EITBk Orain.eus webgunea eta app bat jarri ditu martxan bere albistegien presentzia digitalaren marka berria sortuz. Berri-berria ere ez da marka, ze duela urte eta erdi Orain izena eta irudia zabaldu ziren Whatsapp bidezko informazio iturri gisa. Orain, eraldatu edo osatu egin da hori, dena dela.

Deskodifikatu da Gipuzkoako Foru Aldundiak iaztik martxan duen ekimen bat, zuzeneko podkast bat. Hau da, ekitaldi ireki bat publikoarekin, baina grabatzen da eta ematen da. Gaur hilak 25, asteazkenarekin 18.00etan, tokatzen da ale bat, hain zuzen: Diputazioaren Jauregian, Donostian, Gunea aretoan. "Nortasun harremanak".

Datorren uztailaren 9an jardunaldi/ikastaro interesgarria egingo da Donostian, EHUren uda ikastaroetan, Etxepare Euskal Institutuak antolatuta, San Telmo Museoaren laguntzarekin: Nola kontatzen dugu euskara? Duela urte batzuetatik Etxeparek antolatzen duen "Bikaintasuna Euskal Ikasketetan" urteroko programaren aurtengo edizioa da hau. Ikastaro hauek egiten ditu Etxeparek bere Irakurletza programari begira; horretan munduan aritzen diren irakasleak ere biltzen dituzten ikastaro honetan, eta irakurletarzako hautagai berriak ere aukeratzeko balioko du jardunaldiak: ikastaroak irakurleak hautatzeko deialdietan meritu gisa puntuak ematen ditu.

Osakidetza kanpaina egiten ari da duela egun batzuetatik sare sozialetan eta EAEko kale-euskarrietan, "guraso kontrolerako sare berria" aurkezteko. Izendapenari ere anbiguotasuna dario (gurasoak kontrolatzeko da?), baina QR kodearena okerrago da. Komunikazio agentzia baten orri soil batera besterik ez darama, honaxe.

Eusko Jaurlaritzako Hezkuntza Sailak "Hezkuntza-eremuan adimen artifizialak erabiltzeko gida' landu dute, hezkuntzaren etapa eta arlo guztietako irakasleei zuzenduta. Elhuyarrek koordinatu du lana, eta kolaboratzaile izan dira TKnika eta Berritzegune Nagusia (hezkuntza publikoko erakundeak hauek biak). Hemen dokumentua eskuragai.

Kontseiluak eta Batuz Aldatu adostasun sozialerako ekimenak euskararen biziberritzearen aldeko Itun Soziopolitiko berriaren oinarriak aurkeztu dituzte gaur Donostian eginiko prentsaurrekoan. Zera azpimarratu dute bereziki: gaurdanik hasita hizkuntza-politika berriak bi oinarriren gainean egin beharko direla: euskararen ezagutza unibertsalizatzea eta erabilerako baldintzak sortzea.

Eusko Jaurlaritzak aurkeztu berri duten 'Klimaren egoera Euskadin' txostenak nabarmentzen du 1970etik, "Euskadiko tenperatura 0,3 °C igo dela hamarkada bakoitzeko". Itsasoari dagokionez, Bizkaiko Golkoan itsas maila 2,5 mm igo da urtero 1993tik. Ihobe sozietate publikoaren bidez eta Euskalmeten laguntzarekin egin da txostena. Txostenean 'Euskadi' EAE da, baina Euskal Herria berotzen ari dela esan dezakegu izenburuan, okerrik egin gabe. 

Aste honetan Twitchen eta Segura Irratian egin dugun zuzenekoan, hauek dira edukiak, NotebookLM tresnaren bidezko laburpen-aukera aplikatuta. 0:00 - Adimen Artifiziala: Karpathyren ikuspegia eta erabilera praktikoa. Andrei Karpathy adituaren ikuspegia aurkezten da: AA erabiltzaile arruntentzat korporazio handientzat baino baliagarriagoa dela.(...) [Beherago jarraitzen du honek, baina argi dezagun artikulu honetan esandakoa nolabait ilustratzeko erabili dugula NotebookLM Youtubeko bideoan deskribapena eta atal-banaketa tenporala egiteko].

Hitz Zentroak iragarri du Latxa euskarazko AA eredua asko hobetu dutela azken hilabeteotako lanarekin, zeinean ebaluatoiak eta jendearen partehartzea ere funtsezkoa izan den. Hala dio Eneko Agirrek zentroko zuzendariak: Latxa "erabiltzaileen eskaerak ulertu eta aurrera eramateko gai da orain, hala nola, laburpenak egin, galderak erantzun, ideia jasak egin, testuak sortu, etab. ChatGPT-ren antzera." Are gehiago, euskarazko txatbota hobetzeko lanak inplikazioak ditu beste hizkuntza txiki batzuetarako, ze metodo berriak eta aukera handikoak deskubritu dituzte, eta horiek artikulu batean dokumentatu.

Euskal Herria Kantuz eguna igandean, ekainaren 22an, egingo dute Tafallan. Euskal Herriko kantu-taldeen topaketa da Kantuz eguna. Oraingo edizio honetan 800 kantuzale elkartzea espero dute. 

Applen lan egiten duen ikertzaile talde batek adimen artifizialaren (AA) esparrurako egindako ikerketa baten emaitza argitaratu dute. Izenburu esanguratsua du: The Illusion of Thinking. Euskaraz, bere izenburu luzean, honela: Pentsatzearen ilusioa: arrazoitzeko ereduen indarguneak eta mugak arazoen konplexutasunaren ikuspegitik ulertu.

Arreta deitu digu Eider Rubio dantzariak Dantzan.eus agerkarian idatzi duen artikulu interesgarriak. Christoph Weiditz alemanak 1520ko hamarkadan Europan zehar egindako bidaietan marrazki bikainez dokumentatu zituen jantzietan Euskal Herriko mordoxka bat marraztu zituen. Rubiok azpimarratzen du, besteak beste, dantzarako jantziak zer ziren; baina guri atentzioa deitu digu Weiditzek aipatzen duen irudi honetarako deskribapenak: "Euskal herriko emakume baten mendira joateko jantzia."

Adimen artifizialaren aukerez idatzi dugunean Sustatun (eta sarri ari gara horretan), euskarak esparru honetan egin ditzakeen aurrerapenez ere itxaropentsu idatzi ohi dugu. Baina gehiagotan jarduren dugu, beharbada, AAren arriskuez, egiten diren disparateez, sortzen den slop edo zaborraz eta halako kontuez. Kontraste egiteagatik honekin, ikuspegi positibo baten arrazoitze saiakera bat dakarkizuegu gaur.

F-Droid da baliabide bat Android plataformarako aplikazioak jaisteko baliabide bat, Google Play ofizialetik (eta nolabait ere Googleren kontroletik aske) kanpo dauden app-ak aurkitzekoa. F-Droid aplikazioa bera euskaratuta zegoen duela denbora bat, Librezaleri esker; eta orain webgunea ere euskaratu dute.

Donamaria, Ibarrangelu, Mundaka, Mutiloa eta Ormaiztegi Udalerri Euskaldunen Mankomunitateko kide berriak bilakatu dira asteburuan, Azkoitian UEMAk egindako biltzarrean. UEMAren 2025-2029ko plan estrategikoa ere onartu dute bertan.