Teknologia albisteak

Euskarazko spam neuronala, hau bai kalitatea!

Sustatu
atzo : 11:10

"Laburbilduz, nire izena ETIENNE NODET da... Gaixotasun larri bat daukat, heriotza zehatzera kondenatzen nauena, eztarriko minbizia da eta 2.000.000 € -ko zenbatekoa daukat, pertsona fidagarri eta zintzo bati dohaintza egitea gustatuko litzaidake". Mezu hau jaso du euskal internauta batek aste honetan, Twitter bidez. Nigeriar iruzur tipikoa da, Interneteko spam-engainu tipikoena agian, baina itzultzaile automatikoen hobekuntzarekin, euskaraz lortutako sinesgarritasuna harrigarria egin zaigu.

Publizitatea

Loraldia, udagoienean, eta esperientzia digitalekin hornitua

Sustatu
atzo : 09:25

Udaberritik udazkenera aldatu behar izan zen Loraldia, Bilboko euskal kulturaren jaialdi handia, eta udazkenean ere eraldatuta dator, Udagoienean loratzen da lemarekin, eta esperientzia digitala proposatuz. Gaurdanik hasi eta urriaren 22koa izango da Loraldiaren edizio berezi hau.

 

Covid-19ari buruzko informazioa Teknopolisen eta Zientzia.eus-en

Sustatu
2020-09-25 : 12:45

Elhuyarren euskarazko zientzia dibulgazioak erronka bereziari heldu dio azken asteetan: Covid-19 pandemiaren inguruko informazio atala ireki dute Zientzia.eus webgunean, eta Teknopolis telebistako saio beteranoan, bihar larunbata hasten den denboraldi berrian, koronabirusaren gaiak atal berezitua izango du. Zorionak eta... diskrepantziatik: COVID-19 letraxehetzeko garaia iritsi zaigu akaso, ezta? 

Euskal esoterismo zahar-berria plandemikoa da orain: Osasuna eta Eskubideak

2020-09-25 : 09:55

Osasuna eta Eskubideak izena hartu duen talde batek karabana manifestazioa eta elkarretaratzea deitu du biharko, Hego Euskal Herriko lau hiriburuetatik irten eta bateratzea egiteko Arantzazun (Gipuzkoa). Prentsaurreko batean zientzia eta "afirmatibismoa" aldarrikatu arren, Plandemia konspirazioarekin eta negazionismo deitu denarekin identifikatu daitekeen talde euskaldun bat da, euskal esoterismo magikoen oinordeko zuzena.

Egunean Behin jokoaren 5. denboraldia astelehenean hasiko da

2020-09-24 : 11:42

Datorren astelehenean, irailaren 28an, hasiko da Egunean Behin jokoaren 5. denboraldia. Oporraldietako etenem tradizioarekin jarraituko dugu oraingoz, eta abenduan Gabonen bezperetan amaituko da lehia, abenduaren 20an, hamabi asteko lehiaren ondoren. Guuk komunikazio-operadore berriak sustatzen ditu denboraldia eta bere sariak.

Telefono deia egitean norberaren zenbakia ezkutatzeko metodoa

Sustatu
2020-09-23 : 15:55

Nerabeek dakizkiten truko horietako bat: nola egin zure telefono deiaren zenbakia ezkutua ager dakion jasotzaileari? ba honela sakatu markatzean, #31#666XXXYYY | Traol zeinua, 31, traol zeinua, eta gero zenbakia, denak jarraian. Jasotzailearen erregistroan zenbaki ezkutu gisa agertuko da, bidaltzailearenean benetako zenbakiarekin eta, kontaktu gordea bada, haren izenarekin.

Osatu zure hiria Wikipedian, eta turistak etorriko dira

Sustatu
2020-09-22 : 08:51

Iazkoa da azterketa argitaratua, baina oraintsu jakin dugu. Eta ez dakigu turismoak neurri handi batean huts egin duen urte honetan, hurrengorako turismo gehiago edo gutxiago eskatzea tokatzen den, baina datuak datu, horra ikertzaile batuek topatu dutena: Wikipedian hiri bateko informazioa osatzeak (testuz eta irudiz, atzerriko hizkuntzetan), hotel egonaldiak nabarmen igotzen ditu.

Zuria beltzaren gainetik, baita Patria porruen gainetik ere

Sustatu
2020-09-21 : 13:31

Twitterrek irudiak zentratzeko algoritmo batt erabiltzen du, eta oker larria duela deskubritu dute. Oso irudi bertikalean, gizon beltzaren eta gizon zuriaren aurpegiak jarri, eta berdin dio nor dagoen goian eta nor behean: zentratze automatikoa gizon zuriaren gainean gertatzen da. Euskaldun batek Patria liburuarekin eta porru sorta batekin efektua errepikatzen saiatu da, eta kasu honetan ere, Patria hobesten du Twitterrek bi kasuetan.

D.eus esatekorik? PuntuEus domeinu superlaburrak erosteko aukera

Sustatu
2020-09-21 : 12:32

Karaktere bateko eta biko .EUS domeinu-izenak eskatzeko epea zabaldu da. PuntuEus domeinuak posible direnetik, hiru hizkiko domeinuak ziren hartu zitezkeen laburrenak, hala nola UEU.eus edo TBX.eus. Orain, karaktere bateko bateko eta bikoak ere eska daitezke. D.EUS edo Z.EUS eskatzea eta martxan jartzea posible izango da, adibidez.

Ministerioak euskaratu du Radar Covid azkenean, baina hizkuntza aldaketarik ez dago

Sustatu
2020-09-20 : 12:36

Radar Covid aplikazioaren sagan argitaratu genuen ostiralean, bezperan Correo egunkariak atzerapenak euskaratzeari egotzi ondoren, Ministerioa besterik ez zela falta bere lanaren partea egiteko. Ba hara, Espainiako Gai Ekonomikoen eta Eraldaketa Digitalerako Ministerioaren Radar Covid bertsio euskaratua ostiralean bertan aktibatu zen, berritasunaren aipatu ere egiten ez zuen eguneraketa batekin. Eleanitza da orain aplikazioa, baina ñabardura estupido batekin: instalatzean bakarrik aukeratu daiteke hizkuntza.

1

Picture this, landareak identifikatzeko aplikazioa

Sustatu
2020-09-19 : 11:28

Zuhaitz eta landareak identifikatzeko kuriositaterik izan duzu sekula? tresna honek lagun diezazuke: Picture This aplikazioa. Oso txukun dabilela ematen du, baina oso erabilpen mugatua du doako bertsioan. Erabiltzaile benetan aktiboa izatekotan, ordaintzea ondo etor dakizuke.

Googlek ere euskaratu du bere partea Radar Coviden: Ministerioa falta da orain

Sustatu
2020-09-18 : 16:05

Radar Covid aplikazioaren euskaratzearen inguruan bazterrak nahasteko moduko albistea argitaratu zuten Vocento taldearen Euskal Herriko egunkariek: El Correok bereziki, baina albistea Diario Vascon ere kopiatua agertu zen nonbait. Aplikazioa ez bada EAEn ofizialki martxan jarri, euskaratu beharrak atzeratu duela hori, horixe zioen El Correok besteak beste. Egiazki, euskaratzea egina dago albiste hori argitaratu baino lehenago, eta Eusko Jaurlaritza horren jakitun zen baita ere. Eta are gehiago, beste aktore nagusi batek, Googlek, euskaratu du baita ere aplikazioari lotutako mezu eta interfaze sorta. Espainiako Gai Ekonomikoen eta Eraldaketa Digitalerako Ministerioa falta da bere lana egiteko.

Brontzea landuko dute Bergaran, historiaurrean bezala

Sustatu
2020-09-18 : 13:14

Bihar larunbata, Bergarako Laboratorium museoan,. Europako Ondarearen Jardunaldien barruan brontze aleazioa sortuko dute labe batean eta brontzezko trena bat ekoiztuko dute molde bat erabiliz, Brontze Aroan egiten zen bezela. Bi saio daude: 10:00etatik 12:00etara bat, eta hurrengoa 12:30etatik 14:30ra.

 

Adin nagusikoengana ari da iristen 2. Covid olatua

Sustatu
2020-09-17 : 09:08

Open Data Euskadik bildutako Covid pandemiaren datuekin (EAEkoak) grafiko interesgarri eta kezkagarria egin dute Numeroteca eta Montera 34 Lab izenan erabiltzen dituzten datu-bisualizazioetako adituek. Kolore grafikoen bidez ikusarazten da, bizi dugun Covid olatuaren une honetan gazteengan gertatzen direla positibo gehien eta, hortaz, kasu asko asintomatikoak edo ustez arinak ari direla izaten. Baina aldi berean, kutsatzearen eta positiboen hazkundea gora doa asterik aste adinaren piramidean gora: gaitza larriagoa eta hilgarriagoa den populazioarengana ari da iristen.

Samuel L. Jackson euskaraz!

Sustatu
2020-09-16 : 13:39

Samuel L. Jacksonek euskarazko mezua utzi du gaur sare sozialetan. 15 hizkuntzatan popatik hartzera bidali gaitu, baina lehena zerrendan euskara izan da (katalana ere sartu du aukeraketan). Eskerrik asko Samuel, ondo esana!

Aurrekoak ››

Publizitatea

Publizitatea

Azken erantzunak

Plantnetekin ze alde ote du? Hura ere doakoa da. … (Irunarri Itzulpenak)
Picture this, landareak ident…, 2020-09-19
Markos oso interesgarria iruditu zait zure erantz… (Mikbel AG)
Biblia euskaraz osorik sarean, 2006-09-26
Azken paragrafoa itzuli gabe itzuri zaizue. (garrett)
Huawei izan da azken 3 hilabe…, 2020-08-25
Ni hagitz kontent Zim Wikirekin. Ordenagailurako … (alexgabi62)
Oharrak erraz antolatzeko apl…, 2020-06-22
Erabiltzailearen aurpegia
Eskerrik asko FiloBlogian idatzi nuenaren berri e… (Ricardo Gómez)
1610eko liburu batean, euskar…, 2020-06-06

»» Jardun osoa

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago