Wordle egunero den bezala (euskaraz ere bai), Heardle zegoen iaz sarean, egunero bost saiakeraran abesti bat asmatzeko tresna (baina Spotifyk erosi zuen eta akabo esperientzia). Orain, ordea, halako jokoa egiten uzten duten bi tresna daude euskal musikarekin jolasteko, duela hilabete batzuk martxan dagoen Entzule, eta Badok atariak estreinatu berri duen Kantok.

Administrazioan Euskaraz taldeak ETBri kritika egin dio Jardun-en Aberri Eguneko manifestazioaren ibilbidean. “ETB = Erdal Telebista” eta “ETB, euskaldunak erdalduntzen”, izan zen erakutsi zuten lekoa. Hala adierazu du taldeak: "Jardun alderdi politikoak Gernikan ospatu zuen Aberri Eguna. Jendea bildu zenez gero, aukera ona izan zen Euskal Telebistaren politika salatzeko. Argazkian “ETB = Erdal Telebista” eta “ETB, euskaldunak erdalduntzen” leloak dituzten pankartak ageri dira, ibilbidean jarritakoak. ETB2ren nagusitasuna eta atzerriko film bikoizketen desagerpena gogoan, batez ere."

Berriki EITBko web edukietarako gure editore Luistxo Fernandezek grabatutako pieza bat: zer dakien Googlek gutaz, eta nola konfiguratu dezakegun hori zenbait urratsetan. Testuz ere azaldu genituen konfigurazio oinarrizko horiek duela egun batzuk.

Inoiz egin den ikurrinik handiena osatzeko eta Tourraren inguruko lanketa finantzatzeko, crowdfunding edo diru-bilketa kanpaina martxan jarri du Gure Eskuk Euskal Herririk Mundura leloarekin, Itsulapikoa plataforma euskaldunean.

Bernardo Atxagaren edizio berriak argitaratu ziren joan den astean katalanez. Batetik, Kilker bat autopistan gaztelaniaz (hau Asun Garikanoren itzulpena) eta katalanez kaleratu ditu Folch & Folch argitaletxeak. Bestetik, Obabakoak-en berrargitalpena, berriz Navona argitaletxearen eskutik etorri da. 

Zer Non Ikusi webguneak Youtuben euskarazko edukia topatzeko atal berria ireki du bere eskaintzan: Youtube euskaraz. Kanal edo zerrenda berezietan antolatu dute edukia, hala nola podkasten zerrenda, edo euskarazko marrazki bizidunena. 

Eskola-oporretan gaude, baina unea izan daiteke duela egun batzuk kaleratu zen agiri bat gogora ekartzeko: Eusko Jaurlaritza prestatzen ari den Hezkuntza Legearen inguruan, Hezkuntza Plazara proposamena kaleratu du, legea hobetu eta lantzeko, eta bultzada emateko, herriz herri, Hizkuntza Proiektuei, Herrietako Hezkuntza Proiektuei eta Euskal Curriculumari.

“Plaza de la Constitución” kartela ele bitan jartzeko betebeharrik eza ebatzi zuen epaileari zuzenean aurka egin dio Nafarroako Administrazio Auzitegiak, argudio sorta batekin: Alkateak ez du eskumenik Euskararen Ordenantza saihesteko; “Plaza de la Constitución” edo “Camino de Santiago” ez dira Nafarroako Gobernuak onartutako toponimoak; ez dira izen bereziak, Erregistro batek babestuak; ez dira izen itzuliezinak (“Donejakue Bidea” normaltasunez erabiltzen da Nafarroako Aldizkari Ofizialean); afera hau Nafarroako Administrazio Auzitegiko Osoko Bilkuran erabaki zen (kide guztiak bilduta) eta Nafarroako Administrazio Auzitegiaren jurisprudentzia horrela finkatuta geratu zen (ele bitan jartzearen alde).