutzea izango da.

Gaztezulok 2018. urteko bideo-lehiaketarako epea ireki du. Istorioak irudi bidez kontatzea gustuko baduzu, nagiak askatu eta hasi errodatzen!

2016ko urria historikoa izan zen Interneten ibilbide laburrean: hilabete hartan, lehenengoz, mundu mailan, web orrialde gehiago ikusi ziren mugikorretatik ordenagailuetatik baino. 2018ko apiril honetan ere albiste garrantzitsua daukagu: Googlek erabaki du webguneen bertsio mugikorra bakarrik erabiliko duela hemendik aurrera webguneak indexatzeko eta posizionatzeko. Future is mobile esaten genuen duela urte batzuk. Tira, etorkizunean gaude jada.

Euskal Wikilarien Elkarteak bere azken proiektua aurkeztu du, Txikipedia. Euskarazko Wikipediaren barruko egitasmoa, 8-13 urte bitarteko umeentzako euskarazko entziklopedia txiki eta askea da Txikipedia. Hemendik aurrera, ikasle eta irakasleen parte-hartzea izatea espero da, bai egitasmoa hedatzeko zein edukia gehitzen joateko.

Sarri entzungo zenuten "6 graduko tartearen teoriarena". Hau da, gure planetako edozein 2 pertsona lotu daitezkeela, asko jota, elkarren artean ezagun diren beste 5 pertsonaren arteko erlazioaren bidez. Six Degrees of Wikipedia webguneak hori berori egiten du, baina Wikipediako elementuekin. Eta berriro ere frogatu da 6 graduko lotura hori egia dela. Wikipediako edozein 2 pertsona lotuta daudela, asko jota, Wikipediako 5-6 artikuluko estekak erabiliz. Mundua txikia da gero!

Diseinu-programa bat da FreeCAD, librea eta doakoa. Duela 2 urte argitaratu zen azken bertsioa, eta orain 0.17 bertsioa argitaratu dute, aldaketa eta hobekuntza mordoarekin. Besteak beste, 6.800 errebisio egin dira. FreeCAD 0.17 euskaraz ere badator hasiera-hasieratik. Open CASCADEn dago oinarrituta eta C++ eta Python lenguaietan programatuta dago.

Goiena nahieran aplikazioa martxan da, eta Goiena Komunikazio Taldeak ekoiztutako ikus-entzunezkoak egongo dira bertan eskuragarri. Eskuko telefonoetarako eta tableten pantailetarako pentsatuta dago Goiena nahieran. Aplikazioa jaitsi egin behar da eta doakoa da.

Gezurrak bizitza laburra ei du, baina tira, guztiok dakigu zein erraz zabaltzen diren gure herriko txutxumutxuak lagun eta ezagunen artean. Bada, sarean ere antzeko zerbait gertatzen dela erakutsi du orain gutxi Science aldizkarian argitaratu duten ikerketa batean. Twitterreko datuak erabiliz, ondorioztatu dute gezurretako albisteak, fake newsak, benetakoak baino bizkorrago hedatzen direla. Arinago eta urrunago. Albiste bat gezurrezkoa bada, benetako bat baino %70 aldiz errazago zabalduko da Twitterren.