Sustatu

Azkue Fundazioak zuzentzen duenBziber egitasmoak sare sozialei buruzko lantegiak preestatzen ditu gaztetxoentzat. Hurrengo txandan, Bizkaiko hiru udalerritan egingo dira, Arrigorriaga, Lekeitio eta Ortuellan; maiatzaren 14tik 29ra bitarte, 2008 eta 2011 urteen artean jaiotako gazteentzat.

"Eusko Jaurlaritzak pertsona nagusientzat eskaintzen duen BetiOn teleasistentzia-zerbitzuan, errieta egiten dizute zerbitzua euskaraz eskatzen baduzu", salatu du Igor Odriozola txiolari euskaldunak, jasan duen tratu mespretxagarria deskribatzen, non eta amarentzat larritasuneko laguntza behar zutenean. Hari batean kontatu du Odriozolak gertaera tamalgarria, eta hona artikulu gisa ekarri ditugu bere hitzak.

Mercedes Kareaga izan zen emakume ekintzaile eta berdintasunaren aldeko borrokan aurreratua, 20. mendeko garai zail batean lan egin zuena. Eibarko Udalak, sortu duen beka berri honen bidez, Eibarko herriarentzat interes berezia duten ikerketa historikoko proiektuak bultzatu nahi dituzte; eta lehen edizio honetan ikergaia jada deialdiak proposatzen du: Mercedes Kareagaren biografia lantzea.

Aste Santuko atsedenaldiaren ondoren bueltan izan gara Segura Irratian eta Twitch zuzenekoa egiten. Tarteko egun hauetan Sustatun zenbait webgune euskaldun aurkeztea egokitu zaigu, eta horien inguruan jardun dugu.

• https://otoi.eus  azalpenak Sustatun.
• https://paperezkoak.eus - azalpenak  
• https://enpresabidea.eus - azalpenak  
• https://privacy.eus - azalpenak 

Atzo egin da CAF-Elhuyar sariak banatzeko ekitaldia, Tabakalerako Kutxa Kultur Plazan (Donostia). Aurten Elhuyarrek 50 urte betetzen dituenez, ekitaldia berezia izan da, lelo honekin ospatua: “Zientzia eta irudimena, etorkizuneko giltzak” izan da. CAF-Elhuyar sarien zioa da euskarazko dibulgazio zientifikoa, kazetaritza idazkeraz, saritzea.

Informazio ekonomikoa emateko sortu da aste honetan Enpresabidea.eus, euskarazko egunkari digital berria, "bertako informazio ekonomiko eta enpresarialean espezialializatuta, euskaraz egina eta lurraldean errotua" emateko asmoarekin. 

Twitterreko zuzendaritzak onartu egin du Elon Musk-en plana, Twitter osorik erostekoa. Burtsatik kendu dute Twitterren akzio-salerosketa, eta akziodun bakoitzak erabakitako prezioan sal diezaioke bere jabetza Elon Muski: 54.20 dolar akzioko, iragarpeneko unean Twitterreko akzioak zuen prezioaren %38ko gainbalorazio bat. 44 milioi dolar prest ditu Muskek operaziorako. Gauzatutakoan, Elon Musk miliotsu ezaguna bere hiru jabetza nagusigatik ezagutuko dugu: Spacex, Tesla eta Twitter.

Gaur apirilak 23 Liburuaren Eguna da aukera dugu aste honetan aurkeztu den proiektu baten berri emateko. Sormen proiektuetan arituak dira Garoa liburudenda zarauztarrekoak, eta ildo horretan ekimen berria aurkeztu dute: Paperezkoak.eus, haurrei liburuak helarazteko modu bat.

Gaur apirilak 20, kentzen da barrualde askotan maskara erabiltzeko derrigortasuna Hego Euskal Herrian, Covid pandemiaren neurrien arintzean erabaki inportante bat. Birusa desagertu ez denez, nahiz eta txertaketa zabaldua egon; ber-kutsaketak posible dira eta pertsona zaurgarrien artean txertoak babesa ematen du, baina ez inmunitate osoa, eta hortaz, ondo egon liteke gogoratzea barrualdeetan aireztapena bereziki zaintzea ondo etor daitekeela. Eusko Jaurlaritzak aireztapenari buruzko aholku zehatzak osatu zituen duela hilabete batzuk, eta hona ekarriko ditugu oroigarri.

Idealista da etxe-salmentarako Interneteko Espainiako zerbitzurik ezagunena, eta hala da Hego Euskal Herrian ere. Alokairuekin, gentrifikazioarekin eta oro har etxeen garestitzearekin egindako negozio ez oso argietan nahastua dagoelakoan kritika ugari izan zaizkio Idealistari, eta ez da egiarik faltako salaketa horietan seguruenik. Baina, tarteka, informazio praktikoa ere ematen dute, eta hemen erakutsiko dizuegu tresna interesgarri bat: eraikuntzen antzinatasunaren mapa.

Sharenting delakoa, gurasoek beren haurren irudiak sarean partekatzea, praktika desegokia dela Basque CyberSecuruty Centre delakoak (BCSC), ziiobersegurtasunaz arduratzeko sortutako EAEko erakunde publikoak. BCSCk kanpaina antolatu du zenbait hezkuntza erakunderekin ikasle jendearen eta beren gurasoen artean ziber-segurtasunaz kontzientzuako: "Ziberrean, Zibersegurola", da leloa; eta horren harira banatutako aholkuetan dator azken ohartarazpen hau.

Privacy.eus duela hilabete gutxi dago martxan, iazko abendutik zehazki. Xabier Durruti informatikariak sortu du eta pribatutasun teknologikoak duen inportantzia nabarmentzea du helburu webguneak, informazio praktikoa eskainiz. Gaztelaniaz, ingelesez eta euskaraz dago webgunea, baina nabigatzailea zuzen euskaraz konfiguratuta baduzu, lehen hitza euskaraz emango dizu Privacy.eus-ek bisitatzen duzunean,

Iñaki Segurola euskalari, idazle, euskaltzain urgazle eta polemista atzo hil zen 60 urterekin. Orotariko Euskal Hiztegiaren proiektuan lan egin zuen 1990eko hamarkadatik, eta baita Euskal Hiztegi Historiko-Etimologikoan ere. Saiakera liburuak idatzi zituen, bere iritzia uhin eta zutabeetan banatu, eta eleberri bat argitaratu zuen iaz Koiteretzia.

Datorren naiatzaren 7 eta 14an, bi larunbat goizez, ikastaroa antolatu du UEUk Eibarko Markeskoako bere egoitzan: Euskara sustatzeko komunikazio kanpainak diseinatzen. Ander Bolibar irakasle eta komunikazio-adituak emango du ikastaroa, zeinak alderdi praktikoak ere ukituko dituen. Plaza gutxi dira, eta izena emateko epea apirilaren 22a artekoa.

Otoi.eus aurten urtarrilean martxan jarri den webgune bat da. Euskarazko webgune kristau bat, "fedea egunero elikatzeko euskarazko tresna", beraien azalpen orrian diotenez. Jesusen Lagundiaren ekimenez eta Arrupe Etxea Fundazioaren ardurapean sortu da gunea.

Biba Egunean Behin lehiaketaren 3. saioa atzo asteartez eman zen ETB1en eta ETBren Interneteko kanaletatik. Jokora etxeetatik konektatuak 29.980 pertsona izan ziren guztira. Hiru sailkapen txanden ondoren, etxeko 20 onenek jokatu zuten aurreko txapeldun batzuekin: Korrika amaierako partidako irabazle Alba Estrada, abenduko Biba Egunean Behin-eko irabazle Jon Arroyo usurbildarrarekin eta 8. denboraldiko irabazle Erik Gartzia kazetariarekin. Gartziak irabazi zuen, demostratuz ez bakarrik txanpa luzeko denboraldian nabarmentzen dela, baita berehalako erronketan ere.

Duela egun batzuk jarri da martxan eta aurkeztu da Berriketan.eus, Debako euskarazko Interneteko albistegia, Gipuzkoako herriko honetako Zuhatza Euskara Elkarteari lotua.

Egunean Behin jokoaren aurreko bi denboraldietan bezala, telebistako zuzeneko batekin itxiko da joko/aplikazioaren 9. denboraldia. "Biba Egunean Behin" zuzeneko telebista saioa izango da,  ETB1en eta eitb.eus-n, gaur gaueko prime time ordutegian, 22:30ean. Platoan jokatuko diren Egunean Behin partiden formatuan aldaketak egongo dira, baina gauza batek berdin jarraituko du: nor bere etxetik ere konektatuko da, aplikazioaren bidez. 22.30etan jarri telebistan, mugikorra eskuan, eta aplikazioan adi atzera-kontuari.

Karmele Jaio idazleak eraman du lekukoaren azken tartea 22. Korrikan, eta haren barruan zetorren mezua atera eta irakurri du, berak idatzia baitzen. Euskara material baten aldeko aldarria izan da; ez ondare, ez altxor, ez espiritu bat, ez jarduera birtual bat, baizik eta zerbait hezur-haragizkoa: "Sinistu dezagun euskara ez dela daukagun zerbait, garen zerbait baizik."

Bihar igandea, eguerdian iritsiko da Korrika 22 bere amaiera puntura, Donostiako Bulebarrera, 12.30etan dago aurreikusia iritsiera hori eta, jarraian, mezuaren irakurketa. Horrekin batera, Donostiako hainbat puntutan, bukaera jaia antolatu da, ekitaldi batzuk lehentxoago izango direlarik, baina gehienak eguerditik iluntze bitartera. Horien artean, Egunean Behin zuzeneko partida flash presentziala Bulebarreko kioskoaren ondoan, 13.30etan.