Elhuyar

Beste alorretan bezala, zientzian ere emakumeek gizonek baino oztopo gehiago dituzte aurrera egiteko. Elhuyarren, neskato direnetik lagundu nahi diegu, hainbat proiekturen bidez

Zientzia eta teknologiaren arloko artikuluak, kazetaritza-lanak eta proiektuak saritzen eta bultzatzen ditu sariketak. 2.000 €-ko lau sari eta 5.000 €-ko beka bat banatzen dira. Aurten, sari berri bat dago, lehen sektoreari lotutako lanentzat.

Zientzia-edukiak euskaraz edonon eta edonoiz eskura izateko lehen aplikazioa da ZIENTZIAPP. Albisteak, audioak, bideoak eta agenda eskaintzen ditu, doan. Google Play Storen eta App Storen eskuragarri.

Badator Durangoko Azoka aurten ere, eta Elhuyar Durangon izango da beste behin ere, abenduaren 2tik 6ra. Artekale 62. standean Elhuyarren nobedadeak salgai egongo dira; Talaia teknologiaren aurkezpena egingo da abenduaren 4an eta EHUren aitortza jasoko dute Elhuyarreko itzultzaileek abenduaren 5ean.

Datorren larunbatean, 15:00etan, Norteko Ferrokarrillaren 20.urteurreneko saio berezia emango du Euskadi Irratiak. Hain zuzen, duela 20 urte, Carl Sagan hil eta Dolly ardia jaio ziren garai berean, sortu zuen Elhuyarrek zientziari buruzko irratsaioa, Euskadi Irratiaren laguntzarekin.

Bueltan da zientzia eta umorea uztartzen dituen jaia: Wolfram Deuna; ekitaldi fisiko, kimiko, analogiko eta antologikoa! Zientziaren Astearen barruan, aurten ere Bergaran ospatuko dugu euskal zientzialarion zaindari apokrifoa, bost minutuko bakarrizketa zientifikoz osatutako ekitaldi baten bidez. Azaroaren 10ean, osteguna, 19.30etan.

Abian dira CAF-Elhuyar sariak. 2017ko otsailaren 17ra arte aurkez daitezke lanak. Zientzia eta teknologiaren arloko gaien eta ikerketen euskarazko gizarteratzea aitortzea eta bultzatzea dira sariketaren helburuak. Betiko kategoriez gain, sari berri bat aurten, lehen sektoreari lotutako lanentzat. cafelhuyarsariak.elhuyar.eus helbidean dago informazio guztia, eta 2017ko otsailaren 17ra bitartean aurkez daitezke lanak. Deskargatu oinarriak hemen.

Irudi garaikidearekin eta webgune berrituarekin hasiko du Teknopolisek bere 19. denboraldia. Asteburu honetan hasiko du denboraldi berria. ETB1en larunbatero emango da, 13:30ean, eta ETB2n, berriz, igandero, 09:30ean.

INSPIRA proiektua sentsibilizazio- eta orientazio-ekintzetan oinarritzen da, eta ikerketaren, zientziaren eta teknologiaren munduko emakumezko profesionalek gauzatuko dute. Lehen aldia da taldeko mentoring-aren teknika erabiliko dena lehen hezkuntzako ikasleen artean STEAMak (Science, Technology, Engineering, Arts and Maths) sustatzeko proiektu batean (lehen hezkuntzako 5. eta 6. mailako neskekin jarriko da martxan). INSPIRAren fase pilotuan, 17 emakumezkok hartuko dute parte, beren borondatez, aholkulari gisa. Guztiak ere zientzialariak eta teknologoak dira, eta hainbat arlotan ari dira lanean: hezkuntzan, enpresan, ikerketan, kudeaketan eta abar.

Irekita dago Zientziakide proiektuan izena emateko epea. Elhuyarrek bultzatutako ekimen horren bidez, AZTIko ikertzaileekin batera ikerketa batean parte hartzeko aukera eskaintzen zaie herritarrei.

Uda geldirik eman ondoren, abian da berriro Norteko Ferrokarrilla, Elhuyarrek ekoitzitako zientzia-saioa. Lehen geldialdia, larunbatean 15etan.

Elhuyarrek ekoizten duen Teknopolis telebista-saioaren monografiko bat, Odola, finalista da Zinema Zientifikoaren Nazioarteko Biurtekoan (BICC). Abenduaren 2an jakinaraziko dute zein diren lan irabazleak.

Bizkaiko Garraio Partzuergoak, CAFek, Euskotrenek, Euskal Trenbide Sareak eta Metro Bilbaok, Elhuyarreko Hizkuntza eta Teknologia unitateko terminologia-adituen aholkularitzapean, Trengintza Hiztegi espezializatua osatu dute, lau hizkuntzatan: euskara, gaztelania, ingelesa eta frantsesa. Hiztegiak trenaren sektoreko 4.830 kontzeptu biltzen ditu, 15 alorretan sailkatuta, eta Interneten kontsultatu daiteke, http://trenhiztegia.eus/ helbidean.

Lehen sektoreko ikerketetan eta NEIKERen jardueran euskara bultzatzea da NEIKER Nekazaritzaren Ikerketa eta Garapenerako Euskal Institutuak eta Elhuyar Fundazioak sinatu berri duten lankidetza-hitzarmenaren helburu nagusia. Hitzarmenaren arabera, aurreikusi da lehen sektoreari buruz euskaraz egindako ikerketak saritzea, eta lehen sektoreko terminologia bilduko duen hiztegi bat egitea

Bilbao Berrikuntza Faktorian izango da Europako ikerketa-erakundeetan genero-berdintasuna bultzatu eta bermatzeko PLOTINA egitasmoan hiru egunez egingo den topaketa. Europako zortzi herrialdetako hamar erakundetako adituak bilduko dira uztailaren 18tik 20ra, ikerketa garatzen duten erakundeetan berdintasun-planak inplementatzeko metodologia bat garatzea helburu. Elhuyarrek antolatu du topaketa, proiektuaren lantaldean berdintasun-aholkulari izateaz gainera. Topaketaren egoitza Mondragon Unibertsitatearena da, egitasmoaren beste euskal kidearena.

Euskaldunon eta Europar Batasuneko beste hiru hizkuntza gutxitutako hiztunen (bretoiera, kareliera eta sardiniera) behar digitalei buruzko lehen inkesta jarri du abian hizkuntza-aniztasun digitalaren proiektuak (DLDP). Proiektu horretan dihardu Elhuyarrek, Europako beste lau erakunderekin batera, eta ahalik eta euskaldun gehienen erantzunak biltzea dugu helburu.

Donostia-Beterriko eskualdeko udalek (Beterri) eta Iraurgi Berritzen Urola Erdiko Berrikuntza eta Garapenerako Agentziak Urberritzen egitasmoa garatu dugu, Elhuyar Aholkularitzarekin elkarlanean eta Gipuzkoako Foru Aldundiaren laguntzarekin. Bi eskualdeetako eragileekin berrikuntza sozialerako gaitasuna handitzeko prozesua landu ondotik, jardunaldia antolatu dugu Urberritzen prozesuaren berri emateko eta tokiko garapenean berrikuntza sozialak duen garrantziaz gogoeta egiteko. Ekainaren 3an, Donostiako EHUko Enpresa eta Ekonomia Fakultatean. Izen-ematea doakoa da eta epea ekainaren 1a arte egongo da irekita. Horretarako, formulario hau bete behar da. 

Elhuyarrek ekonomia eta finantza arloko teknikari bat behar du urtebeteko ordezkapen bat egiteko. Horretarako, hautagairik egokiena aukeratzeko prozedura abiatu du.

Hiztegiak eta bestelako zenbait hizkuntza-baliabide kontsultatzeko aplikazio berri bat kaleratu du Elhuyarrek mugikorretarako: HiztegiAPP.

Dagoeneko eskuragarri dago Google Playn, Android mugikorretarako, eta laster egongo da erabiltzeko moduan iOS mugikorretarako bertsioa ere App Storen (une honetan, beta bertsio bat dago).

#PartaidetzaOn plataformaren helburua da parte-hartze prozesu fisikoak eta digitalak modu osagarrian lantzea, eta, bide batez, prozesu presentziala hobetzea. partaidetzaon.elhuyar.eus webguneak informazioaren sistematizazioa, bilaketa aurreratua zein sailkatzea errazten ditu.