Munduko argazki lehiaketarik handiena martxan da: #WikiLovesMonuments

Geroztik 76 herrialdetan antolatu da lehiaketa, 1.500.000 monumentu ezberdin identifikatuz eta 1.700.000 argazki jasoz. Orain arte 60.000 pertsonek hartu dute parte irailero antolatzen den lehiaketa honetan.

Aurten Euskal Wikilarien Kultur Elkarteak, lehen aldiz, Euskal Herrian antolatuko du lehiaketa hau, gure ondarea dokumentatzeko aukera ederra emanez. Euskal Herrian dugun ondorearen zerrenda zabalak osatu ditugu sarean, eta bertan agertzen den edozein monumenturen argazkiak bidal daitezke lehiaketan parte hartzeko. Gurean hautaturiko argazkirik onenek, gainera, nazioarte mailan ospatuko den lehiaketan parte-hartzeko aukera ere izango dute. Hona prestaturiko bideoa:

Argazki lehiaketan sari handiak izango dira, hilabete honetan zehar argitaratzen joango garenak Wikipediako orrialde berezian. Hasteko, Azkue Fundazioak sakeleko telefonoarekin argazkiak egiteko ekipamendua eskainiko du, baita bi Tablet ere. Baina aurrerantzean izango dira sari bereziak, argitaratuko ditugun lehia zehatzak.

Gainera, edizio lehiaketa bat antolatu dugu, ondareari buruzko artikuluak osatzeko asmotan. Edizio lehiaketa honetan edukiak du garrantzia, sortutako eta hobetutako artikuluak puntuatuz. Koldo Mitxelena Liburutegiak eskainitako 10 liburu izango dira lehiaketa honetan.

Wiki Loves Monuments lehiaketan mundu osoko 42 herrialdetako argazkiekin har daiteke parte. Aukera paregabea da, beraz, udako opor horietako argazkiak igo eta munduarekin partekatzeko. Irailaren 1etik 30era egongo da tartea parte-hartzeko eta helbide honetan duzue horretarako behar den informazio guztia: https://eu.wikipedia.org/wiki/Wikipedia:WikiLovesMonuments_2017

Gehiago jakiteko

• Helbide orokorra: www.wikilovesmonuments.org
• Proiektuaren inguruko lotura ugari eta aurreko urteetako irabazleak
• Euskal Herriko argazkien gunea