Teknofiloen albistegia

EIZIE

Erabiltzailearen aurpegia

Euskal Itzultzaile, Zuzentzaile eta Interpreteen Elkartea

Erabiltzailearen jarduna

'Poema poema truk II' lantegia: poesia itzultzen Gerardo Markuletarekin

2017-12-09 : 11:13

Aurten, berriro ere, Poesia itzultzeko lantegi bat antolatu dugu Gerardo Markuletarekin: «Poema poema truk II». Donostian izango da (aurrerago zehaztuko dugu lekua), abenduaren 20an, 16:00etatik 20:00etara. Informazio gehiago eta izen ematea. Izen-ematea irekita egongo da abenduaren 4tik 13ra, biak barne.

«Itzultzailea eta terminologia aurrez aurre» ikastaroa antolatu du EIZIEk

2017-11-16 : 16:12

«Itzultzailea eta terminologia aurrez aurre» ikastaroa antolatu du EIZIE elkarteak. 2017ko azaroaren 29an eta 30ean izango dira eskolak, Donostiako Informatika Fakultatean (EHU), 16:00etatik 20:00etara. 
Irakasleak: Aritz Irurtzun eta Alfontso MujikaInformazio gehiago eta izen ematea, EIZIEren webgunean.

EIZIEren 30. urteurrena hizpide, SENEZ aldizkariaren 48. zenbakian

2017-10-28 : 10:51

2017ko Senez aldizkariaren aleak, arrunta izanda ere, badu berezi bihurtzen duen ezaugarri bat; izan ere, aurten, EIZIEk, aldizkariaren argitaratzaileak, hogeita hamar urte betetzen ditu. Egia da aldizkaria bera elkartea baino urtetsuagoa dena, baina ezin ukatuzkoa da abagunearen berezia. Hedabidea, hasi bidez, Martuteneko Itzultzaile Eskolaren komunikabide izateko jaio zen, terminologia eta itzulpengintza zituela jorragai nagusiak. Aurreneko aleak 1984an ikusi zuen argia. Nolanahi ere, terminologiaz eta itzulpengintzaz harago, interpretazioaz eta zuzenketaz ere jardun du Martuteneko Eskolak aldizkariaren lekukoa EIZIE elkarteari eskuan eman zionetik, elkartea 1987.ean sortu eta berehalaxe. Hogeita hamar urte, hortaz, konplitu ditu EIZIEk. Nolatan ez bilakatu urteurrena Senez aldizkariko editorialerako lehengai, bi-bion patua hain estuki loturik joan badira?

«Munduari itzulia» itzulpen-bira, Itzulpengintzaren Nazioarteko Eguna ospatzeko

2017-09-30 : 12:40

Itzulpengintzaren Nazioarteko Egunaren harira, bihar baita, EIZIEk itzulpen-bira bat antolatu zuen irailaren bigarren hamabostaldian. Helburua euskarazko esaldi bat ahalik eta hizkuntza gehienetara itzultzea zen, eta, parte hartzea, berriz, irekia.

Munduari itzulia - Parte hartu!

2017-09-19 : 11:23

Nazioarteko Itzulpengintzaren Egunaren harira (irailak 30), aurten, EIZIEk itzulpen-bira bat antolatu du. Helburua euskarazko esaldi bat ahalik eta hizkuntza gehienetara itzultzea da, eta nahi duen orok izango du parte hartzeko aukera.

«#ESikasten: gaztelaniara itzultzen; gaztelaniaz idazten» ikastaroa, izena emateko epea zabalik

2017-09-09 : 11:35

«#ESikasten: gaztelaniara itzultzen; gaztelaniaz idazten» ikastaroa antolatu du EIZIEk, Idoia Santamaría irakaslearekin. Donostian egingo dugu, Euskaltzaindiaren egoitzan, 2017ko irailaren 27an eta 28an, arratsaldeko 16:00etatik 20:00etara. Guztira 8 ordu izango ditu (4 orduko 2 saio).

Literatura Unibertsala itzulpen-lehiaketa: 2017ko deialdiaren esleipena

2017-07-26 : 13:41

Literatura Unibertsala bildumarako lehiaketan aurkezturiko itzulpen-proiektuen esleipenaren berri ematera gatoz.

 

Itzulpen-lehiaketarako deialdia (Literatura Unibertsala bilduma)

2017-05-29 : 13:19

Gaur zabaldu dugu aurtengo deialdia. Webgunean dago informazio guztia. Lau liburu hautatu dira aurten, eta jatorrizkoen laginak ere jarri ditugu lehiatzailearen eskura.

"Demagun ehun urte barru" (Lertxundi, EIZIE) liburua aurkeztuko da gaur Donostian

2017-05-11 : 10:59

EIZIEk eta DSS2016k atzo aurkeztu zuten prentsaurrean Anjel Lertxundiren Demagun ehun urte barru liburua, izen bereko solasaldien emaitzarekin. Gaur, maiatzak 11, jendaurrean aurkeztuko da liburua, EIEk antolatu duen ekitaldi batean, Kutxa Fundazioaren Ruiz Balerdi Aretoan (Tabakalera, 4. solairua), arratsaldeko 18:30ean. Liburuan jorratzen diren gaiei buruz arituko dira Anjel Lertxundi eta Harkaitz Cano, mahai baten inguruan, Xabier Olarra eta Koro Navarro itzultzaileekin batera, Goizalde Landabaso kazetariak moderaturik. Sarrera doakoa da.

'Testu(inguru) orokorretik harago: itzulpenaz eta espezializazioaz' ikastaroa antolatu du EIZIEk EHUren Uda Ikastaroetan

2017-05-09 : 12:06

Itzulpengintzari eta espezializazioari buruzko bi eguneko ikastaroa antolatu du EIZIEk EHUren Uda Ikastaroetan, Letren Fakultateko Itzulpengintza eta Interpretazio Sailarekin elkarlanean, eta Ane López eta Josu Barambonesen zuzendaritzapean.

 

'Marrazkiak itzuli edo testua marraztu? Komikiak euskaratzeko arrasto batzuk' lantegia, Bego Montoriorekin

2017-04-14 : 11:16

Komikiak itzultzeko lantegi bat antolatu dugu Bego Montorio itzultzailearekin: «Marrazkiak itzuli edo testua marraztu? Komikiak euskaratzeko arrasto batzuk». Donostian izango da, maiatzaren 3an, 16:00etatik 20:00etara. Informazio gehiago eta izen ematea.

«Haur eta Gazte Literatura itzultzen» ikastaroa Donostian, izena emateko epea zabalik

2017-02-03 : 08:29

«Haur eta Gazte Literatura itzultzen» ikastaroa antolatu du EIZIEk, Manu Lopez Gaseni irakaslearekin. Donostian izango da, Euskaltzaindiaren egoitzan, 2017ko otsailaren 21etik 23ra, arratsaldeko 16:00etatik 20:00etara. Guztira 12 ordu izango ditu. Informazio gehiago eta izen ematea, hemen.

Sarrionandiaren eta Urretabizkaiaren lanaren lagin bana hainbat hizkuntzatan, irakurle berrien bila

2016-12-10 : 09:36

Buru-belarri aritu ziren lanean «Itzultzaile Berriak» hiru egunez joan den ekainaren amaieran, Arantxa Urretabizkaiaren Koderno gorria eta Joseba Sarrionandiaren dozena bat poema oinarri harturik, «Deserria itzultzen» izeneko itzulpen lantegian, Itziar Otegiren gidaritzapean. Lantegiaren uzta bildu dugu orain.

'Poema poema truk' lantegia: poesia itzultzen Gerardo Markuletarekin

2016-11-14 : 15:55

Poesia itzultzeko lantegi bat antolatu dugu Gerardo Markuletarekin: «Poema poema truk». Donostian izango da, abenduaren 13an, 15:30etik 19:30era. Informazio gehiago eta izen ematea.

«Esan osteko eta aldibereko interpretazio praktikak» ikastaroa, izena emateko epea zabalik

2016-10-26 : 09:35

«Esan osteko eta aldibereko interpretazio praktikak» ikastaroa antolatu du EIZIE elkarteak. 2016ko azaroaren 9an, 10ean, 15ean eta 16an izango dira eskolak, Gasteizko Letren Fakultatean, 16:00etatik 19:00etara. Norentzat: Interpretazioan jardun behar dutenentzat, eta praktikak egin nahi dituztenentzat.

«Nola erabili corpusak modu eraginkorrago batean?» ikastaroa, izena emateko epea zabalik

2016-10-05 : 15:22

«Nola erabili corpusak modu eraginkorrago batean?» ikastaroa antolatu du EIZIEk, Isabel Etxeberria irakaslearekin. Donostian izango da, 2016ko urriaren 25ean eta 26an, Euskaltzaindiaren egoitzan, arratsaldeko 16:00etatik 20:00etara. Informazio gehiago eta izen ematea, hemen.

"Ingelesa-euskara itzulpen-mintegia", izena emateko epea zabalik

2016-09-05 : 10:11

«Ingelesa-euskara itzulpen-mintegia» antolatu du EIZIEk, Itziar Otegi irakaslearekin. Bilbon izango da, 2016ko irailaren 26an eta 27an, Euskararen Etxean, arratsaldeko 16:00etatik 20:00etara. Informazio gehiago eta izen ematea, hemen.

Itzultzaile Berriak 'Deserria itzultzen': itzulpen-lantegia

2016-06-19 : 10:37

Itzultzaile Berriak egitasmaoren baitan, itzulpen-lantegia antolatu du EIZIEk, Etxepare Institutuarekin lankidetzan eta Donostia2016EUren babesarekin. Arantxa Urretabizkaiaren Koaderno gorria eta Joseba Sarrionandiaren hainbat poema oinarri hartuta, «itzultzaile berriak» lanean jarriko ditugu hiru egunez, idazleen ekarpenak lagun: Laura Liubinavičiῡte (Lituania); Mariya Petrova Pachkova (Bulgaria); Barbara Pregelj (Eslovenia); Katarzyna Sosnowska (Polonia); Karina Mischenkova (Errusia); Merilin Kotta (Estonia) eta Lenka Nižnanská (Txekiar Errepublika).

«Antzerkia itzultzen» tailerra Donostian, Julia Marin irakaslearekin

2016-05-21 : 12:13

«Antzerkia itzultzen» tailerra antolatu du EIZIEk, Julia Marin irakaslearekin. Donostian izango da, 2016ko ekainaren 16an eta 23an, Euskaltzaindiaren egoitzan, arratsaldeko 16:00etatik 20:00etara. Informazio gehiago eta izen ematea, hemenIzena emateko epea: 2016ko maiatzaren 17tik 24ra, biak barne.

«Esaldiak josten» ikastaroa Iruñean, Donostian eta Bilbon, Juan Garzia irakaslearekin

2016-04-09 : 11:53

«Esaldiak josten» ikastaroa antolatu du EIZIEk, Juan Garzia irakaslearekin. Testu bat idazten hasi den edonork daki horretarako ez dela aski lexikoa eta sintaxia menderatzea. Gramatikaren eta hiztegiaren piezak zein diren ez du berak erabakitzen, aurrez finkatuak baitira; bai, ordea, pieza horiek nola antolatu kasuan-kasuan adierazpide egokiak sortzeko, horixe baita testugilearen lana. Eta horretan lagundu nahi du ikastaro honek. Iruñean, Donostian eta Bilbon apirila-maiatzean (12 ordu). Izen-ematea zabalik.

Aurrekoak ››

Publizitatea

Azken erantzunak

Erabiltzailearen aurpegia
Kontutan izan behar da Googlen itzulpen sistema... (Gari Araolaza)
Itzulpen automatikoak gener..., 2017-12-04
Erabiltzailearen aurpegia
Goizean albiste hau argitaratu dugunean akats h... (Sustatu.eus)
Bilbo Hiria Irratiaren 20 u..., 2017-11-10
Kaixo, lagunok: Irale-n lan egiten dut( irak... (pelloaranburu)
Aldaketa nabarmenak Euskalb..., 2017-10-30
Erabiltzailearen aurpegia
Badirudi arazoa bezero inplementazioan dagoela,... (Aitzol)
Adi! Etxeetako routerretan ..., 2017-10-16
Erabiltzailearen aurpegia
Publikatu dituzte erasoaren xehetasunak https:... (Aitzol)
Adi! Etxeetako routerretan ..., 2017-10-16

»» Jardun osoa