Goio Arana

Maiatzaren 21ean, Mondragon Unibertsitateko Humanitate eta Hezkuntza Zientzien Fakultateko Eskoriatzako campusean, “Elkarrekin bizitzen ikasi: Ikaskide taldeak” izeneko jardunaldiaren laugarren edizioa egingo da. Jardunaldiaren laugarren edizioa izango da aurtengoa. Oraingoan, gainera, gonbidatu berezi bat egongo da hizlarien artean: Angel Pérez Gomez Malagako Unibertsitateko katedraduna. Ikerlari ezagunak hitz egingo du, hezkuntzan, konpetentziek duten garrantziari buruz.

Maiatzaren 9an bi erakundeen arteko elkarlanerako hitzarmena sinatu zuten Maite Iturbe EITBko zuzendariak eta Nekane Arratibel MUko Humanitate eta Hezkuntza Zientzien Fakultateko dekanoak.

Maitzaren 15ean egingo da Eskoriatzako campusean, "Hezkuntza berrikuntza" jardunaldiaren bigarren edizioa. Eskola munduko eragileak biltzea, hezkuntza arloan esperientziak trukatea eta berrikuntza sustatzea xede dituen ekitaldia, hurrengo lelopean egingo da: "Irakasleen prestakuntza: eraldaketa bilatuz. Beharrak, erronkak eta esperientziak". Ekitaldiak sarrera irekia izango du, eta maiatzaren 12ra arte egongo da aukera izena emateko.

Pasa den astean, Joxe Mari Iriondo kazetari ezaguna egon zen hitzaldi interesgarria ematen MUko Ikus-entzunezko Komunikazioko ikasleen aurrean, Aretxabaletako campusean. Beste kontu askoren artean, hizlariak mahaigaineratu zuen Arrasaten 70. hamarkadan izandako gertaera gogor bezain entzutetsu bat: kantaldi baten erdian, Guardia Zibilak zinema areto batera sartu eta ke-poteka eta kolpeka hustu zuenekoa. 1976an Gurea zineman nik bizi izandako gertaeraz ariko ote zen Iriondo?

Hitzartu izena eman diote Mondragon Unibertsitateko Humanitate eta Hezkuntza Zientzien Fakultateko ikasle talde batek sortu duten proiektu komunikatiboari. Sustatzaileen helburua da, bestea beste, fakultateen eta ikasleen arteko harremana handitzea, suspetzea bizitza unibertsitarioa, zabaltzea informazioa eta trukatzea material didaktikoa.

Ikus-entzunezko Komunikazioko ikasleak eta ikasle ohiak izango dira protagonista aurtengo Komunikaldia jardunaldian. Izan ere, Humanitate eta Hezkuntza Zientzien Fakultateko Komunikazioa departamentuak antolatzen dituen ekitaldiak "Ikus-entzunezko Komunikazioa ikasi dut. Eta orain zer?" gaia jorratuko dute bederatzigarren edizio honetan. Jardunaldia otsailaren 26an egingo da Arrasateko Garaia berrikuntza gunean.

Otsailaren 13an, ostegunez, arratsaldeko 18:00etan, bertso ekitaldi berezia egingo da MUko Eskoriatzako campusean: "Bertxioa" bertso saioa. Ekitaldi horretan, Amets Arzallus 2013ko Bertsolari Txapelketako irabazleak eta Miren Amuriza bertsolari eta HUHEZIko ikasle ohiak kantatuko dute Twitter bidez entzuleek jarritako gaien gainean.

Dagoeneko lerro asko idatzi da Fagorri buruz, baina, askoz gehiago –eta hobeto, kasu askotan– idatzi beharko da, ulertu ahal izateko zer gertatu den Fagor Etxetresnetan, Fagorren eta Mondragon taldean. Egia da, Fagorren auzian hainbeste kontuk egin dutela kale, zaila dela erabakitzen non jarri fokua eta zein muturretik tira egin korapiloa askatzen hasteko. Nik tiratuko dut bereziki interesatzen zaidan hari-mutur batetik: komunikaziotik, edo hobeto esanda, komunikazio korporatibotik eta horrek tokiko hedabideekin duen harremanetik.

Literatura Topaketaren 14. edizioak literatura eta kazetaritza jorratuko du "Pre(nt)sa (z)ko literatuta" izenpean. Aurten, lehenengo aldiz, MUko Humanitate eta Hezkuntza Zientzien Fakultateak  dituen bi campusetan egingo dira jardunaldiak, Aretxabaletan eta Eskoriatzan, urriaren 22an eta 24an.

Mondragon Unibertsitateko Humanitate eta Hezkuntza Zientzien Fakultateak bidalita, Kaliforniara joateko aukera izan dut bertatik bertara ezagutzeko Silicon Valley-n dagoen ekintzailetasun teknologikoen oinarriak. Ikasketa bidaiaren antolatzaileak izan dira MUko Leinn graduko ikaslez osatutako Tazebaez taldekoak. Aste betean, makina bat ekintzaile eta enpresa ezagutzeko aukera izan dugu. Batez ere, bisitatu ditugu startup-ak edo teknologia berriekin lotutako enpresak, baina, baita ere ekintzailetasun soziala bultzatea xede duten irabazteko asmorik gabeko erakundeak eta unibertsitateak.

Blogak bigarren loraldia bizitzen ari dira Interneten. Zeu ere halako bat sortzekotan bazabiltza, horra 10 arrazoi beroi euskaraz egiteko:

1. Dibertigarria da. Uste dut hori ez dagoela lotu-lotuta hizkuntza aukeraketarekin, baina, horrela da, blogean euskaraz idaztea dibertigarria suertatzen da. Galdetu, bestela.

Adela Ibabe 1973ko otsailaren 11n hil zen. Urte haietako beste ehunka emakumeren moduan, aramaioarra zendu zen abortu klandestino baten ondorioz. Franco hil aurreko garai gogor eta nahasi haietan, gazte arabarraren heriotzak sekulako lurrikara eragin zuen Euskal Herrian: Adela ezkongabea zen, ikastolako andereño kaleratua, baserritarra, “gorria”... Gabriel Arestik gordintasun osoz islatu zuen gertaera hura Adela olerkian, haren omenez idatzia.  Hitzok abesti bilakatuta, Oskorri taldeak eraman zuen haren lekukotasuna plazarik plaza [entzun]. Laster, 40 urte beteko dira.

EH Bilduk publiko egin du Lege Biltzarreko hauteskundeetarako prestatu duen Gobernu taldea. Zerrenda eta zerrendakideen profilak ikusgai daude ehbildu.net webgunean. Izen-zerrenda parekidea: Laura Mintegirekin batera, bost emakumezko eta beste sei gizonezko ageri dira.

Uztailaren 1ean hamabost urte bete dira Guardia Zibilak Jose Antonio Ortega Lara askatu zuenetik. ETAk Burgosen bahitutako espetxe funtzionarioak 532 egun egin zituen preso Arrasaten egindako zulo batean. Sasoi hartan, ni Arrasate Press herri aldizkarian nenbilen lanean eta, txiripaz, aukera izan nuen zulo hura ikusteko.