Zitalen hiztegi bermeotarra
Interneteko erabiltzaile euskaldun batek, Zitalek, Bermeoko esamolde eta berben hiztegi bat egiten dihardu. Mastodon sarean (kopia eginez Twitterrera) zabaltzen ditu ia egunero hitzak, eta gero biltegi honetan pilatzen dira.
Adibide batzuk:
- Popertza; derrigorrez (gaztelerazko por fuerza oinarrian).
- Basomutue: basamortua.
- Gabontza: ahohandia, ozen berba egiten duena.
- Kriston serrie, hori eta gainerakoak.
Hitz sarrera bakoitza hiztegi baterako moduko sarrera maketatu batekin ilustratzen du Zitalek. Agian hiztegi osoa ekoizten ariko da...
Nolanahi ere, testua ez dago irudiaren barruan preso. Webgune-hiztegian definizio guztiak hitzez hitz jasotzen dira. Hemen K hizkiarekin hasten direnak, adibidez.
Twitterren eta webgunean hasi zuen prozesu hau Zitalek, baina urrian Mastodonera igaro zen. Segi gogor, lagun!
/cache/Udako-Ola-2024_1_small_content.jpeg)
Erantzun
Sartu