Denbora gutxian izugarrizko aurrerakuntzak izan dira teknologian. Duela urte batzuk pentsaezinak izango liratekeen gauza asko posible dira gaur egun. Horietako bat zerbait pentsatu eta testu idatzira pasatzea izango litzateke. Baina nola da hori posible? 

Kataluniako gerra-birtuala erreferendum egunaren aurretik hasi zen eta dataren beraren laburdurak 1-O (un d’octubre) profetizatu antzera, bat eta zeroen lengoaia digitalean narra daitezke telesailaren kapituluak. Govern-ak webgune eta mugikorrerako aplikazio bitartez argitaratu zituen bozkatzeko argibideak, Estatuak paperezko kartel eta propagandak atzeman ostean. Webgunea Kataluniatik atzitzea galarazi zutenean, ziberpunk eleberri fantastikoenean ere aurreikusi ez bezala, proxy bat (atzerriko ordenagailu baterako lotura) erabiltzea proposatu zuen president-ak herritarrek non bozkatu ezagutzeko. [Prozesuak] izan zuen orduan fantastikotik Star Wars (Izarretako Gerra) balitz bezala. Darth Rajoy, Puigdemont Skywalker, Jar-Jar Urkullu eta enparauek biluztu eta antzeztuko dute bakoitzaren audientzia handienari zuzendutako gidoia. Erritmo honetan Netflixek ordezkatuko du Europako Batasuna.

Erosketa bat online egin ondoren, ez zaudela etxean? Erosketa ekarri behar dizutenean, zu kanpoan zaudela? "Arazo" hori konpondu nahi du Amazonek aste honetan aurkeztu duen aukerarekin, Amazon Key. Zerbitzu berria erabili ahal izateko kit hau erosi beharko duzu Amazon dendan (sarraila berezi bat eta kamera berezi bat). Banatzaileak kode bat erabiliko du zure etxera sartzeko, eta kamera baten bidez ikusi ahalko duzu nola uzten duen paketea zure etxeko sarreran. Etxean inor egon ez arren, zu itzultzerako hortxe izango duzu erosi berri duzun hori.

UEUk GeoGebra erabiltzaileen I. topaketa antolatu du NUPekin batera. Jardunaldia azaroaren 4an izango da Iruñean, NUPeko kanpusean. Topaketa DOAN da, baina izena eman behar da: www.ueu.eus.

Gipuzkoako Foru Aldundiak bultzatutako Etorkizuna Eraikiz proiektuan, beste ekimen batzuen artean, euskarazko ikus-entzunezko edukiak sortzekoa dago, eta horren baitan, Tabakaleran "euskarazko ikus-entzunezko edukiak sortzera bultzatzeko faktoria" abian jartzea da ideietako bat. Faktoria horrekin lotutako lehen proiektu pilotuen abiatzea urriaren 31ko jardunaldi batean aurkeztuko dituzte.

Argi dago jende askoren afizioa dela musika, baina beti musika bera entzuteaz gogaitzeko arriskua izaten da. Hori ekidin eta artista berriak ezagutzeko aukera ematen du Every Noise At Oncek.

RMIT Institutuko ikerlariek (Australia) metal likidoa erabili dute 2 dimentsioko materialak sortzeko, naturan sekula ikusi ez direnak eta atomo gutxi batzuetako lodierakoak. Hamarkadako aurkikuntzarik handienetakoa dela adierazi dute Science aldizkarian argitaratu duten artikuluan. Gainera, teknika merke eta azkarra da metal likido fin-fin horiek lortzeko erabili dutena. Konfirmatzen bada, sekulako hobekuntza etorriko da gailu teknologikoen esparrura, askoz gailu txiki, bizkor eta merkeagoak sortzeko aukera emango duelako.

Gailu teknologiko bat erosteko orduan, hainbat kontu begiratzen ditugu: memoria, bizkortasuna, diseinua, bateriaren iraupena, marka,... Baina inork begiratzen al dio alderdi ekologikoari? Inoiz begiratu al dugu gailu hori fabrikatzeak ingurumenean izan duen eragin handi edo txikiagoa? Greenpeacek txosten zabal bat atera berri du azken 2 urteotan egindako ikerketaren emaitzekin. Zein "berde" da une honetan eskuetan duzun gailu teknologiko hori? Ziurrenik, bat ere ez. ;(

Eusko Jaurlaritzak eta Euskal Wikilarien Kultura Elkarteak proiektu berritzaile bat jarri dute abian ikasleentzat baliagarriak izango diren 1.000 artikulu baino gehiago sustatzeko euskarazko Wikipedian. Atzo egin zuten aurkezpena eta prentsa-aurrekoa Donostian, Euskal Wikilarien elkarteko eta Eusko Jaurlaritzako ordezkariek.

Zenbait ohitura txar ditugu mugikorra kargatzerako orduan eta gaizki egiteak eragin zuzena du honen iraupenean. Oso ohikoa izaten da gauean, lo gauden bitartean mugikorra kargatzen izatea, hurrengo egunerako prest eduki ahal izateko. Beste ekintza batzuk egiten dagoenean ere entxufatuta izaten du jendeak. Duela hilabete batzuk eman genituen zenbait aholku Sustatun., bateriak kargatzeko modurik onenak zerrendatuz. Oraingoan, hona hemen beste zenbait aholku bateriak hobeto zaintzeko.

Irailean ireki zen WikiLovesMonuments lehiaketa Euskal Herrian. Eta dagoeneko baditugu argazki irabazleak. Euskal Herriko argazki onena "Egunsentia Gaztelugatxen" Ebakirena, Bizkaiko onena "Bizkaiko zubia gauez", Igerrak Elkartearena eta Bilboko onena "San Anton eliza" Igerrak Elkartearena.

WPA2 izenez ezagutzen da etxe eta bulegoetako router gehienek darabilten segurtasun-protokoloa. Berorrek arautzen du nola antolatzen den bezeroa (routerrera konektatu nahi dena) eta zerbitzariaren (routerra) komunikazioa segurua izan dadin. Hau da, WPA2 bidez babestutako komunikazio bat ezartzean, printzipioz, ezinezkoa da sare bereko beste norbaitek zure komunikazioa harrapatu edo aldatzea ("kanpoko" bat zure etxeko wifi edo routerrera sartzea, alegia). Bada, segurtasun-arazo larri bat aurkitu dute protokolo horretan. KRACK deitu diote erasoari, eta bezero eta routerraren arteko zifratze-gakoen trukaketan dagoen ahultasun batean oinarritzen da. Zulo horri esker, zure routerrean edonor sartu daiteke, nahiko modu errazean.

Euskal blogarientzat eta blogen irakurleentzat erreferentzia gune bat sortzea da. www.blogetan.eus en helburu nagusia; blog desberdinetako edukiak automatikoki bilduko dituen ataria, orden kronologiko eta kategoriaka sailkatuta eta pertsonalizatzeko aukera eskaintzen duena.

Euskarabilduaren seigarren edizioa Donostiako Kursaal-ean izango da, urriaren 26an. “Teknologia aurreratuak marketin eta komunikazio esparruan” izango da aurtengo jardunaldien izenburua.Egitaraua (behin-behinekoa) prest dago eta izen-ematea ere ireki da. Euskarabildua jardunaldiak urriaren 26an izango dira (osteguna), goizeko 9etatik 2etara.

Bilboko Udalak eta Elhuyar Fundazioak programa esperimental bat jarriko dute martxan, 12 urtetik 17ra bitarteko —Bigarren Hezkuntzako eta Batxilergoko— ikasle gazteen artean ikerketa, zientzia eta teknologia sustatzeko; programa horretan, aisia erabiliko da gazteak erakartzeko foku nagusitzat. Izen-ematea jada zabalik da, eta urriaren 18an izango da lehenengo tailerra. Hemen informazio gehiago eta izen-ematea egiteko orria.