Twitcheko zuzenekoan, beste bideo bat entxufatu dugu: ingelesez entzun ahal izan da Game of Thrones telesaileko pasarte bat Segura Irratian, baina Twitcheko zuzenekoan azpidatzi euskaldunekin ikusi ahal izan dugu. Horixe baita albistea, 21. mendeko telesail entzutetsuen eta arrakastatsuena, osorik euskaratua dagoela: 8 denboraldiak, 73 aatalak.

Kutxatilako ilaran dagoela ikusi ditu Real Madril taldeko kamisetak. Zarautzen dagoen izen ezaguneko kirol denda batean izan da. Hasieran pentsatu du nahastu egingo zela, ez zirela madrileko kamisetak izango, baina begirada apalategian finkatzean baieztatu du: bi talde euskaldunen elastikoen aldamenean daude, helduentzat zein haurrentzat aukeran. "Noiztik salduko ote dituzte Real Madrilekoak?", galdetu dio bere buruari.

Ezagutzen al dituzu emakume erreferenteak? Zientzialariak, erizainak, margolariak, astronautak, matematikariak, medikuak, idazleak, zaintzaileak, kirolariak, borrokalariak...? Ezagutzen badituzu, ondo, EmariAPP aplikazioan jokatu ahal izango duzu eta puntuazio onak atera. Eta bestela, ikasteko balioko dizu.

Umbra Light Jaialdia "argi jaialdi" bat da, Gasteizen urtero argirik gutxieneko egunetan antolatzen dena, eta aurten otsailaren 9tik 11ra egingo dena, ‘Enpatia’ goiburuarekin.

Mendi suteei buruz etxean aditutakoen "oihartzunak" kaskotik atera ezinik ibili da urteetan Eneko Barberena idazlea (Arrasate, Gipuzkoa, 1983). Beti iruditu izan zaio fikziora ekartzeko moduko ideia, gaiak berez eragiten duen polemikagatik, batik bat. "Batzuentzat, mendian suteak eragitea da larrea kontrolatzeko metodo tradizional eta ia bakarra. Beste batzuentzat, metodo horrek aspaldi behar luke desagertuta".

Ez dute hemen geratu nahi. Urtarrilaren 9an, Kriminologiaren Euskal Institutuak torturari buruz egindako txostena aurkeztu zion Nafarroako Gobernuari; arratsaldean, berriz, haren emaitza nagusiak azaldu dituzte parlamentuan Laura Pego eta Jeanette Ruiz ikerlariek. 1979tik gaurdainoko garaian, Nafarroan 825 kasu identifikatu dituzte, eta, horri 1960tik 1978ra arteko garaikoak gehituz gero, 1.068 kasu bildu dituzte guztira.

Irakasle lanetan urte luzez aritu zen Maite Goñi (Ordizia, Gipuzkoa, 1967). Iazko apirilean izendatu zuten EITBko Audio eta Digitalen zuzendari. "Balorazio ona" egin du lehen hilabeteen inguruan, "kontuan izanda kargua erantzukizun handikoa dela". Azkeneko urteetan, bideak hezkuntza mundutik urrundu du, eta gero eta gehiago komunikaziora eraman -urte askoan aritu da kolaboratzen Euskadi Irratian eta ETB1en-.

2023/02/04 Gasteizko Errekaleor auzo okupatua energetikoki independientea da 2017an sare elektrikotik deskonektatu zirenetik. Orain, Euskal Herriko Unibertsitateko ikerketa batek Errekaleorreko biztanleen energia-aztarna neurtu du. Zuzeneko kontsumoaz harago doa neurketa-sistema hau, bizilagunen kontsumo-ohiturak ere barne hartzen dituelako.

Adimen artifiziala bilaketan integratzeko ahaleginak iragarri dituzte Googlek eta Microsoft-ek. Produktu berrien aurkezpena egin dute ordu gutxiren aldearekin enpresa bietako zuzendari nagusiek. Joan gara begiratzera eta... promesak dira oraingoz. Ikusiko dugu noiz jartzen den martxan Bing berritua (Microsoften bilatzailearen bertsio berria) eta noiz Bard, Googlek izen berriarekin baitaiatu duen tresna.