UEU

UEUk eta Euskal Wikipediako Kultur Elkarteak humanitate digitalen inguruko euskarazko ikerketa sustatzeko eta euskarazko datu libreen sorkuntza, elkartrukea eta zabalpena bultzatzeko asmoz, 5.000 euroko bi diru-poltsa sustatuko dituzte. Eskaerak aurkezteko epea urriaren 25ean amaituko da.

“Euskal Kultur Sorkuntzaren Transmisioa. Sormenean hezi. Kulturan bizi” jardunaldia antolatu dute elkarlanean JALGIk, ELKAR Fundazioak, Ikaselkarrek, HIK HASIk, Azpeitiko Udalak eta UEUk, ziklo baten hasiera izateko asmoarekin. Urriaren 19an Azpeitian egingo den topagune honek egungo kultur bitartekaritza hartuko du hizpide, euskal kultur sorkuntzaren transmisioa egituratzea eta sendotzea helburu duelarik. Lehen jardunaldi honetan hezkuntza arautuan jarriko dute arreta. Izena emateko epea zabalik dago: www.ueu.eus

ELEBILAB Elebitasunaren Laborategiak eta UEUk antolatu duten jardunaldi hau urriaren 4 eta 5ean egingo da Gasteizen. Helburua Euskal Herriko elebitasun goiztiarrak eta haren ikerketak ia hiru hamarkadetan zehar izandako aldaketari buruz hausnartu eta haren emaitza gizartearekin partekatzea da.

19 ikastaro prestatu ditu UEUk udazken honetan online, Eibar, Iruñean eta Gasteizen. Matrikula dagoeneko zabalik dago. Ikastaro guztiak euskaraz dira eta edozeinek parte hartu dezake. Piztu zure jakin-mina!

“Zalantzen amaiera? Argien mendetik Irudiaren Arora” izeneko liburua argitaratu dute UEUrekin Aitor Zuberogoitia Espillak eta Josu Zuberogoitia Espillak. Saiakera honek azaltzen du zelan igaro garen garai bateko logozentrismotik (erregistro idatziaren nagusitasunetik) gaur egungo ikonozentrismora (Irudiaren Arora), narrazioa ardatz biren inguruan harilkatuta: komunikazioa eta filosofia. Egileen esanetan, “teknologiari buruzko hausnarketa beharrezko dela begitantzen zaigu; guk geuk gida dezagun garapen teknologikoa eta ez gaitezen izan hark markaturiko erritmoan dantzan dabiltzan txotxongiloak”.

UEUk ikasturte honetan euskarazko 4 Berezko Titulu sustatu ditu UPV/EHUren eskaintzaren barnean aditu euskaldunak formatzeko helburuarekin. Horietatik bi berriak dira, hiru OnLine eta bat erdi presentziala. UEUko zuzendaria den Kepa Sarasolaren arabera, "iraupen luzeko euskarazko goi mailako tituluak estrategikoak dira". Aurrematrikula egiteko epea irailaren 21ean bukatzen da.

Digitalizazioak eta Big Data-k paradigma-aldaketa ekarri dute humanitateen arlora. Euskarazko dokumentuen digitalizazio masiboa, sare sozialen eztanda eta hizkuntza-teknologiaren arrakasta dira erroka honen hiru katalizadoreak. Nola eragiten du digitalizazioak humanitateen ikerketan? Ze aukera berri zabaltzen zaizkigu? Historian? Hezkuntzan? Hizkuntzalaritzan? Soziologian? Kazetaritzan? Zuzenbidean? Eta diziplinartekotasunean? Galdera hauei erantzuten saiatuko dira datorren ekainaren 20an Bilbon "Humanitate digitalak: aukerak, erakundeen rol berriak eta elkarlana" jardunaldietan. Matrikula doan egin dezakezu.

Zabalik dago IkerGazte 2019 kongresuan parte hartzeko artikuluen deialdia. Adi ibili, artikuluak aurkezteko epea otsailaren 22an amaituko da eta! Tesia bukatzen ari diren edo azken laupabost urteotan amaitu duten horiei zuzenduta dago artikuluen deialdia.

IkerGazteren 3. kongresua Baionan izango da Errobiko Campusean, 2019ko maiatzaren 27tik 29ra. Ikusi aurkezpen-bideoa.

Euskal ikertzaile gazteei zuzendutako Twitterreko lehiaketaren laugarren edizioa egingo da azaroaren 20an: “Txiokatu zure tesia 6 mezutan” (#txiotesia4). Sei txiotan eta euskaraz laburtu behar da tesia eta sari bi banatzen dira: “Txiolari ulergarriena” (500€) eta “Txiolari originalena” (300€). Euskal ikertzaileei izen-abizenak jartzea eta hauek egiten dituzten lanak gizarteratzea da helburu nagusia eta 160 ikertzailetik gora animatu dira erronkara orain arte antolatu diren 3 edizioetan.

“Helduen Euskalduntze Alfabetatzea aurrera begira” Glotodidaktikako VI. Topaketa antolatu du UEUren Glotodidaktika sailak HABErekin elkarlanean eta Euskaltzaindiaren laguntzarekin. Jardunaldi honen helburua euskararen biziberritze prozesuaren egoera aztertzea eta helduen euskalduntze alfabetatzea horren baitan kokatzea da. Topaketa azaroaren 9 eta 10ean egingo da Bilbon eta matrikula zabalik dago  www.ueu.eus web gunean.

Osasun-zientzietako Ikertzaileen III. Topaketak antolatu ditu UEUren Osasun Sailak urriaren 25ean, Eibarren. Osasun ikerkuntza euskaraz egiten dela azaleratzea eta euskal ikerlarien arteko harremanak sendotzea da jardunaldi honen helburua. Edizio honetan ikerketa klinikoari ere tokia egingo diote. Bertan parte hartzeko matrikula zabalik dago: www.ueu.eus.

“Lurraldea eta Hizkuntza. Arnasguneen prebentziotik garapenera” jardunaldia antolatu dute elkarlanean Gipuzkoako Foru Aldundiak, Kontseiluak, UEMAk, Gaindegiak, Azpeitiko Udalak eta UEUk. Laugarren edizioa den honetan lurgune euskaldunen eta arnasguneen garapen iraunkorra bermatzeko oinarriak proposatuko dira. Topaketa urriaren 10ean egingo da Azpeitian eta matrikula egiteko epea zabalik dago: www.ueu.eus

“Hizkuntza eskubideak bermatzeko Legearen bidean” jardunaldia antolatu du UEUk Kontseiluaren laguntza eta Euskarabidearen babesletzarekin. Alde batetik, Nafarroako zonifikazioaren ondorioak alde juridikotik aztertuko dira, eta bestetik, ikuspegi historikoa, arlo administratiboa, soziolinguistikoa eta euskararen garapenerako trabak. Topaketa irailaren 29an egingo da Iruñean eta matrikula zabalik dago (DOAN): www.ueu.eus.

UEUk ikasturte honetan euskarazko 2 Berezko Titulu sustatu ditu UPV/EHUren eskaintzaren barnean aditu euskaldunak formatzeko helburuarekin. Izena emateko epea irailaren 21ean bukatzen da.

UEUk 35 ikastaro, jardunaldi eta tailer antolatu ditu 46. Udako Ikastaroen baitan, azken urteetako arrakasta errepikatzeko helburuarekin. Iazko lelo berdina aukeratu dute aurten ere, hau da, #ElkarEkin, udakoak elkarlanean antolatu eta jakintza berriak sortzen direla azpimarratzen jarraitzeko asmoz. Ikastaroak Gasteizen abiatuko dira eta Iruñea, Eibar, Baiona eta Donostian egingo dira. Ikastaroetara joateko dirulaguntzak daude. Matrikula zabalik dago www.ueu.eus web gunean.

Bilkura UEUko Informatika sailak, Miramon Enpresa Digitalak eta Donostiako Udaleko Euskara zerbitzuak antolatu dute eta maiatzaren 17an izango da, Donostiako Miramon Teknologi Elkargunean. Hamaikagarren edizioko gai nagusia Burujabetza Teknologikoa izango da, eta aurrekoetan bezala, esperientziak trukatzea eta elkarlanerako espazioak ere sortu nahi dira. Egun berean III. Euskarazko Internet Eguna ospatuko da, PuntuEUS Fundazioarekin elkarlanean. Matrikula doan da baina izena eman behar da www.ueu.eus helbidean.

Udako Euskal Unibertsitateak Artizarra.eus plataforma berria sareratu du. Euskal ikerlari eta profesionalen arteko harremanak erraztea du helburu erreminta berriak. "Euskaldunen sare sozial tekniko-zientifiko-profesionala" izan nahi du Artizarrak. 

UEUk eskaintza berezia egin du Liburuaren Nazioarteko Eguna ospatzeko:  gaur liburu guztiak ERDI PREZIOAN eskuratu ahal izango dituzu denda birtualean.