Teknologia albisteak

Ikus-entzunezko Komunikazioko ikasleen etorkizuna hizpide Komunikaldia 2014n

Erabiltzailearen aurpegia
2014-02-05 : 15:36

Ikus-entzunezko Komunikazioko ikasleak eta ikasle ohiak izango dira protagonista aurtengo Komunikaldia jardunaldian. Izan ere, Humanitate eta Hezkuntza Zientzien Fakultateko Komunikazioa departamentuak antolatzen dituen ekitaldiak "Ikus-entzunezko Komunikazioa ikasi dut. Eta orain zer?" gaia jorratuko dute bederatzigarren edizio honetan. Jardunaldia otsailaren 26an egingo da Arrasateko Garaia berrikuntza gunean.

Aditu eta Ikus-entzuneko Komunikazioko ikasle ohien esperientziak abiatuta, jardunaldiaren asmoa da zabaltzea Ikus-entzunezko Komunikazioko ikasle eta parte hartzaileen artean etorkizuneko lan aukeren gaineko informazioa, eta bertatik bertara ezagutzea antzeko ikasketak egin dituzten gazteek abian jarritako ekintzailetasun eta  lan-esperientziak.

Aurreko edizioetan bezala, oraingo jardunaldian ere sarrera doan izango da, baina, aldez aurretik izena eman beharko da telefonoz edo emailez: 943 71 41 57 edo harrera.huhezi@mondragon.edu

Komunikaldiak jardunaldian, jorratzen dira komunikazioarekin lotutako gaiak. Horrela, aurreko edizioetan landu diren gaiak izan dira, esaterako, ideia-laborategiak, bideo jokoak eta hezkuntza, egile eskubideak, telebista Interneten, gure zinema gaur, etorkizuneko komunikatzaileak. tokiko telebista digitala euskaraz eta komunikazio korporatiboa.

Aurtengo egitaraua lau zatitan banatuta dago: harrera, esperientzia profesionalak, MUko ikasle ohien esperientziak eta mahai-ingurua.


2014KO EGITARAUA

HASIERA

09:00. Aurkezpena eta ongietorria. Iosu Zabala MUko Errektorea.

09:15. Hitzaldia: Mikel Orobengoa: ekintzailetasunaren garrantziaz.

IKUS-ENTZUNEZKO KOMUNIKAZIOA IKASI DUT. ESPERIENTZIA PERTSONALAK

09:30. Amaia EluHirudart 3D diseinu-estudioa eta Euskal Valley sareko partaide.

10:00. Rubén Mateo. Beniwood ekoiztetxea.

10:30. Atsedena

IKUS-ENTZUNEZKO KOMUNIKAZIOA IKASI DUT. MONDRAGON UNIBERTSITATEKO IKASLE OHIEN ESPERIENTZIA PERTSONALAK

11:00. Oihane Beñaran. Bolivian, Nazio Batuen Erakundean komunikazio teknikaria.

11:30. Ane Irazabal. Freelance kazetaria Ekialde Hurbilean.

12:00. Atsedena

ETA ORAIN ZER?

12:15. Hitzaldia: Aiala Fernandez: Digitalizazioaren eragina kultura-industrietan. Europako panorama zertan den.

13:00. Mahai-ingurua goizeko hizlariekin. Ikasketak amaitu eta lan munduan murgiltzearen artea. Moderatzailea: Odei Esnaola MUko Ikus-Entzunezko Komunikazioko ikaslea. 

Erantzun

Twitter ikonoa  Facebook ikonoa  Sartu