Joan zen asteko zurrumurruen ostean, atzo baieztatu zen albistea: Applek Shazam erosi du, 400 milioi dolar ordaindu ondoren. Entzuten ari zaren abestiak identifikatzen dituen aplikazioa daShazam. 

Sarean gero eta tarte handiagoa daukate bideoek eta youtuberrik. Zer leku du euskarak sarean? eta ba ote youtuber euskaldunik? Gai horien inguruan aritu ziren, besteak beste, joan zen larunbateko mahai-inguru batean Durangoko Azokan. Tartean izan zen Aiora Probatxoa sarelaria, eta hauxe da bertan bota zuen bideoa. Izan ere, bai, jakina, bada youtuber euskaldunik. Hemen zerrendatxo bat eta kanal horietarako estekak.

Ez Black Friday ezta Cyber Monday ere. Gurean, .EUS egunak ospatzen ditugu. Izan ere, .EUS domeinuak 3 urte bete ditu abenduaren 3an! Euskararen Nazioarteko Egunean eta Durangoko Azokaren erdian. Ospatzekoak #EUSegunak , ez da hala? #EUSegunak Abenduaren 1etik abenduaren 31ra, zure .EUS domeinua 2 urterako 15 euroren truke. Domeinua orain erregistratuz gero ez duzu berritu beharrik izango bi urte barru arte. Domeinu-izenak erregistratzaileen bitartez erregistratzen dira. Zalantzarik baduzu jarri gurekin harremanetan eta lagunduko dizugu.

2004ko euskararen egunean ireki zuen Patxi Gaztelumendik bere bloga. Orduz geroztik hainbat gai landu ditu bertan: irratigintza eta komunikazioa, literatura eta telebista, auzolana eta batailak, hedabideak eta teknologia berriak... 13 urte bete ditu blogak eta urte guzti hauen kronika digitala egin du Gaztelumendik. Software librea, teknologia berriak, euskara eta sarea ardatz. Hona ekarri dugu laburpena, CC lizentzia libreari esker.

Bidaien inguruko webgunerik ezagun eta arrakastatsuenetakoa da Tripadvisor.com. Milioika erabiltzailek darabilte euren bidaiak antolatzeko. Bada, erabiltzaile horiek iritzi eta iruzkinak kontuan hartuta, Travelers' Choice 2017 lehiaketako irabazleak argitaratu ditu oraintsuan. Besteak beste, munduko 25 hiririk (edo ingururik) erakargarrienak zeintzuk diren, edo munduko 25 hondartzarik ederrenak zeintzuk diren. Azken zerrenda horretan euskaldunok badugu ordezkaririk, Donostiako Kontxa agertzen baita munduko seigarren hondartzarik ederrenaren tokian, eta Biarrizkoa pixkat atzerago, 18. lekuan. Eta bai, lasai egon: munduko jatetxe gomendagarrienen zerrendan ere badugu ordezkaririk, nola ez ba! ;) 

Next Station plataformak euskal sortzaileak bilatzen ditu euskaraz eta 4K teknologian lehen serie digitala sortzeko. Deialdia edozeini zuzendua da. Horretarako, proposamenaren bideo bat bidali behar da 2017ko abenduaren 15eko berantenaz. Irabazleak, besteak beste Euskal Telebistak hedatuko duen serie bat filmatzeko aukera izanen du.

52. Durangoko Azokaren barruan, Kabia gune digitalean ere egitaraua prest dago. Aurten, bost egun izango ditugu kultura digitalaz ere gozatzeko. Goiz eta arratsaldeko ordutegia izango dugu, 11:00etatik 14:00etara, eta 16:30etik 19:30era.

Zenda argitaletxeak lehen aldiz antolatu du euskarazko ipuin laburren lehiaketa, Iberdrolaren babesarekin. Irabazlearentzako saria 2.000 eurokoa izango da, eta finalistarentzat, 1.000 eurokoa. Epaimahaian Ana Malagón, Iban Zaldua, June Fernández, Katixa Agirre, Ander Izagirre, Jon Kortazar eta Mikel Urkiaga egongo dira. Parte hartzeko epea abenduaren 10ean amaituko da, gauerdian. 

Telefonoetako testu mezuek (SMS, Short Message Service) 25 urte bete dituzte atzo bertan. 1992ko abenduaren 3an bidali zuten lehenengo probako testu-mezua. Garai batean oso erabilia, WhatsApp eta Telegramen belaunaldiak apenas erabiltzen duen SMSrik. Hala ere, gaur egungo zerbitzuak ere jatorrizko SMS haien oinordeko dira.

Twitterren zabaldu dute zenbait euskaldunek turkiar batek Google Translate-ko itzulpen automatikoaren egindako ariketa. Nola turkierak ez duen genero gramatikalik (euskarak bezala!), zein sexurekin itzuliko zituen 'erizain' edo 'sendagile' bezalako terminoak, hitz hauek jeneroa daramaten hizkuntzetara?

Oso ohituta gaude Twitter, Instagram eta Google+en traolak erabiltzera, baina ba al zenekien Facebooken ere erabili daitezkeela?

1997ko uztailaren 22an, Google sortu baino urte bat lehenago, kaixo.com jaio zen, euskarazko lehenengo bilatzailea. Urteurrena ospatzeko kaixo.com izeneko dokumentala egin dugu eta Durangoko Azokan (Irudienea) abenduaren 10ean goizeko 12etan argitaratuko dugu. Sarrera doakoa izango da.

Joan zen azaroaren 18an espazioratu zuten VIIRS (Visible Infrared Imaging Radiometer Suite) izeneko tramankulua. Funtsean, argazki-kamera erraldoi bat da, zeinek zehaztasun handiko milioika argazki aterako dituen espaziotik klima-aldaketaren eraginak monitorizatzeko. Espektro infragorrian eta ikusgaian aterako ditu argazkiok, besteak beste itsasoaren eta atmosferaren tenperatura neurtzeko, izotza eta ura nola mugitzen diren ikuskatzeko eta lurrazaleko landaretzaren estaldura aztertzeko. 

Komunikazioan eta globalizazioan aritzen den enpresa da Lionbridge. Euren helburuetako bat da komunikazio eleanitzaren konplexutasuna ahal bezain ondo kudeatzea komunikazio-eremu globaletan. Oraingo honetan, euskarazko laginak ere jaso nahi dituzte, eta 1.000 euskal hiztunen bila dabiltza. Euskarazko esaldi/hitz batzuk irakurri eta grabatzea izango da egin beharreko lana (etxetik bertatik, mugikorrean edo ordenagailuan). Ondoren, grabazio horiek euskarazko ahots errekonozimendu automatikoa hobetzeko erabiliko dira. Parte hartu nahi baduzu, ondorengo orrira joan eta zure datuak sartu beharko dituzu. Proiektuan parte hartzearren ordaindu egingo dute (Paypal bidez), nahiz eta ez duten zehaztasunik ematen. 

Zer da SVG irudi bat? Irudi bektorial bat da, hau da, kalkulu matematikoez nabigatzaileak interpretatu, eskalatu eta aldatu dezakeen irudi edo irudi sorta formatua. Illustrator edo InkScape bezalako programekin sor daitezke SVGak. Pixel formatuko irudiak ez bezala (JPEG, PNG...), hauek nahi adina eskala daitezke kalitaterik galdu gabe. Webguneez ari garenean, aipatu beharreko gai nagusietako bat irudien trataera da. Artikulu honetan erakutsiko dizuet nola sartu eskua SVG batean XML eta CSS ezagutza pixka batekin. Horretarako tanit.eus webgunerako sortu ditudan animazioak erabiliko ditugu.