Udaberriko Fedifesta, euskal fedibertsoa ulertzeko eta saretzeko topaketa ludikoa antolatu dute, Errenteriako Torrekua zentroan izango da, apirilaren 3an, osteguneraekin 17:00ak eta 19:00ak artean.

APPLAI 2025 izeneko kongresua antolatu dute maiatzerako. Adimen Artifizial Aplikatuaren arloan EAEn egiten den erreferentziazko kongresu gisa definitu dute antolatzaileek, eta bigarren edizioa du aurten.  Sektoreko adituak, enpresak eta zaleak bilduko ditu, IAko azken aurrerapenak, arrakasta-kasuak eta joerak partekatzeko. Aukera paregabea izango da Adimen Artifiziala hainbat industria nola eraldatzen ari den ikasteko, konektatzeko eta deskubritzeko.

Bihar larunbata martxoak 29 eguzki eklipse partziala izango dugu Euskal Herrian. Eguzkian ikusiko duguna "hozkada "moduko bat izanfo da eguzkibediaren goikaldean, Ilargia tartekatuko delako itzala.

Twitchen eta Segura Irratian atzo goizean egindako zuzenekoan, komentatu genuen Sustatu egiten duen CodeSyntax enpresak atzo bete zuela urteurren biribil bat: 25 urte, eta ondorioz, datorren urtean, 25 urte baita Sustaturenak. Baina albiste teknologikoak ematea da kontua, eta astean Tagzania martxan jarri izana izan da albiste, hura doiketetarako ixteko erabakiarekin bi egunen buruan. Itzuliko delakoan Tagzania... pantaila-irudien bidez azaldu dugu behintzat nola dabilen joko geografikoa.

Gaur, martxoaren 27a, egun berezia da CodeSyntaxentzat: 25 urte igaro dira enpresa sortu zenetik. Harrezkero, beti ere hizkuntza aniztasuna ardatz teknologiko hartuta, software librearekin, eta euskarari lehentasuna emanez lan egin dugu. Horren adibide, Sustatu, 2001. urtean sortu genuen albistegi hau (beraz, Sustatuk datorren urtean beteko ditu 25 urte!).

Azken aldian, asteburuetan, Internet ez dabil ondo. Hasieran, zaila zen webguneei ezarritako blokeoen zergatia ulertzea; orain, badakigu Espainiako La Ligak agindu zituela, futbola modu ilegalean emititzea saihesteko. La Ligaren blokeoak euskal domeinuei eragiten dien kaltea neurtzeko, gaurdanik zenbait .EUS domeinuren irisgarritasuna monitorizatuko du Puntueus-ek, hurrengo urrats posibleetan laguntzeko.

EIZIEk, Iruñeko Udalarekin lankidetzan eta Txalaparta argitaletxearen laguntzaz, MINABERRI itzulpen-bekaren II. deialdia antolatu du, mentoretza baten bitartez nazioarteko gazte-literaturako lan esanguratsu bat euskaratzeko. Mentoretza CEDRO erakundearen laguntzaz egingo da.

Pozik gaude CodeSyntaxen Tagzania aplikazioak izan duen erantzunarekin, baina espero ez genituen zenbakiak eman dizkigu jokoa martxan jartzeak. Ez gaizki dabilelako, ondoegi baizik, milaka erabiltzaileren grinagatik. Ondorioz, lehia eta funtzionalitateak eten egin ditugu gaur goizaldean. Bi egun labur egingo zitzaizkizuen, agian. Barkamena eskatzen dizuegu... Itzultzeko asmoa dugu, azpiegiura indartuta.

Espainiako hedabideetan aurkitu dugu albistea, salaketa egin dutela Fotocasa eta Idealista etxebizitza-atarien kontra, prezioak manipulatzen dituztelakoan. Salaketan ez dugu manipulazioaren deskribapen zehatzik aurkitu, baina Ameriketako Estatu Batuetan agertu den salaketa dokumentatuago bat ekarri digu gogora: algoritmoak jendearen kalterako eta prezioak igotzeko zein modu sofistikatuan garatu dituzten han.

Asteazkenean egingo da laugarren Barredromoa Eibarren, UEUren eskutik. Duela hiru urte jarri zuten martxan ekimen hau, zientzia gizartera hurbiltzeko helburuarekin. Aurtengoan, gainera, Eibarko Klub Deportiboarekin batera antolatu dute (adi, beraz, ez da Markeskuan).

Egunean Behin jokoaren arrakasta eredua errepikatu nahian, CodeSyntax-ek Tagzania app berria garatu du. Eguneroko erronka planteatzen du app berriak, Euskal Herriko eta munduko tokiak identifikatzea mapa batean.

Elhuyar Fundazioaren taldeko Orai NLP adimen artifizialeko zentroak AskHezi garatu du, haurren ahotsekin dabilen euskarazko diktaketa-sistema. AskHezik hizketa transkribatzeko balio du (euskara, alegia), eta, ahozko komandoen bidez, aldaketak egin edo akatsak zuzendu daitezke.

2023an jaio zen Appa Zarautz jokoak bigarren denboraldi bati ekingo dio astelehenean, martxoaren 24an. Mugikortasunari, Errespetuari eta Bizikidetzari buruzko galderak (eta Zarautz herriari buruzkoak) egunero, bost egunean, apirilaren 10 arteko sasoi batean.

Software librearen aldeko aldarria egin dugu Twitchen eta Segura Irratiko zuzenekoan, atzo egin genuen atalean. Irakaskuntzan Iradi plataformak interesgarria dirudiela, eta alderdien akordio bat izatea hori bultzatzeko Legebiltzarrean, positiboa. Eta baita GIMP 3.0 irten izana ere bai, euskaraz gainera. Burujabetasun teknologikoa software libretik pasatzen baita duda barkik,

Puntueusek eta Cyberzaintzak elkarlanean ikusentzunezko baliabide pedagogiko bat sortu dute gazteentzat eta haiekin lan egiten duten profesionalentzat: irakasle, guraso eta hezitzaileentzat. Ikusentzunezko honen bidez, ziberjazarpena ezohiko ikuspegi batetik lantzen da, fokua ez da soilik biktiman jartzen, erasotzailean baizik.