“Lurraldea eta Hizkuntza. Arnasguneen prebentziotik garapenera” jardunaldia antolatu dute elkarlanean Gipuzkoako Foru Aldundiak, Kontseiluak, UEMAk, Gaindegiak, Azpeitiko Udalak eta UEUk. Laugarren edizioa den honetan lurgune euskaldunen eta arnasguneen garapen iraunkorra bermatzeko oinarriak proposatuko dira. Topaketa urriaren 10ean egingo da Azpeitian eta matrikula egiteko epea zabalik dago: www.ueu.eus

Bizkaian euskerearen egoeraz kezkatuta gagoz, lau urterik behin egiten dan kale erabilerearen neurketan atzera egiten gabiltzalako. Bilgune bat sortu gura dogu, plataforma bat, lurralde honetan euskerea bultzatzen dogun guztion artean. Datorren barikuan, irailaren 28an, arratsaldeko 17:00etan Gernikako Arbolaren aurrean batuko gara, ondoren bilera egiteko. Gonbidatuta gagoz Bizkaian euskerearen alde gagozan guztiok.

Euskeraren Jatorriak bilkura berezi bat egingo du irailaren 29an, leku berezi batean: Oñatiko Araotzeko Sandaili koban. Eta gai berezi batekin: euskeraren baitan ditugun mundu ikuskera, berdintasuna, komunitate zentzua, ekologia, gizatasuna, zientzia, inklusioa, askatasuna… Lehenengo aldiz, gure hizkuntzaren hitzik adierazgarrienei buruz berba egiteko une eta gune bat izango dugu irailean. Hau da, zeintzuk diren euskal sena zabaltzen laguntzen diguten eleak edo euskal mundu ikuskera bereganatzeko edota ondorengoei lagatzeko behar ditugun hitzak.

Oiartzun Irratiak irratsaioari eustea erabaki du, eta bigarren emanaldira iritsi gara. Arma Txio Pum hemen duzue entzungai. Gaurkoan, hiru gai jorratu ditugu, txioz txio, barrez barre, ustekabez ustekabe. Urtzi Urkizu Berriako kazetariarekin ETBren udako programazioaz aritu gara hizketan, baita udazkenetik aurrera ETB1ek euskaldunoi eskainiko digunaz. Hemen, beraz, Martin Kitto eta Urtzi Urkizu, ETBri buruz berriketan Oiartzun Irratian: "ETB, nora zoaz?".  ETBk euskara eta euskal identitatea sustatzen ditu? ETB euskaldun guztientzako telebista da?

Euskal Herriko 15 gazte eta 10 sherpa gazte harremanetan jarriko dira Nepalen, Everest inguruan treking-a egiteko, urriaren 10etik azaroaren 8a bitartean. Proiektuaren helburuak dira euskara eta mendizaletasuna uztartzea eta herrien arteko elkartasuna, hizkuntza gutxituei babesa ematea, ikasleen autogestioa eta euskara munduan zabaltzea.

Shogo Komiyamak 20 urte inguru daramatza euskal taldeak Japoniara eramaten eta hango taldeak gurera ekartzen. Doraemon katu kosmikoaren auzoan bizi da. Shogoren etxea da Euskal Herriko enbaxada Japonian. Nor ez da egon han? Azken hiletan, besteak beste, Willis Drummond, Huntza eta Esne Beltzakoek ezagutu dute. Azkenak geu izan gara: Elepunto eta konpainia.

“Hizkuntza eskubideak bermatzeko Legearen bidean” jardunaldia antolatu du UEUk Kontseiluaren laguntza eta Euskarabidearen babesletzarekin. Alde batetik, Nafarroako zonifikazioaren ondorioak alde juridikotik aztertuko dira, eta bestetik, ikuspegi historikoa, arlo administratiboa, soziolinguistikoa eta euskararen garapenerako trabak. Topaketa irailaren 29an egingo da Iruñean eta matrikula zabalik dago (DOAN): www.ueu.eus.

Sakanako Mankomunitateak eta Nafarroa Oinezeko Txikiak Handi egitasmoak elkarrekin antolatu dute hizkuntza gutxituetako hedabideen topaketa hau: Txikiak Handitzen. Altsasun izanen da urriaren 20an, Nafarroa Oinez festaren bezperan.

Datorren Urriaren 8an Donostiako Zurriola Ikastolak 50 urte beteko ditu. Ospakizunen atarian, ikasturte berriarekin batera ospakizun hau irudikatzen duen logotipoa plazaratu du Zurriolak.