Euskararen Nazioarteko Egunaren bezperan, Euskalgintzaren Kontseiluak adierazpen bat kaleratu du «Instituzioei eta gizarteari euskaltzaletasunera lerratzeko deia» eginez. Agiri bateratua Kontseiluko ordezkariek irakurri dute gaur agerpen batean.Euskararen normalizazio eta biziberritze prozesuak bizi duen kinka larriaren irakurketa eta hura gainditzeko bidearen proposamena azaldu ditu Idurre Eskisabel Kontseiluko idazkari nagusiak.

Bihar, abenduak 3, Euskararen Nazioarteko Egunean, Tribuaren Berbak telebista saioa itzuliko da ETB1era. 2013 eta 2015 artean Kike Amonarriz soziolinguistak aurkeztu zuen hiru denboralditan, eta orain ere bera dator bueltan, Izaro Arrutik lagunduta kasu honetan. 

Badux.lol webgunean interfaze txarren "munduko txapelketa" bat antolatu dute. Emaitzak bikainak izan dira, hau da, txarrak eta desastrosoak, barregarriak oso. Izenak berak esaten du: Bad UX (User eXperience), erabiltzaile esperientzia txarra.

Abenduan Unai Iparragirre ETBko zuzendaritza utziko du. Bere kargua hartuko du Isabel Octavio EITBko Estrategia eta Komunikazio zuzendariak, eta EITBren organigraman postu hori utzi gabe hartuko du telebistaren zuzendaritza.

Azken egunetako bi albiste. Mendizorrotzako futbol zelaian, Gasteizen, Alaves taldearen Iraultza 21 taldekoak beraiek sortutako hormairudiak ezabatzen hasi dira aste honetan, isun eta mehatxuen bidez ezarritako debekuaren ondoren. Kasu honetan, Espainiako Kiroleko Indarkeriaren Arrazakeriaren eta Intolerantziaren aurkako Estatu Batzordea da debekatzailea. Iruñeko Sadar zelain, Osasunarenean, Espainiako Polizia Nazionalak inposatu du zentsura: No Hay Tregua, Barricadaren abestia, urteetan jarri dutena bertan, ez da berriro bozgarailuetan jarriko.

2025eko Rikardo Arreg Sariak irabazi dituzte, kazetaritzaren alorrean Jenofa Berhokoirigoin kazetariak. eta Komunikazioaren alorrean ON.EUS atariak. Atzo eman zituzten Sariak Andoainen.

Gaur jakinarazi du fomalki BLB Komunikazioa kooperatibak kudeatzen dituen Bilboko euskarazko bi hedabideak ixtera doazela: Prest! Deustualdeko aldizkaria (2.000 ale argitaratu izan dituena zenbaki bakoitzarekin) eta Uriola agerkari digitala (2014an jaioa). "Erabaki zaila izan da, baina saihestezina. Testuinguru sozialak eta, batez ere, ekonomikoak baldintzatuta, ezin diogu proiektuari eusten jarraitu", adierazi dute gaur Bilboko Kafe Antzokian egindako agerrladian.

Elon Musken X/Twitter sarean bere sortzailea eta ideologia erridikuluan uzteko desastreak gertatzen ari dira. Azken astean, bi intzidente nabarmen. Batetik, Grok adimen artfizialak Musk modu patetikoan goraipatzen duela etengabe. Bestetik, kontuen jatorria bistan uzten duen funtzio batek agerian utzi duela MAGA eta ultraeskuineko kontu asko "atzerritarrak" direla, edozein herrialdetatik dabiltzan kontuak, ustez patriotikoak balira bezala. 

Javier Principe, Cikautxo kooperatibako presidente izandakoa, joan den astean hil zen, 46 urterekin. Euskararekin eta euskalgintzarekin konprometitutako gizona, Indeus plataformaren bultzatzaileetako bat izan zen.

Durangoko Azokaren aurtengo edizioaren berritasunen artean daude bi atal / espazio berri egitarauan, gauza gehiago aurekzteko. Berbagailua (Podcasten Plaza) Madaleneko baselizan kokatutako da, eta Atartea (Arte Ederren Plaza), Durangoko Museoan (Etxezarreta jauregia). Kabia atal digitalaren berri eman genuen lehengoan, eta orain, teknologiarekin lotuta dagoelakoan, Berbagailuaz informazio gehiago jarraian.

Ni.eus 2020an sortu zen, baina aldatzera doa, zerbitzuaren kudeatzaile PuntuEus-ek jakinarazi duenez. Euskarazko e-posta zerbitzua izan da orain artean, eta horrek jarraituko du, baina laster "hodei segurua" ere badatorrela iragarri dute. Dagoeneko ni.eus erabiltzen dutenek, unea iritsitakoan martxan izango dute ni.eus berritua, baina gainerakook nork bere izena erreserbatzeko aukera orain dauka. Hartu zure izena: Urlia@ni.eus edo DenaDelakoa@ni.eus bilaka zaitez.

Indusmedia 2025, azaroaren 27an izango da Orona Ideon (Hernani). SPRI-Garaia Enpresa Digitalak antolatuta egingo da aurten Indusmediaren edizio hau. Urtzez urte enpresa industrialentzako marketin digitala tratatzeb da biltzar honetan, eta aurtengo gaia izango da "Estrategia, berrikuntza eta adimen artifizial (AA) aplikatua industria-marketinean".

Rikardo Arregi Kazetaritza Sarien (RAKS) 2025eko edizioak, sari hauen 37. aldiak, azaroaren 26an izango du ekitaldia Andoaingo Bastero kultura etxean (19.00etan). Komunikazio eta kazetaritza sarietako finalistak jakinarazi dira, eta ohorezko mugarri saria nork jasoko duen ere esan dute: Jakoba Errekondo komunikatzaileak.

Telegram kanala utzi (Teknologia Pilulak zeritzona) eta Substack plataformaren bidezko buletina edo newsletterra sortu du Beñat Erezumak, Adimen Artifizialean (AA) berezitutako dibulgatzaile teknofiloak. E-posta bidez jasotzen diren buletinen pizkunde garai batean gaudela dirudi. Sare sozialetatik kanpoko jarraipen forma ganorazkoagoak sortzeko behar bati erantzuna. Bost urteko Telegrameko jardunaren ondoren, hemen azaldu du Erezumak aldaketa.

Atzo aurkeztu zuen Durangoko Azokak 2025eko egitaraua, eta atal/gune pare berria daude tartean: Berbagailua, podkastei eskainitako atala, Madalenako eliza izandakoan kokatuko dena; eta Atartea, ilustrazioari eskainia, Durangoko Museoan (Sanagustinalde, 16). Baina ohiko espazio digitalak, Kabi@ ere izango da aurten, eta horren egitarau zehatza dakarkizuegu.