Uste dugu euskara eta gardentasuna gai garrantzitsuak direla; horregatik, gai hau konpon dezatela eskatzen diegu Geroa Bairi, Bilduri, Ahal Duguri eta Izquierda-Ezkerrari. Osasunbidearen deialdietan argi esan dadila zein den euskararen gehieneko puntuazio eremu euskaldunean, eremu mistoan eta "ez-euskaldunean".

GAZTEZULOk 18 urte bete ditu; adin nagusiko bilakatu dira! Horrekin batera, 200. zenbakia kioskoetara iritsi da azaroaren 9an. Gaur egun, paperezko edukiek bizi duten egoera zaila dela eta, ospatzeko moduko zifra iruditzen zaie, hori dela eta hainbat ekintza eta ezusteko antolatu dituzte. Batetik, 200. aldizkaria mardulagoa izango da, atal bereziak izango ditu eta azaleko protagonistak irakurleek aukeratuak izan dira.

Interneteko erabiltzaile euskaldun batek, Zitalek, Bermeoko esamolde eta berben hiztegi bat egiten dihardu. Mastodon sarean (kopia eginez Twitterrera) zabaltzen ditu ia egunero hitzak, eta gero biltegi honetan pilatzen dira.

“Gaur, azaroak 5, gure aitaren urtebetetze eguna izango zen. 71 urte beteko zituen. Duela 20 urte auto-istripuz joan bazen ere, berari idatzi dizkiodan gutunek bere presentzia gehiago sentitzera naramate, nire barruan bizirik mantentzen dute”. Itxaro Mendizabal Amundarain

Azkue Fundazioak antolatzen duen Banden Lehia musika txapelketako 2018ko hamargarren edizioan 14 taldek eman dute izena. Banden Lehia euskal musika sustatzen duen lehiaketa da. Banda amateurrik onena saritzen du, tokiko taldeak ezagutzera emanez eta, bide batez, euskal musika sarean ere zabalduz.

“Helduen Euskalduntze Alfabetatzea aurrera begira” Glotodidaktikako VI. Topaketa antolatu du UEUren Glotodidaktika sailak HABErekin elkarlanean eta Euskaltzaindiaren laguntzarekin. Jardunaldi honen helburua euskararen biziberritze prozesuaren egoera aztertzea eta helduen euskalduntze alfabetatzea horren baitan kokatzea da. Topaketa azaroaren 9 eta 10ean egingo da Bilbon eta matrikula zabalik dago  www.ueu.eus web gunean.

Hemendik aitzina Euskal kultur erakundeko egoitzan (Lota Jauregia, Uztaritze) ikusgai dira 1971 eta 1985 artean FR3 katean hedatu ziren "Euskal Herria Orai eta Gero" telebista emankizunak. EKE-k eta INA - Frantziako entzun-ikusen erakundeak (Tolosako adarra - INA Délégation Pyrénées) lan amankomuna abiatu zuten 2017an Maite Barnetche (1941-1986) kazetariak zuzenduriko telebista sail horren baloratzeko urratsak.

Eibarko Udalak antolatutako Juan San Martin ikerketa beka irabazi zuten, 2015eko edizioan, Josu Ozaita eta Jaime Altuna ikerlariek. Orain UEUk editatu du lana "Itzalitako kalabazen berpiztea" izenburuarekin. Arimen Gau, Hallowen eta Gau Beltzaren haur-ospakizunen ikerketa etnografikoa da.

Tuterako Udalak, maiatzaren 25ean, Udaltzaingoko inspektoreorde izateko deialdia argitaratu zuen. Nafarroako Gobernuak Nafarroako hegoaldean egin ohi duen bezala, alemanaren, frantsesaren eta ingelesaren ezagutza baloratu zuen (zehazki, 5 puntu bakoitzak) eta ez, ordea, euskararena.  Beti baloratuko al da alemana euskara baino gehiago? Noizko aldaketa?

Euskararen historian bada bilera bat presaka, isilka eta ezkutuka egindakoa. Bilera horrek berebiziko garrantzia izan zuen euskararen batasuna azkartzeko eta akuilatzeko.

X. Euskal Soziolinguistika Jardunaldia egingo da datorren azaroaren 6an, Soziolinguistika Klusterrak antolatuta. Bilbon izango da, EHUren Bizkaia Aretoan. Hizkuntzen bizitasuna eta etorkizuna bermatzeko baldintzei dagokionez, berariazko ikuspegia behar du ingurune digitalak. Hizkuntza komunitate bakoitzak bere modura erantzun dio testuinguru berrietara egokitzeko etengabeko erronkari eta egoera horren inguruko hausnarketa egingo da aurtengo jardunaldietan. 

Jose Miguel de Barandiaran Fundazioaren Eusko Folklore Urtekariak "Euskal identitatea(k)' gaia hartu du hizpide bere azken zenbakian eta Euskal Herriko zein kanpoko bost ikertzaileren lanak jasotzen dira bertan, bestelako kolaborazioez gainera.

Duela 13 urte jaiotako proiektua, Aztibegia elkarteak sortutako Info7 irratia itxi egingo da laster, baina ordezkoa izango du jarraian: euskarazko irrati proiektu berri bat sortzeko lanean murgilduko dira buru belarri, orain artekoa baino anbizio handiago izango duena. EAEko zabaltasun osoan emititzeko lizentziak ditu jada irrati horrek, eta Nafarroako zati batean emititzeko baimena. Ipar Euskal Herrian lizentziak lortzea erronka izango da.