Egungo Euskararen Hiztegia online argitaratzea burutu dela iragarri dute Euskal Herriko Unibertsitateak eta Euskaltzaindiak. Paperean jarriko balitz, 30 liburuki beteko lituzke 15 urtez Ibon Sarasolak zuzendu duen lanak. Online-kontsultarako osoki jarri dela ekitaldi batean iragarri da aste honetan.

Iruñeko Euskalgintzak (AEK, AET, ELA, IKA, LAB, Sortzen, STEILAS, Zaldiko Maldiko) salaketa publikoa egin zuen iazko abenduaren 22an. Helburu zuen arbuiatzea Iruñeko Udalaren eta Nafarroako Gobernuak Haur Eskolekin daramaten hizkuntza politika. Begirada atzera bota dezakegu, eta azken agintaldietan egon diren gobernuak aztertu. Hori irakurleari utziko diogu, guk esanen dizuegu egoera eskaxa dugula egun. Nola liteke! Aurrera baino, atzera goaz. 

Kultura, jakintza eta euskara ditu ardatz Urko Aristik gidatutako saioak. Gure hizkuntzaren gaineko albisteek tarte berezia izango dute, kezkak eta ardurak plazaratu eta argitzen saiatuz.

Euskal idazle eta irakurleentzat sortutako sare sozial libre berria da Paperjale.eus. Irakurritako liburuak erregistratzeko aukera ematen du, puntuatu, kritikak eta iruzkinak egin... Abaraskak sortu du, software librea, euskara eta Fedibertsoa sustatzen dituen taldeak. Ez da martxan jartzen duten lehen sare sozial libre eta irekia. Aurrez PeerTube.eus sortu zuten bideoentzat, Pixelfed.eus argazkientzat eta Lemmy.eus foroentzat.

Martuteneko espetxera itzularazi zituzten atzo Xabier Atristain eta Juan Manuel Inziarte euskal presoak. Etxerat-ek herenegun azaldu zuenez, Eusko Jaurlaritzako Justizia Sailak hilaren hasieran bi presoei hirugarren gradua jartzearen alde egin bazuen ere, Auzitegi Nazionaleko Espetxe Zaintzako Epaitegiak ontzat hartu zuen Fiskaltzak erabaki horren kontra jarritako helegitea, eta horren ondorioa da bi presoen egoera aldaketa: hirugarren gradua eteteko eskaera onartzen da, helegitearen gainean ebazpen bat eman arte.

EITBk eta EIKENek elkarlaneko plan bateratua euskal ikus-entzunezkoen sektore indartzeko. Joan den ostiralean Donostian (Tabakaleran) egindako ekitaldi batean, sei puntuko plan aurkeztu zuten bi erakundeetako zuzendariek.

2023ko deialdia zabaldu du EIZIEk Literatura Unibertsala itzulpen-lehiaketarako. Laginak bidaltzeko epea maiatzaren 8an amaituko da.

Ikasleen aukera berdintasuna sustatzen duela, igogailu soziala dela, gizarteko desberdintasunak leuntzen dituela... Bertute asko aitortzen zaizkio hezkuntzari, eginbehar asko. Baina badago hori guztia lortzea zailtzen duen murru bat gutxienez: eskola segregazioa; alegia, ikasle mota batzuk eskola batzuetan elkartzen direla, eta beste batzuk, beste batzuetan.