Teknofiloen albistegia

Kaixomaitia.eus | Saltsa badago!

Erabiltzailearen aurpegia

Internet omen da ligatzeko dantzaleku berria, gure helburua Euskaldun guztiak dantzan jartzea da! Saltsa badago!

Erabiltzailearen jarduna

Utikan!

Horretarako zaharregia zarela.

Zentzatu behar duzula.

Erotuta zaudela.

Desioa sentitzeagatik oso puta zarela.

Hau janzteagatik oso lizuna zarela.

Orain nahi ez duzulako hotza zarela.

Ama txarra zarela.

Emazte txarra ere bai.

Alaba gaiztoa.

Feminista gaiztoa.

Emakume gaiztoa.

Superfiziala.

Hezurretan zaudelako gehiago jan behar duzula.

 

 

Armairuko hiria

Nik ez dut arroparik gordetzen armairu barruan, hiri erraldoi bat baizik. Bai, hiri bat. Bertan sartzen naiz armairuz kanpokoak akitzen nauenero. Lehenengo aldiz, armairu barruko ilunpeaz ohartu gara eta barruraino sartu zaigu. Jada ez zaigu hain erosoa egiten gerizpea. Eta bertan pasatzen ditut amestutako gauak. Ez da eguzkirik sartzen, baina ez nuke esango leku iluna denik. Iluna baino erosoa iradokitzen zait gehienetan. Nire armairu barruko hirian ez da ezinezkorik gertatzen. (...) Ekainak 28a aitzakia besterik ez da borrokari heltzeko. Adostu dugu denok aterako garela kalera egun horretan eta ondorengoetan. Ikus gaitzatela borrokan. Senti gaitzatela. Nahi duenak lagun gaitzala, nahi ez duenak arerio. Baina gaitzatela, bederen.

Hilerokoa irudikatuko duen emojia zein izango da?

Hilerokoa irudikatuko duen emojia zein izango da? -

Nagore Vega | Kaixomaitia.eus

Duela bi aste galdera egin genizuen hemen: Zein emojirekin irudikatuko zenukete hilerokoa? Plan International GKE Gobernuz kanpoko erakundeak dagoeneko jakinarazi du zein den hauen artean irudi irabazlea

Hileroko emojia

Irabazlea zein suertatu den jakiteko, egin kuku kaixomaitia.eus-en blogean! >>

Nazioarteko kanpaina bat abiatua zuen Plan International-ek maiatzaren bukaeran, hilerokoa irudikatzeko emoji bat sare sozialetan txertatzeko eskatuz. Haurren eskubideen aldeko erakundeak tabuarekin hautsi nahi du, eta horretarako sustatu zuen ekimena.

Jakinarazi duenez, 54.600 pertsonak baino gehiagok parte hartu zuten webguneko bozketan. Konpresa bat, utero bat, egutegi bat eta odol tantak ziren gainontzeko emojiak.

Denok doan dantzalekuetan, edo inor ez

Ez naiz inoiz izan diskoteketan ibiltzekoa. Nahiago izan ditut tabernak eta poteoak, edo plazako dantzak. Hala ere, jakitun naiz horrelako areto askotan neskek jasan dugun erabileraz: gu “doan” sartzen utzi, eta mutilak atzetik, ordainduta. Bai, argi daukat kasu horietan gu garela “objektua” edo “produktua”: “objektu erakargarri” bihurtzen gara, sarrera ordaintzen ez badugu ere, gure gorputzarekin abonatzen dugu prezio hori. Ez da diskriminazio positiboa, emakumeak “gauza” bihurtzen gaituzte, “merkantzia”.

Hilerokoa irudikatzeko emotikonoaren bila

Nazioarteko kanpaina bat abiatu dute hilerokoa irudikatzeko emotikono bat eskatuz. Haurren eskubideen aldeko Plan International GKE Gobernuz Kanpoko Erakundeak tabuarekin hautsi nahi du, eta horretarako sustatu du ekimena (Mashable-n ikusia). Erakundeak bost diseinu prestatu ditu emojiarentzat, eta edonork bozka dezake bere faboritoaren alde. Sareetan ere hurrengo etiketa edo traola erabiltzea proposatu du: #periodemoji

LTGBIren alde asko egiteke oraindik

Kaixomaitia.eus | Nagore Vega

 

Maiatzaren 17an, asteazken honetan, Homofobia, Lesbofobia, Transfobia eta Bifobiaren Aurkako Nazioarteko Eguna “ospatu” dugu. Komatxo artean diot, oraindik asko dagoelako egiteke. Zoritxarrez, normalizatze bidean gauden arren, LGTBIfobia uste baino zabalduago dago, lesbiana, gay, trans, bisexual eta intersexulean kontrako fobia, alegia.

Harreman bat uztea, 3.0 aroan: blokeoak eta isiltasuna

Datuen arabera harreman sexualak gora doaz Tinder eta antzeko aplikazioen bidez. Hala ere, gero eta jende gehiago kexu da harremanak ez ditugulako zaintzen eta garatzen, eta sakelakoaren atzean gordetzen garelako, distantziaz baliatuta, baita bat-batean desagertu ere.

Monogamia eta polimaitasunaren arteko naufragioa

Bikote eredu tradizionala izanik maitasun erromantikoaren kulturak onartzen duen erlazio bakarra, harreman afektibo-sexual anitzak salbamendu-txalupa izan daitezke. Baina, honek ere baditu deseraiki beharreko hainbat  mito eta estereotipo.

Haurdunaldi subrogatua: bai edo ez?

Azkenaldian pil-pilean dabilen gaia da haurdunaldi edo gestazio subrogatuarena, bai hedabidetan zein gizartean bertan. Eztabaida pizten du. Nik neronek ere ez daukat batere argi alde edo kontra nagoen. Bi aldetan topa ditzaket konbentzi nazaketen argudioak. Horregatik, nagusi diren bi jarrerak, aldekoa zein kontrakoa, defendatzen dituztenak irakurtzen jarri naiz.

Desintoxikazio sexuala: baraualdiaren ondoren, pasioa berreskuratu

 

Bai, ondo irakurri duzue. Dei diezaiokegu moda, korronte berria edo dena delakoa. Kontua da gero eta gehiago direla sexuaz “desintoxikatzeko” tartea hartzen dutenak. Horien iritziz, bizitza sexuala mekanikoa edota aurreikusteko modukoa bihurtzen denean, hobe da uztea, sex detox bat egitea eta oporrak hartzea. Hala, errazagoa da berriro “apetitua” berreskuratzea. Filosofia, kasu honetan, elikagai-baraualdien antzekoa da. Janari batzuk kalte egiten badigute edota gure sistema kargatzen badute, batzuk jateari uzten diote epe batean. Modu horretan organismoa depuratzen dute, eta jakiek berriro “asetzen” dituzte, zentzu guztietan. Sexua dagoeneko aspergarri samarra bada, betebehar bat, zerbait mekanikoa... Baliteke denboraldi batez paso egin eta erotikaren gaineko gustua berreskuratzea. Humanoa omen da: ez duguna faltan sumatzen omen dugu, eta ez omen dugu baloratzen, behar bezala, inguruan duguna.

 

"Ohiko" sexu erasoak desnormalizatu beharra

Pasa den astean film labur bat ikusi nuen Naiz-en bidez: Arrunta naiz. Chloé Fontaine-ren lanean (frantsesez), 2 minututan, bikote harremanetan maiz gertatzen den sexu eraso bat irudikatzen da. Mutilak harremanak izan nahi ditu, baina neskak ez. Nekatuta dagoela esaten dio, dutxatu berria dela, ez duela gogorik... Mutilak, ordea, entzungor egin, eta azkenean, harremanak izatera behartzen du.

Kaxiomatia.eus-en #Sexuinkestaren aurkezpena Emakumeak ardatz Gehituren egoitzan

Asteartean, Martxoak 7, eta hurrengo eguneko aldarrikapen egunaren baitan, Gehitu Elkarteak gonbidatuta, euren egoitzan izan nintzen iaz plazaratu genuen "Euskal Herritarron harreman afektibo eta sexuali buruzko ikerketaren" emaitzen aurkezpena egiteko. Oraingoan, emakumeek emandako erantzunak soilik ardatz hartuta.

Ez gara gutxi eta haserre gaude #Martxoak8

Hamaika udaberri pasatu dira 1857ko martxoaren 8an hamabost-mila emakumek New Yorkeko kaleak hartu zituztenetik, ehungintza-fabrika batean pairatzen ari ziren lan-baldintzengatik protestan eta boto-eskubidearen eskean. Hamaika udaberri. Eta ehunka negu. Ez dira gutxi. “Ni Dios, ni patrón, ni marido” (2010, Laura Mañá) pelikulan, horrela erantzuten dio gizon batek emakumeen borrokari: “Emakumeak emantzipatu? Zertarako? Popatik hartzera emakumeen emantzipazioa! Etor dadin gurea lehenengo, eta gero, gu burujabeak eta libreak garenean… ikusiko dugu.” Honen aurrean, bi bide har genitzaken: erosoena, borrokari uko egitea eta beste guztiari men; edo neketsuena, lubakietakoa, transzendentziarena. Gu ez gara gure txandaren zain egongo, zigarro luzeen igaroan. Ez gaitu inork gonbidatu feminismoaren areto-dantzara. Feminismoa gu gara.

Lehengusinari bisita

Aspaldian ez genuen Eneritzen abenturen berri eta Lazkaoko "Lehengusinari bisita" egin ondoren etorri da Kaixomaitiaren blogera Alaitz Barandiaranen eskutik.

Kaixomaitiak 10 urte!

Gaur bete ditugu 10 urte. 10 urte pentsaezina lortzen!

#zorionakguri!

#milaeskermaiteok!

Maletak eta se√Īoritak - Kaixomaitia.eus

Santiago. Iritsi gara. Imanolek ez dit atsedenik eman hegaldiko lehenengo sei orduetan, eta orain lehortu du ezpainpeko lerdea, menia bere ohiko bonbardaketekin eteteko prest. Ia ez duela deskantsatu dio, hegazkinak lur hartu duenean justu eten duela hartu berri zuen ametsa. Gezurra. Nik ez dut kliskarik egin hamabi ordutan eta badakit Imanolek seko pasa duela bidai erdi.

Urte berria, pasio berriak on line?

Modan daude ligatzeko webguneak eta aplikazioak, sekula baino gehiago. Egia esan, ia Internet sortu zenetik egon da on line ligatzeko aukera. Gogoan ditut hasierako txatak. Hala ere, gaur egun, askoz jende gehiagok erabiltzen ditu. Esan genezake, nolabaiteko goraldia izaten ari direla. Jendeak nabari du hori. Eta horren aurrean, kontrako bi jarrera oso definitu hartzen ditu (edo hori ari naiz ni bizitzen azkenaldian). Solasaldietan, batzuek, webgune eta aplikazioak erabiltzearen aldeko defentsa irmoa egiten dute; besteek harrituta begiratzen diete, ez dute ulertzen joera hori eta “sexu-supermerkatu” edo “haragiaren supermerkatu” gisa ikusten dituzte.

On line ere, rolak eta estereotipoak betikotzen

Aste honetan bolo-bolo ibili da artikulu hau gure sare sozialetako hormetan: Tetas y chistes machistas: el asqueroso mundo de los grupos de WhatsApp de tíos (Titiak eta txiste matxistak: mutilen WhatsApp taldeen mundu nazkagarria). Argi laburtuta dago bertan: biolentzia matxista sareetatik ere iristen zaigu. Eta barre egiten dugu, gaitzetsi gabe. Taldeek agintzen dute, ia inork ez du dudan jartzen gertatzen eta esaten dena, are gutxiago kritikatu edo salatu. Denak balio du.

Udaleku beroak (II)

Alaitz Barandiaranen Udaleku Beroak narrazio erotikoaren bigarren atala da hau. Hemen duzue lehena

Lehenengo egunetan zehar eguraldiak dezente lagundu zigun errutak egiterako garaian. Batzuk besteak baino gogorragoak egin zitzaizkidan, baina segituan ohitu nintzen motxilaren pisura eta dutxatu gabe ibiltzera. Naturan ginen, abenturaz gozatzen eta autonomo izateko prozesuan. Dena primeran zihoan. Gure kanpin dendan Eki, Leire eta ni ginen, aspaldiko lagun onak. Beno, egia esateko dena ez zihoan horren ondo. Udalekuetara etorri aurreko hilabetean gauero bi bider masturbatzen nintzen gutxienez, eta udaleku hauetan aste bete neraman eta oraindik masturbatzeko unea ez nuen topatu! Gauren batean igurtziak eman nizkion nire alu gaixoari, baina banekien gehiegi emanez gero Eki eta Leire ohartuko zirela. Zaila egiten baitzait erabateko disimuluarekin masturbatzea, berotzen banaiz ondoan nor dagoen ez zait gehiegi axola eta auskalo! Oso beroa banaiz ere lotsa puntu bat badut, aitortu beharra daukat.

Heteroarautik kanpo: sexu jarduera dibertigarriak eta seguruak

Harreman irekiei buruz aritu ginen pasa den astean. Prest ote gauden galdetzen genion geure buruari. Ez dira “ohikoak” izaten harreman irekiak praktikatzen dituzten kasuak, edo ez behintzat ezagunak (ez dira oraindik ahots ozenez hitz egiten diren gaiak. Lastima! Hainbeste ikasiko genuke...). Horregatik, eta zertaz ari ginen jakiteko, lehen hurbilketa txiki bat egin genuen.

Pixka bat harago joan, eta “sexu jarduera ez normatiboak” izango ditugu hizpide aste honetan: bikotea izan edo ez, “jarduera onartu eta nagusitik kanpo” praktika daitezkeen jardueratako batzuk, behintzat, ezagutzen saiatuko gara.

Aurrekoak ››

Publizitatea

Azken erantzunak

Erabiltzailearen aurpegia
Nabarmena izan da aparatu mediatiko nagusiek eg... (Oier Aranzabal)
Nola eragingo dio Bartzelon..., 2017-08-18
Erabiltzailearen aurpegia
Eskerrik asko erantzunengatik. √Ďabardura bat Oi... (Luistxo Fernandez)
Nola eragingo dio Bartzelon..., 2017-08-18
Erabiltzailearen aurpegia
Nabarmena izan da aparatu mediatiko nagusiek eg... (Oier Aranzabal)
Nola eragingo dio Bartzelon..., 2017-08-18
Erabiltzailearen aurpegia
Agian nire TL partzialegia izango da, baina ner... (Benat Agirre)
Nola eragingo dio Bartzelon..., 2017-08-18
Erabiltzailearen aurpegia
Puntuetako batekin (CUP "anti-polizial"-az dioz... (Iban Arantzabal)
Nola eragingo dio Bartzelon..., 2017-08-18

»» Jardun osoa